Monday, December 31, 2012

ਹਨੀ ਸਿੰਘ, ਜੈਜੀ ਬੀ ‘ਤੇ ਹੋਵੇਂ ਬਲਾਤਕਾਰ ਦਾ ਪਰਚਾ

by ਤੇਜਾ ਸਿੰਘ ਚਰਨਜੀਤ on Sunday, December 30, 2012 at 2:13pm ·

ਮੇਰੀ ਸਮਝ ਮੂਜਬ ਬਲਾਤਕਾਰ, ਬਦਚਲਨੀ, ਜਨਾਨਾ ਸੁਰੱਖਿਆ, ਅਣਖ ਤੇ ਆਸ਼ਕੀ ਆਪਸ ‘ਚ ਇਕ ਸੂਤਰ ‘ਚ ਬੱਝੇ ਮੁੱਦੇ ਹਨ । ਕਿਸੇ ਇਕ ਦੀ ਗੱਲ ਕਰਦਿਆਂ ਬਾਕੀਆਂ ਦਾ ਆ ਜੁੜਨਾ ਲਾਜਮੀ ਹੈ ।
ਆਪਣਾ ਇਕ ਮਿੱਤਰ, ਅਣਖ ਲਈ ਕੀਤੇ ਕਤਲਾਂ ਦੇ ਸਬੰਧ ‘ਚ ਕਹਿੰਦਾ ਹੁੰਦਾ , “ਧੀ ਧਿਆਣੀ ਤਾਂ ਵਿਚਾਰੀ ਅੱਲੜ ਹੁੰਦੀ ਆ ..ਉਹਨੁੰ ਕਾਹਦੀ ਸਜਾ , ਬੱਸ ਇਹ ਪਤਾ ਕਰੋ ਕਿ ਉਹ ਗਾਣੇ ਕਿਹੜੇ ਕੰਜਰ ਦੇ ਸੁਣਦੀ ਸੀ । ਗੋਲੀ ਮਾਰਨੀ ਤਾਂ ਉਸ ਕੰਜਰ ਦੇ ਮਾਰੋ ।
ਇਕ ਗੱਲ ਪੱਲੇ ਬੰਨ ਲਉਂ ਜੋ ਪੰਜਾਬ ਨੁੰ, ਪੰਜਾਬ ਵਜੋਂ ਵੱਸਦਾ ਵੇਖਣਾ ਚਾਹੁੰਦੇ ਨੇ, “ਆਪਣੀ ਜਵਾਨੀ (youth) ਨਾ ਤਾਂ ਸਰਕਾਰਾਂ ਦੀ ਮੰਨਦੀ, ਨਾ ਜਥੇਦਰਾਂ ਦੀ, ਨਾ ਇਸ਼ਤਿਹਾਰਾਂ ਦੀ ਤੇ ਨਾ ਅਖਬਾਰਾਂ ਦੀ। ਜੇ ਇਹ ਮੰਨਦੀ ਹੈ ਤਾਂ ਸਿਰਫ ਕੰਜਰ ਕਲਾਕਾਰਾਂ ਦੀ।
ਜਿਥੇ ਉਹ ਚਾਹੁਣਗੇ । ਜਵਾਨੀ ਨੁੰ ਲੈ ਜਾਣਗੇ ।

ਬਹੁਚਰਚਿਤ ਫਰੀਦਕੋਟ ਵਾਲਾ ਨਿਸ਼ਾਨ ਜਦੋਂ ਸਰੂਤੀ ਨੁੰ ਘਰੋਂ ਚੁੱਕ ਕੇ ਲੈ ਜਾਂਦਾ ਤਾਂ ਅਸੀਂ ਚਿੰਤਾ ਕਰਦੇ ਹਾ । ਪਰ ਜਦੋਂ ਪ੍ਰੀਤ ਹਰਪਾਲ ਗਾਉਂਦਾ , ਮਾਪੇ ਨਹੀਂ ਮੰਨਦੇ ਲੈ ਜਾ ਮੱਲੋ ਜੋਰੀ .....। ਤਾਂ ਕੀ ਉਹ ਸਰੂਤੀ ਵਰਗੀਆਂ ਹਜ਼ਾਰਾਂ ਨਬਾਲਗਾਂ ਮੁੰਹੋ ਇਹ ਨਹੀਂ ਅਖਵਾ ਰਿਹਾ ਕਿ ਆ ਤੇ ਸਾਡੇ ਟੱਬਰ ਦੀ ਇਜਤ ਸਣੇ ਲੱਤਾਂ ਬਾਹਾਂ ਤੋੜ। ਤੇ ਅੱਗੋਂ ਜਦੋਂ ਦਲਜੀਤ ਗਾਉਂਦਾ ਹੈ ...ਕਿਵੇਂ ਤੋੜਦੂ ਕੋਈ ਤੇਰਾ ਮੇਰਾ ਪਿਆਰ ਨੀ, ਮੂਹਰੇ ਜੱਟ ਖਾੜਕੂ ਖੜਾ... ਕੀ ਇਹ ਨਿਸ਼ਾਨ ਜਿਹਿਆਂ ਦੀ ਪੈਰਵਾਈ ਕਰਦਿਆਂ, ਆਪਣੇ ਮੁੰਡਿਆਂ ਨੁੰ ਗੁੰਡਾਗਰਦੀ ਲਈ ਉਤਸ਼ਾਹਤ ਨਹੀਂ ਕਰਦਾ ?

ਆਪਣਾ ਬਠਿੰਡੇ ਵਾਲਾ ਭਰਤ ਖੰਨਾ ਕਹਿੰਦਾ , ਪਟਿਆਲੇ , ਦਿੱਲੀ, ਜਾਂ ਪੰਜਾਬ ਦੇ ਹੋਰ ਸ਼ਹਿਰਾਂ ‘ਚ ਹੋਣ ਵਾਲੇ ਸਾਰੇ ਬਲਾਤਕਾਰਾਂ ਦੇ ਪਰਚੇ ਤਾਂ ਹਨੀ ਸਿੰਘ ‘ਤੇ ਜੈਜ਼ੀ ਬੀ ਤੇ ਹੋਣੇ ਚਾਹੀਦੇ ਹਨ । ਜਿਹੜੇ ਨੰਗੀਆਂ ਕੁੜੀਆਂ ਫਿਲਮਾਂ ਕੇ ਨਾਲ ਗਾ ਰਹੇ ਹਨ -
ਬੱਤੀਆਂ ਬੁਝਾ ਲਉ ਜੀ
ਜਿੰਦੇ ਕੁੰਢੇ ਲਾ ਲਉਂ ਜੀ
ਮੁਨੀ ਨੁੰ ਮਨਾ ਲਉਂ ਜੀ
ਅੱਧੇ ਪੈਸੇ ਪਾ ਲਉਂ ਜੀ
this party getting hot

ਹੈਰਾਨੀ ਦੀ ਗੱਲ ਤਾਂ ਇਹ ਹੈ ਕਿ ਪੰਜਾਬੀ ਬੰਦਾ ਐਨਾ ਬੈਗੈਰਤ ਵੀ ਹੋ ਸਕਦਾ? ਜੈਜੀ ਬੀ ਨੇ ਇਕ ਵਾਰਾ ਟੀਵੀ ਇੰਟਰਵੀਊ 'ਚ ਦੱਸਿਆ ਸੀ ਕਿ ਉਹ ਆਪਣੀ ਵੱਡੀ ਧੀ ਨੁੰ ਘਰੇ ਮੁਨੀ ਕਹਿੰਦਾ ਹੁੰਦਾ । ਹੁਣ ਹਨੀ ਸਿੰਘ ਨਾਲ ਰਲ ਕੇ ਜੈਜੀ ਬੈਂਸ (B) ਗਾ ਰਿਹਾ ...... ਮੁਨੀ ਲੈ ਆਉ, ਅੱਧੇ-ਅੱਧੇ ਪੈਸੇ ਪਾ ਕੇ ।

ਪੈਸੇ ਪਾ ਕੇ ਮੁਨੀ ਲਿਆਉਂਣ ਵਾਲੇ, ਰਾਹ ਜਾਂਦੀ ਕੱਲੀ ਕਾਰੀ ਕੁੜੀ ਨਾਲ ਕੀ ਕਰਨਗੇ । ਇਹ ਦੱਸਣ ਦੀ ਲੋੜ ਨਹੀਂ ।
ਹਨੀ ਸਿੰਘ ਜੇ ਕਿਸੇ ਵੇਸ਼ਵਾ ਦਾ ਬੱਚਾ ਵੀ ਹੋਵੇਂ ਤਾਂ ਅਸੀਂ ਉਸ ਦੀ ਮਾਂ ਦੀ ਇੱਜਤ ਲਈ ਖੜੇ ਹਾ । ਜੈਜੀ ਬੀ ਦੀ ਧੀ ਸਾਡੀਆਂ ਧੀਆਂ ਭੈਣਾਂ ਵਰਗੀ ਹੈ । ਇਹ ਬਦਇਕਲਾਖੀ ਦੇ ਵਿਰੁਧ ਮੋਰਚਾ ਪੰਜਾਬ ਦੀਆਂ ਸਾਰੀਆਂ ਧੀਆਂ ਲਈ ਹੈ।

ਮੁਕਦੀ ਗੱਲ, ਤੁਹਾਡੇ ਖਿੱਤੇ ਦੀ ਸਿਆਸਤ ਤਹਿ ਕਰਦੀ ਹੈ ਕਿ ਤਹਾਨੁੰ ਕਿਸ ਤਰ੍ਹਾਂ ਰੱਖਣਾ ਹੈ । ਇਸ ‘ਚ ਕੋਈ ਸ਼ੰਕਾ ਨਹੀਂ ਕਿ ਕੰਜਰਕਲਚਰ ਭਾਰਤੀ ਸੱਤਾਧਾਰੀਆਂ ਦਾ ਪੰਜਾਬ ‘ਚ ਮਿੱਥ ਕੇ ਛਡਿਆ ਹਥਿਆਰ ਹੈ । ਤੁਹਾਡੀ ਵੱਖਰੀ ਪਛਾਣ ਤੇ ਹੋਂਦ “ਹਿੰਦ” ਲਈ ਹਮੇਸ਼ਾਂ ਖਤਾਰਾ ਰਹੀ ਏ । ਤੁਹਾਨੁੰ ਗੁਲਾਮ ‘ਤੇ ਘਸਿਆਰੇ ਬਣਾ ਕੇ ਰੱਖਣ ਲਈ ਇਸ ਤੋਂ ਵਧੀਆਂ ਕੀ ਹੋ ਸਕਦਾ ਕਿ ਤੁਹਾਨੁੰ ਬੇ ਅਣਖੇ, ਬੇ-ਗੈਰਤ ਕਰ ਦਿਤਾ ਜਵੇਂ ਤੇ ਤੁਸੀ ਵੱਜਦੇ ਵਾਜਿਆਂ ‘ਤੇ ਦਿਨ ਰਾਤ ਨੱਚਦੇ ਰਹੋ ।
ਹੁਣ ਇਹ ਪੰਜਾਬ ਦੇ ਲੋਕਾਂ ‘ਤੇ ਹੈ ਕਿ ਉਹ ਇਸ ਸ਼ਾਜਿਸ ਦਾ ਟਾਕਰਾ ਕਿਵੇਂ ਕਰਦੇ ਹਨ । ਦੁੱਖ ਤੇ ਇਸ ਗੱਲ ਦਾ ਹੈ ਕਿ ਜਿਹੜਾ ਪੰਜਾਬੀ ਟੀਵੀ ਚੈਨਲ ਤੇ ਸਵੇਰੇ ਰਾਗੀ ਤਬਲੇ ਕੁੱਟ ਕੁੱਟ ਕੇ
ਜਾਗਿ ਲੇਹੁ ਰੇ ਮਨਾ ਜਾਗੁ ਲੇਹੁ ਕਹਾ ਗਾਫਲ ਸੋਇਆ।।
ਜਾਗ ਰੇ ਮਨੁ ਜਾਗਨਹਾਰੇ ॥
ਦੇ ਨਾਹਰੇ ਲਾ ਰਹੇ ਹੁੰਦੇ ਨੇ । ਉਸੇ ਤੋਂ ਅੱਧੇ ਮਿੰਟ ਦੀ ਬਰੇਕ ਬਾਅਦ ਗਾਇਕ ਗਾ ਰਿਹਾ ਹੁੰਦਾ ਹੈ :
ਬੱਤੀਆਂ ਬੁਝਾ ਲਉਂ ਜੀ
ਮੂਡ ਜਿਹਾ ਬਣਾ ਲਉਂ ਜੀ
ਮੋਟੇ ਮੋਟੇ ਲਾ ਲਉਂ ਜੀ
this party getting hot


ਤੇ ਬੁਜਦਲੀ ਹੈ ਸੂਬੇ ਦੀ ਸਿੱਖ ਵੱਸੋਂ ਦੀ, ਜਿਥੋਂ 5 ਬੰਦੇ ਜਾ ਕੇ ਅਕਾਲ ਤਖਤ ਦੇ ਜਥੇਦਾਰਾਂ ਨੁੰ ਨਹੀਂ ਪਿੱਟਦੇ ਕਿ ਜਾਂ ਤਾਂ ਉਸ ਚੈਨਲ ਤੇ ਗੁਰਬਾਣੀ ਸੁਣਾਉਂ ਜਾਂ ਕੰਜਰਖਾਨਾ ।


ਤੇ ਉਹੋ ਜਿਹੇ ਕਥਾ ਕਰਨ ਵਾਲੇ ਰਾਗੀ ਢਾਡੀ , ਉਹੀ ਨਾਹ ਕਰ ਦੇਣ ਕਿ ਜੇ ਕੰਜਰ ਈ ਸੁਣਾਉਂਣੇ ਨਚਾਉਂਣੇ ਆ ਤਾਂ ਫਿਰ ਸਾਡੀ ਅਸਰ-ਰਹਿਤ ਕਥਾ ਵਾਰਤਾਂ ਨੁੰ ਛੱਡੋ।

....ਕਿੰਦ ਨਾਹਲ'''''

Wednesday, August 8, 2012

ਕਾਹਨੂੰ ਕਰੇਂ ਤੂੰ ਰੋਸ ਗਿਲ੍ਹਾ ਸ਼ਿਕਵਾ ਸੱਜਣਾ

ਕਾਹਨੂੰ ਕਰੇਂ ਤੂੰ ਰੋਸ ਗਿਲ੍ਹਾ ਸ਼ਿਕਵਾ ਸੱਜਣਾ
ਹੋਣੀ ਦੇ ਝੱਖੜ੍ਹ ਕਈ ਵਾਰੀ ਝੁੱਲ ਜਾਂਦੇ ਨੇ

ਅੰਬਰੀਂ ਜਦੋਂ ਗੁਬਾਰ ਜਿਹਾ ਚੜ੍ਹ ਜਾਂਦਾ ਐ
ਵੱਡੇ ਵੱਡੇ ਤਾਰੇ ਇਸ ਵਿੱਚ ਰੁੱਲ ਜਾਂਦੇ ਨੇ

ਮਿੱਟੀ ਹੈ ਇਹ ਜਿਸਮ 'ਤੇ ਸਭ ਮਿੱਟੀ ਹੈ
ਪਤਾ ਨਈ ਕਾਹਤੋਂ ਇਹ ਲੋਕੀ ਭੁੱਲ ਜਾਂਦੇ ਨੇ

ਐਵੇਂ ਕਿਉਂ ਨਿਰਾਸ਼ ਜਿਹਾ ਤੂੰ ਫਿਰਦਾ ਐਂ
ਇੱਕ ਬੰਦ ਹੋਇਆ ਬੂਹਾ, ਪਰ ਸੋ ਖੁੱਲ੍ਹ ਜਾਂਦੇ ਨੇ

ਮੇਰੀਆਂ ਭਰੀਆਂ ਅੱਖਾਂ ਵੇਖਕੇ ਨਾ ਡਰ ਤੂੰ
ਬਹੁਤਾ ਭਰਕੇ ਸਾਗਰ ਵੀ ਉੱਛਲ ਜਾਂਦੇ ਨੇ

ਐਵੇਂ ਨਾ ਹਰ ਇੱਕ ਨੂੰ ਆਪਣਾ ਸਮਝ ਜਿੰਦੇ
ਭੁੱਲ ਭੁਲੇਖੇ ਪੱਥਰ ਮੋਤੀਆਂ ਸੰਗ ਤੁਲ ਜਾਂਦੇ ਨੇ

ਮਨਪ੍ਰੀਤ ਕੌਰ, ਪੰਜਾਬੀ ਯੂਨੀਵਰਸਿਟੀ

Monday, July 30, 2012

'ਕੁੜੇ ਨੀਰੂ' ਪਾਣੀ ਦਾ ਗਿਲਾਸ ਲਿਆਈ, ਠੰਡਾ ਜਾ'

'ਕੁੜੇ ਨੀਰੂ' ਪਾਣੀ ਦਾ ਗਿਲਾਸ ਲਿਆਈ, ਠੰਡਾ ਜਾ' ਛੋਟੇ ਗੇਟ ਦੇ ਸਾਹਮਣੇ ਬਣੀ ਲੌਬੀ ਵਿੱਚ ਬੈਠੀ ਦਾਦੀ ਮੈਨੂੰ ਵਾਜਾਂ ਮਾਰਦੀ, ਮੈਂ ਅੰਦਰੋਂ ਪਾਣੀ ਲਿਆ ਕੇ ਦੇਣਾ ਤੇ ਕਹਿੰਦੀ 'ਕੁੜੇ ਤੱਤਾ ਐ' ਨਈਂ ਬੇਬੇ ਮੈਂ ਤਾਂ ਫਰਿੱਜ 'ਚੋਂ ਗਲਾਸ ਭਰ ਕੇ ਲਿਆਈਂ ਆਂ'' ਉਹ ਔਕ ਲਾ ਕੇ ਪਾਣੀ ਪੀ ਜਾਂਦੀ ਤੇ ਥੋੜਾ ਪਾਣੀ ਬਚਾ ਕੇ ਬੁੱਕ ਭਰ ਕੇ ਮੂੰਹ ਧੋ ਲੈਂਦੀ। ਗਰਮੀ ਵਿੱਚ ਸਾਰਾ ਦੁਪਹਿਰੇ ਉਹ ਬਾਹਰ ਲੌਬੀ ਵਿੱਚ ਬੈਠੀ ਰਹਿੰਦੀ। ਦਾਦੀ 100 ਵਰ੍ਹਿਆਂ ਤੋਂ ਉਪਰ ਹੋ ਗਈ ਸੀ ਪਰ ਉਸਦਾ ਚਿਹਰਾ ਹਮੇਸ਼ਾ ਖਿੜਿਆ ਰਹਿੰਦਾ। ਉਹ ਹਮੇਸ਼ਾ ਸਾਰੇ ਪਰਿਵਾਰ ਨੂੰ ਅਸੀਸਾਂ ਦਿੰਦੀ ਰਹਿੰਦੀ। ਉਸਨੂੰ ਮੇਰੇ ਵਿਆਹ ਹੋਣ ਦਾ ਬੜਾ ਚਾਅ ਸੀ। ਮੇਰੀ ਉਮਰ 25 ਵਰ੍ਹਿਆਂ ਦੀ ਹੋ ਗਈ। ਜਦੋਂ ਐਮ.ਸੀ.ਏ ਪੂਰੀ ਕੀਤੀ ਤਾਂ ਘਰ ਦਿਆਂ ਨੇ ਮੁੰਡਾ ਦੇਖਣਾ ਸ਼ੁਰੂ ਕੀਤਾ। ਦਾਦੀ ਕਹਿੰਦੀ 'ਮੇਰੀ ਪੋਤੀ ਤਾਂ ਬਾਹਲੀ ਨਰਮ ਐ। ਜਮ੍ਹਾਂ ਗਊ, ਐਵੇਂ ਨਾ ਕਿਸੇ ਅੜਬਾਂ ਦੇ ਫਸਾ ਦਿਉ। ਨਾਲੇ ਮੁੰਡਾ ਵੀ ਹਾਣ ਦਾ ਹੋਵੇ, ਜਿਹੜਾ ਮੇਰੀ ਪੋਤੀ ਨਾਲ ਆਉਂਦਾ ਜਾਂਦਾ ਸੋਹਣਾ ਲੱਗੇ। ਜਦੋਂ ਮੇਰਾ ਰਿਸ਼ਤਾ ਹੋਇਆ ਤਾਂ ਉਸਤੋਂ ਖੁਸ਼ੀ ਸੰਭਾਲੀ ਨਹੀਂ ਜਾਂਦੀ ਸੀ, ਉਹ ਉਸੇ ਦਿਨ ਤੋਂ ਹੀ ਗੀਤ ਗਾਉਣ ਲੱਗ ਪਈ। ਉਸਦਾ ਕਮਰਾ ਲੌਬੀ ਦੇ ਐਨ ਸਾਹਮਣੇ ਸੀ, ਜਦੋਂ ਕਈ ਵਾਰੀ ਬਾਰਸ਼ ਪੈ ਜਾਂਦੀ ਤੇ ਉਹ ਅੰਦਰ ਪੈ ਜਾਂਦੀ ਸੀ। 

ਮੇਰੀ ਮੰਗਣੀ ਜੁਲਾਈ 'ਚ ਹੋਈ ਸੀ। ਉਸਤੋਂ ਬਾਅਦ ਬਰਸਾਤ ਸ਼ੁਰੂ ਹੋ ਗਈ। ਉਹ ਅੰਦਰ ਪਈ ਹੁੰਦੀ, ਹੇਕਾਂ ਵਾਲੇ ਗੀਤ ਗਾਉਂਦੀ ਰਹਿੰਦੀ। ਮੈਨੂੰ ਸੱਸਾਂ ਵਾਲੇ ਗੀਤ ਸੁਨਾਉਣ ਲੱਗ ਪੈਂਦੀ । ਜੇ ਕਈ ਵਾਰ ਮੈਂ ਇਹਨਾਂ ਦਾ (ਮੇਰੇ ਪਤੀ) ਦਾ ਨਾਮ ਲੈਂਦੀ ਤਾਂ ਲੜਦੀ ਕਹਿੰਦੀ ਤੂੰ ਆਪਣੇ ਪਾਹੁਣੇ ਦਾ ਨਾਮ ਨਾ ਲਿਆ ਕਰ, ਮਾੜਾ ਹੁੰਦਾ। ਨਾ ਤੂੰ ਉਸੇ ਨਾਲ ਬਾਹਲੀ ਫੋਨ 'ਤੇ ਗੱਲ ਕਰਿਆ ਕਰ। ਮੈਂ ਹੱਸ ਕੇ ਟਾਲ ਦਿੰਦੀ,ਬੇਬੇ ਠੀਕ ਐ ਕਹਿ ਛੱਡਦੀ। ਨਹੀਂ ਕਰਦੀ। ਉਹ ਹਮੇਸ਼ਾ ਮੈਨੂੰ ਨਸੀਹਤਾਂ ਦਿੰਦੀ, ਇਹ ਨਾ ਕਰਿਆ ਕਰ, ਉਹ ਨਾ ਕਰਿਆ। ਅਖਿਰ 23 ਨਵੰਬਰ 2009 ਨੂੰ ਮੇਰਾ ਵਿਆਹ ਹੋ ਗਿਆ ਤੇ ਉਹ ਸਮੇਂ ਬੇਬੇ ਨੇ ਰੱਜ ਕੇ ਗੀਤ ਗਾਏ। ਜਾਗੋ ਕੱਢਣ ਵੇਲੇ ਆਪ ਜਾਗੋ ਫੜ੍ਹ ਕੇ ਮੇਰੀ ਮਾਮੀ ਨੂੰ ਫੜਾਈ। 24 ਨਵੰਬਰ ਨੂੰ ਜਦੋਂ ਮੈਂ ਫੇਰੇ ਦੀ ਰਸਮ ਲਈ ਆਈ ਤਾਂ ਉਸਤੋਂ ਚਾਅ ਨਾ ਚੁੱਕਿਆ ਜਾਵੇ। ਮੇਰੇ ਪਤੀ ਨੂੰ ਆਪਣੇ ਕੋਲ ਬੁਲਾ ਕੇ ਮੰਜੀ 'ਤੇ ਬਿਠਾ ਲਿਆ ਤੇ ਮੇਰੀ ਚਾਚੀ ਨੂੰ ਕਹਿੰਦੀ ਕੁੜੇ ਨੀਰੂ ਦਾ ਪ੍ਰਾਹੁਣਾ ਕਿਹੋ ਜਿਹਾ ਲੱਗਦਾ, ਚਾਚੀ ਕਹਿੰਦੀ, ਬੇਬੇ ਇਹ ਤਾਂ ਆਪਣਾ ਸੋਨੇ ਦਾ ਰੁਪਈਆ, ਬਥੇਰਾ ਸੋਹਣਾ। ਬੇਬੇ ਦਾ ਮੂੰਹ ਖੁਸ਼ੀ ਨਾਲ ਲਾਲ ਹੋ ਗਿਆ। ਤੇ ਸ਼ਾਇਦ ਉਹ ਆਖਰੀ ਸਮਾਂ ਸੀ ਜਦੋਂ ਉਹ ਖੁਲ੍ਹ ਕੇ ਹੱਸੀ, 'ਤੇ ਦੋ ਦਿਨਾਂ ਨੂੰ ਉਸਨੂੰ ਦਸਤ ਲੱਗ ਗਏ ਤੇ ਉਹ ਮੰਜੇ ਨਾਲ ਜੁੜ ਗਈ। ਪੂਰੇ ਦੋ ਮਹੀਨੇ ਉਹ ਮੰਜੇ 'ਤੇ ਪਈ ਰਹੀ। ਮੇਰੀ ਮੰਮੀ ਤੇ ਪਾਪਾ ਉਸਦੀ ਦਿਨ ਰਾਤ ਦੇਖਭਾਲ ਕਰਦੇ। ਮੇਰੀ ਦਾਦੀ ਨੂੰ ਕੋਈ ਸੁੱਧ ਬੁੱਧ ਨਹੀਂ ਸੀ। ਬੱਸ ਉਪਰ ਦੇਖਦੀ ਰਹਿੰਦੀ ਤੇ ਕਹਿੰਦੀ ਮੇਰੇ ਮੂੰਹ

ਵਿੱਚ ਕੁੱਛ ਪਾ ਦੇ,,,,,, ਮੈਂ ਤੇ ਮੇਰਾ ਪਤੀ ਉਸਦਾ ਪਤਾ ਲੈਣ ਗਏ ਤਾਂ ਕਹਿੰਦੀ ਤੁਸੀਂ ਰੋਜ਼ ਰੋਜ਼ ਨਾ ਆਇਆ ਕਰੋ। ਮੈਂ ਤੁਹਾਨੂੰ ਫੋਨ ਕਰੂ, ਫਿਰ ਆਇਉ,,,, ਬੱਸ ਫਿਰ 14 ਜਨਵਰੀ ਦੀ ਰਾਤ ਨੂੰ ਫੋਨ ਆਇਆ ਕਿ ਬੇਬੇ ਪੂਰੀ ਹੋ ਗਈ & ਜਦੋਂ ਮੈਂ ਬੇਬੇ ਦੇ ਅੰਤਿਮ ਸੰਸਕਾਰ 'ਤੇ ਗਈ ਤਾਂ ਬੇਬੇ ਚੁੱਪਚਾਪ,,, ਅੱਖਾਂ ਬੰਦ, ਵਿਹੜੇ ਵਿੱਚ ਪਾਈ ਪਈ ਸੀ। ਬੁੜੀਆਂ ਰੋਣ, ਵੈਣ ਪਾਉਣ ਲੱਗੀਆਂ ਹੋਈਆਂ ਸਨ ਪਰ ਮੇਰੇ ਕੰਨਾਂ ਵਿੱਚ ਬੇਬੇ ਦੇ ਗੀਤਾਂ ਦੀਆਂ ਅਵਾਜਾਂ ਪੈ ਰਹੀਆਂ ਸਨ,,,, ਹਰੀਏ ਨੀ ਰਸ ਭਰੀਏ,ਖਜੂਰੇ ,,,,,ਮੇਰੀਆਂ ਅੱਖਾਂ ਵਿੱਚੋਂ ਅੱਥਰੂ ਵਹਿੰਦੇ ਜਾ ਰਹੇ ਸਨ ਅਤੇ ਅੱਜ ਵੀ ਜਦੋਂ ਮੈਂ ਮਾਨਸਾ ਜਾਂਦੀ ਹਾਂ ਤੇ ਕਮਰੇ ਵਿੱਚ ਦਾਖਲ ਹੁੰਦੀ ਆਂ ਤਾਂ ਉਸ ਦੀ ਅਵਾਜ਼ 'ਕੁੜੇ ਨੀਰੂ,'' ਪਾਣੀ ਦਾ ਗਿਲਾਸ ਲੈ ਕੇ ਆਈ ''ਹੋਕਾ ਜਾ ਮੇਰੇ ਕਾਲਜੇ 'ਚੋਂ ਜਿਵੇਂ ਕੋਈ ਹੂਕ ਨਿਕਲਦੀ ਐ'' ਦਾਦੀ ਨੂੰ ਪੂਰ੍ਹੀ ਹੋਇਆਂ ਭਲਾਂ ਦੋ ਸਾਲ ਹੋ ਚੱਲੇ ਨੇ ਪਰ ਅੱਜ ਵੀ ਕਦੇ ਸੁਪਨੇ ਤੇ ਕਦੇ ਕਿਵੇਂ ਦਾਦੀ ਦੀ ਅਵਾਜ਼ 'ਕੁੜੇ ਨੀਰੂ' ਪਾਣੀ ਦਾ ਗਿਲਸ ਲਿਆਈਂ ਠੰਡਾ ਜਾ'' ਮੇਰੇ ਕੰਨਾਂ ਵਿੱਚ ਗੂੰਜਣ ਲੱਗ ਪੈਂਦੀ ਐ। ਨਾਲੇ ਪਤਾ ਐ ਪਿਆਰੀ ਦਾਦੀ ਹੁਣ ਪੂਰੀ ਹੋ ਚੁੱਕੀ ਹੈ।

ਨਰਿੰਦਰ ਸ਼ਰਮਾ (ਨੀਰੂ)
9988045744

Tuesday, July 17, 2012

ਸੰਜੀਤ ਸੁਲਤਾਨ ਦੀ ਫਰੇਬ ਐਲਬਮ ਰਿਲੀਜ਼

ਪੰਜਾਬੀ ਗਾਇਕ ਲਾਭ ਹੀਰਾ ਅਤੇ ਹੁਰਾਂ ਸੱਜਣਾ ਨੇ ਭੀਖੀ ਨੇੜਲੇ ਪਿੰਡ ਸਮੋਆ ਵਿਖੇ ਪੰਜਾਬੀ ਗਾਇਕ ਸੰਜੀਤ ਸੁਲਤਾਨ ਦੀ ਫਰੇਬ ਐਲਬਮ ਰਿਲੀਜ਼ ਕੀਤੀ, ਜੋ ਸਵੀਟ ਸੌਂਗ ਮਿਊਜ਼ਿਕ ਕੰਪਨੀ ਵੱਲੋਂ ਸ਼ੈਂਬਰਪ੍ਰੀਤ ਦੀ ਰਹਿਨੁਮਾਈ ਹੇਠ ਮੁਕੰਮਲ ਕੀਤੀ ਗਈ। ਇਸ ਐਲਬਮ ਵਿੱਚ ਕਰੀਬਨ ਅੱਠ ਗੀਤ ਹਨ, ਜੋ ਸ਼ੈਂਬਰਪ੍ਰੀਤ ਹੁਰਾਂ ਦੇ ਲਿਖੇ ਹੋਏ ਹਨ, ਜਿਨ੍ਹਾਂ ਨੂੰ ਸੰਗੀਤਬੱਧ ਪੰਜਾਬੀ ਸੰਗੀਤ ਵਿੱਕਾ ਮਨਹਰ ਨੇ ਕੀਤਾ ਹੈ। ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਕੇਵਲ ਹੀਰਾ ਨੇ ਦੱਸਿਆ, ਜੋ ਕੰਪਨੀ ਵਿੱਚ ਮੈਨੇਜਰ ਹਨ, ਕਿ ਇਸ ਮੌਕੇ ਉੱਤੇ ਪੰਜਾਬੀ ਗਾਇਕ ਲਾਭ ਹੀਰਾ ਤੋਂ ਇਲਾਵਾ ਸੰਤ ਪਾਲ ਸਿੰਘ, ਕੁਲਵਿੰਦਰ ਬਿੱਲਾ, ਬੀਬੋ ਭੁਆ, ਢਾਡੀ ਸ਼ਮਸੇਰ ਸਿੰਘ ਅਨਮੋਲ, ਹਰਜੀਤ ਪੰਚਰ ਅਤੇ ਹੋਰ ਵੀ ਪਤਵੰਤੇ ਸੱਜਣ ਮੌਜੂਦ ਸਨ।

Wednesday, June 20, 2012

ਮੁਸ਼ਕਲਾਂ ਨੂੰ ਪੌੜ੍ਹੀਆਂ ਮੰਨਣ ਵਾਲਾ ਸਖ਼ਸ ਹੈ ਕੇਵਲ ਹੀਰਾ

ਕੋਈ ਕਿਸੇ ਦਾ ਪ੍ਰੇਰਨਾਸਰੋਤ ਨਈ ਹੁੰਦਾ, ਜਦੋਂ ਕਿਸੇ ਦੇ ਮੂੰਹੋਂ ਇਹ ਸ਼ਬਦ ਸੁਣਦਾ ਹਾਂ ਤਾਂ ਮੈਨੂੰ ਅਜੀਬ ਜਿਹਾ ਲੱਗਦਾ ਐ, ਇੰਝ ਲੱਗਦਾ ਐ, ਕਿ ਬੰਦਾ ਸ਼ਰੇਆਮ ਝੂਠ ਬੋਲ ਰਿਹਾ ਐ, ਕਿਉਂਕਿ ਸਾਡੇ ਆਲੇ ਦੁਆਲੇ ਘੁੰਮ ਰਿਹਾ ਹਰ ਵਿਅਕਤੀ ਕਿਸੇ ਨਾਲ ਕਿਸੇ ਸ਼ਖ਼ਸੀਅਤ ਤੋਂ ਪ੍ਰਭਾਵਿਤ ਹੁੰਦਾ ਐ, ਇਹ ਪ੍ਰਭਾਵ ਹੀ ਤਾਂ ਹੁੰਦਾ ਐ ਕਿ ਵਿਅਕਤੀ ਲੱਖ ਮੁਸ਼ਕਲਾਂ ਦੇ ਬਾਅਦ ਵਿੱਚ ਆਪਣੀ ਮੰਜ਼ਿਲ ਤੱਕ ਪੁੱਜ ਜਾਂਦਾ ਐ। ਅਜਿਹੀ ਹੀ ਇੱਕ ਮਿਸਾਲ ਹੈ ਸਵੀਟ ਸੌਂਗ ਮਿਊਜ਼ਿਕ ਕੰਪਨੀ ਦੇ ਵਿੱਚ ਕੰਮ ਕਰਦਾ ਕੇਵਲ ਹੀਰਾ, ਜਿਸਦਾ ਅਸਲੀ ਨਾਂਅ 'ਤੇ ਕੇਵਲ ਸਿੰਘ ਹੈ, ਪ੍ਰੰਤੂ ਪੰਜਾਬੀ ਗਾਇਕ ਲਾਭ ਹੀਰਾ ਜੀ ਤੋਂ ਐਨਾ ਪ੍ਰਭਾਵਿਤ ਹੋਇਆ ਕਿ ਜਿੰਦਗੀ ਦੀਆਂ ਹਰ ਮੁਸ਼ਕਲਾਂ ਵਿੱਚ ਉਸਦਾ ਨਾਂਅ ਧਿਆਉਂਦਿਆਂ ਅੱਗੇ ਵੱਧ ਗਿਆ। ਲੋਕਾਂ ਨੇ ਕੇਵਲ ਸਿੰਘ ਨੂੰ ਕੇਵਲ ਹੀਰਾ ਬੁਲਾਉਣਾ ਸ਼ੁਰੂ ਕਰ ਦਿੱਤਾ।

ਕੇਵਲ ਹੀਰੇ ਦਾ ਜਨਮ 4 ਅਪ੍ਰੈਲ 1984 ਨੂੰ ਸ੍ਰੀਮਤੀ ਨਸੀਬ ਕੌਰ ਦੀ ਕੁੱਖੋਂ ਮਿੱਠੂ ਸਿੰਘ ਦੇ ਘਰ ਮਾਨਸਾ ਲਾਗਲੇ ਪਿੰਡ ਭੱਖਡਿਆਲ ਵਿਖੇ ਹੋਇਆ। ਕੇਵਲ ਹੀਰੇ ਨੇ ਪੜ੍ਹਨਾ ਲਿਖਣਾ ਸ਼ੁਰੂ ਹੀ ਕੀਤਾ ਸੀ ਕਿ ਇੱਕ ਬਿਮਾਰੀ ਨੇ ਉਸਨੂੰ ਆਣ ਘੇਰ ਲਿਆ। ਬੀਮਾਰੀ ਦੇ ਚੱਲਦੇ ਕੇਵਲ ਨੂੰ ਪੜ੍ਹਾਈ ਛੱਡਣੀ ਪਈ। ਕੁੱਝ ਸਾਲਾਂ ਬਾਅਦ ਕੇਵਲ ਦੇ ਪਿਤਾ ਨੇ ਉਸਦੇ ਭਵਿੱਖ ਨੂੰ ਵੇਖਦਿਆਂ ਉਸਨੂੰ ਮੈਡੀਕਲ ਦੀ ਦੁਕਾਨ ਉੱਤੇ ਕੰਮ ਕਰਨ ਲਗਾ ਦਿੱਤਾ। ਇੱਥੇ ਮਨ ਨਾ ਲੱਗਿਆ 'ਤੇ ਕੇਵਲ ਬੋਰ ਲਾਉਣ ਵਾਲਿਆਂ ਦੇ ਨਾਲ ਤੁਰ ਪਿਆ, ਜਿੱਥੇ ਉਸਨੇ ਪੂਰੀ ਸ਼ਿੱਦਤ ਨਾਲ ਕੰਮ ਕੀਤਾ। ਇਸ ਦੌਰਾਨ ਉਸਦੀ ਮੁਲਾਕਾਤ ਗੁਲਸ਼ਨ ਸਰਦਾਨਾ ਜੀ ਨਾਲ ਹੋਈ, ਜੋ ਪੇਸ਼ੇ ਤੋਂ ਸੀਏ ਸਨ, ਉਹਨਾਂ ਨੇ ਕੇਵਲ ਦੇ ਅੰਦਰਲੇ ਹੀਰੇ ਦੀ ਚਮਕ ਨੂੰ ਬਾਖੂਬੀ ਪਹਿਚਾਣਿਆ, 'ਤੇ ਆਪਣੇ ਨਾਲ ਜੋੜ੍ਹ ਲਿਆ। ਇੱਥੇ ਕੇਵਲ ਨੂੰ ਬਹੁਤ ਕੁੱਝ ਸਿੱਖਣ ਨੂੰ ਮਿਲਿਆ। ਨਵੇਂ ਨਵੇਂ ਲੋਕਾਂ ਨਾਲ ਮੇਲ ਮਿਲਾਪ ਸ਼ੁਰੂ ਹੋ ਗਿਆ। ਇਸ ਦੌਰਾਨ ਕੇਵਲ ਦੀ ਜਾਣ ਪਹਿਚਾਣ ਸਵੀਟ ਸੌਂਗ ਮਿਊਜ਼ਿਕ ਕੰਪਨੀ ਦੇ ਮਾਲਕ ਭਾਈ ਸੈਂਬਰ ਪ੍ਰੀਤ ਨਾਲ ਹੋਈ, ਜਿਨ੍ਹਾਂ ਨੇ ਕੇਵਲ ਹੀਰੇ ਨੂੰ ਆਪਣੀ ਕੰਪਨੀ ਦੇ ਲਈ ਕੰਮ ਕਰਨ ਦਾ ਆਫ਼ਰ ਦਿੱਤਾ। ਸੰਗੀਤਕ ਦੁਨੀਆ ਦੇ ਨਾਲ ਪਿਆਰ ਹੋਣ ਕਾਰਣ ਕੇਵਲ ਹੀਰੇ ਨੇ ਇਸ ਨੌਕਰੀ ਨੂੰ ਖਿੜ੍ਹੇ ਮੱਥੇ ਪ੍ਰਵਾਨ ਕੀਤਾ।

ਹੁਣ ਉਹ ਆਪਣੀ ਜਿੰਦਗੀ ਦੇ ਵਿੱਚ ਵਧੇਰੇ ਖੁਸ਼ ਹੈ, ਭਾਵੇਂ ਉਸਦਾ ਜਨਮ ਇੱਕ ਮੱਧਵਰਗੀ ਪਰਿਵਾਰ ਵਿੱਚ ਹੋਇਆ, ਭਾਵੇਂ ਉਹ ਸਕੂਲੀ ਕਿਤਾਬਾਂ ਜਿਆਦਾ ਸਮੇਂ ਤੱਕ ਨਈ ਪੜ੍ਹ ਪਿਆ। ਉਹ ਸ਼ੁਕਰਗੁਜਾਰ ਐ, ਉਸ ਮਹਾਨ ਗਾਇਕ ਲਾਭ ਹੀਰਾ ਹੁਰਾਂ ਦਾ ਜਿਨ੍ਹਾਂ ਦੇ ਗੀਤਾਂ ਨੇ ਉਸਨੂੰ ਬੁਰੇ ਵਕਤ 'ਚ ਇੱਕ ਨਵੀਂ ਰਾਹ ਵਿਖਾਈ। ਕੇਵਲ ਹੀਰਾ ਲਾਭ ਹੀਰੇ ਨੂੰ ਕਿੰਝ ਪੂਜਦਾ ਐ, ਇਹ ਗੱਲ ਤਾਂ ਉਸਦੇ ਇੱਕ ਸ਼ੇਅਰ ਤੋਂ ਬਿਆਨ ਹੁੰਦੀ ਐ।

ਕੋਈ ਪਥਰਾਂ ਤੇ ਨਾਂਅ ਲਿਖਦਾ ਹੈ, ਤੇ ਕੋਈ ਲਿਖਦਾ ਬਾਹਾਂ ਤੇ
ਅਸੀਂ "ਕਲਮ ਇਸ਼ਕ਼ ਦੀ" ਨਾਲ ਸੱਜਣਾ, ਤੇਰਾ ਨਾਂਅ ਲਿਖ ਬੈਠੇ ਸਾਹਾਂ ਤੇ

ਜਿੰਦਗੀ ਦੇ ਵਿੱਚ ਹਰ ਵਿਅਕਤੀ ਕਿਸੇ ਨਾਲ ਕਿਸੇ ਸ਼ਖ਼ਸੀਅਤ ਤੋਂ ਜਰੂਰ ਪ੍ਰਭਾਵਿਤ ਹੁੰਦਾ ਐ, ਉਹ ਗੱਲ ਵੱਖਰੀ ਐ ਕਿ ਕੁੱਝ ਵਿਅਕਤੀ ਹਿਰਨ ਵਾਂਗੂੰ ਕਸਤੂਰੀ ਤੋਂ ਅਣਜਾਣ ਹੁੰਦੇ ਨੇ।

Wednesday, June 6, 2012

ਹਰਜੀਤ ਹਰਮਨ ਦੇ ਨਾਲ ਸਬੱਬੀ ਹੋਈ ਮੁਲਾਕਾਤ ਦਾ ਜ਼ਿਕਰ

ਓਹ ਪਲ ਕਦੇ ਭੁਲਾਇਆ ਨਈ ਭੁੱਲਦਾ, ਜਦੋਂ ਮੈਂ ਪਿੰਡ ਜਾਣ ਦੇ ਲਈ ਬਠਿੰਡੇ ਵਾਲੇ ਬੱਸ ਅੱਡੇ ਵੱਲ ਵੱਧ ਰਿਹਾ ਸੀ, ਅਤੇ ਬੱਸ ਸਟੈਂਡ ਨੂੰ ਅੰਦਰ ਜਾਂਦੇ ਰਾਹ ਵਾਲੀ ਕੰਧ 'ਤੇ ਹਰਜੀਤ ਹਰਮਨ ਦੀ ਨਵੀਂ ਆਉਣ ਵਾਲੀ ਕੈਸਿਟ ਦਾ ਪੋਸਟਰ ਲੱਗਿਆ ਹੋਇਆ ਸੀ, ਜਿਸਦੇ ਅਚਾਨਕ ਮੇਰੀ ਨਜ਼ਰ ਪਈ। ਵੇਖਦਿਆਂ ਦਿਲ ਨੇ ਕਿਹਾ ਕਿ ਬੰਦਾ ਵਧੀਆ ਗਾਉਂਦਾ ਐ, ਪਰ ਸਰੋਤੇ ਅਜਿਹੇ ਬੰਦੇ ਨੂੰ ਸੁਣਦੇ ਈ ਨਈ। ਜਦੋਂ ਵੀ ਕਿਸੇ ਮਿਹਨਤੀ ਬੰਦੇ ਨੂੰ ਕੋਸ਼ਿਸ਼ ਕਰਦਿਆਂ ਵੇਖਦਾ ਹਾਂ, ਤਾਂ ਦਿਲ ਕਹਿੰਦਾ ਐ, ਜੇਕਰ ਇਹਦਾ ਮੇਰੇ ਨਾਲ ਮੇਲ ਹੋ ਜਾਵੇ ਤਾਂ ਮੈਂ ਇਸ ਨੂੰ ਤਰੀਕੇ ਦੱਸ ਸਕਦਾ ਹਾਂ ਕਿਵੇਂ ਹਿੱਟ ਹੋ ਸਕਦਾ ਐ, ਪ੍ਰੰਤੂ ਅਜਿਹਾ ਨਈ ਹੁੰਦਾ। ਇਸ ਵੇਲੇ ਮੇਰੀ ਸਥਿਤੀ ਉਂਝ ਹੀ ਹੁੰਦੀ ਐ, ਜਿਵੇਂ ਕੱਬਡੀ ਖੇਡਦਿਆਂ ਮੈਨੂੰ ਵੇਖਣ ਆਏ ਲੋਕਾਂ ਦੀ, ਮੈਂ ਅੰਦਰ ਜਾਫ਼ੀ ਨਾਲ ਜਦੋਜਹਿਦ ਕਰਦਾ 'ਤੇ ਉਹ ਬਾਹਰ ਬੈਠੇ ਜ਼ੋਰ ਮਾਰਦੇ।

ਕੁੱਝ ਦਿਨਾਂ ਬਾਅਦ ਹਰਮਨ ਦੀ ਕੈਸਿਟ ਦੀ ਐਡ ਚੈਨਲਾਂ 'ਤੇ ਵੱਜਣ ਲੱਗੀ ਅਤੇ ਵੇਖਦਿਆਂ ਵੇਖਦਿਆਂ ਗੀਤਾਂ ਨੇ ਘਰ ਘਰ ਜਗ੍ਹਾ ਬਣਾ ਲਈ। ਹਰਜੀਤ ਹਰਮਨ ਹਿੱਟ ਹੋ ਗਿਆ। ਇੱਕ ਨਾਰਮਲ ਜਿਹੇ ਗੀਤ ਪੰਜੇਬਾਂ ਨਾਲ। ਇਸ ਤਰ੍ਹਾਂ ਦੇ ਵਿਸ਼ੇ 'ਤੇ ਵਧੇਰੇ ਗੀਤ ਬਣੇ, ਪਰ ਚੰਗਾ ਹੋਇਆ ਕਿ ਹਰਮਨ ਦੀ ਮੇਹਨਤ ਦਾ ਮੁੱਲ ਪਿਆ। ਮੈਨੂੰ ਖੁਸ਼ੀ ਹੋਈ, ਚੱਲ ਇੱਕ ਚੰਗਾ ਗਾਇਕ ਹਿੱਟ ਹੋਇਆ, ਪੰਜੇਬਾਂ ਦੇ ਵਿਚਲਾ ਗੀਤ ਪੰਜਾਬ ਵੀ ਬੇਹੱਦ ਮਕਬੂਲ ਹੋਇਆ, ਜੋ ਬੇਹੱਦ ਪਿਆਰਾ ਲਿਖਿਆ ਸੀ ਪ੍ਰਗਟ ਸਿੰਘ ਨੇ। ਉਸਦੇ ਬਾਅਦ ਤੋਂ ਹੋਈ ਹਰਜੀਤ ਹਰਮਨ ਦੀ ਬੱਲੇ ਬੱਲੇ ਨੂੰ ਕੌਣ ਨਈ ਜਾਣਦਾ। ਹੁਣ ਤਾਂ ਕੁੱਝ ਦਿਨਾਂ ਬਾਅਦ ਦੇਸੀ ਰੋਮੀਜ਼ ਦੇ ਵਿੱਚ ਉਹ ਅਦਾਕਾਰੀ ਵੀ ਕਰਦਾ ਹੋਇਆ ਨਜ਼ਰ ਆਵੇਗਾ।

ਹਰਮਨ ਦੀ ਪੰਜੇਬਾਂ ਹਿੱਟ ਹੋਈ, ਤਾਂ ਹਰਮਨ ਦੇ ਸ਼ੋਅ ਹੋਣੇ ਲਾਜ਼ਮੀ ਸੀ। ਸ਼ੋਅ ਦੇ ਸਿਲਸਿਲੇ ਵਿੱਚ ਉਹ ਬਠਿੰਡੇ ਵਿੱਚ ਦੀ ਲੰਘਿਆ, ਤਾਂ ਮੇਰੇ ਦੋਸਤ ਜਤਿੰਦਰ ਗੋਭੀਵਾਲਾ ਨੇ ਮੈਨੂੰ ਕਾਲ ਕੀਤੀ ਕਿ ਹਰਮਨ ਬਠਿੰਡੇ ਆਇਆ ਹੋਇਆ ਐ, ਜੇਕਰ ਤੂੰ ਉਸ ਨਾਲ ਗੱਲਬਾਤ ਕਰਨੀ ਐ, ਤਾਂ ਇੱਥੇ ਆ ਜਾ। ਮੈਂ ਫੋਟੋਗ੍ਰਾਫ਼ਰ ਨੂੰ ਲੈਕੇ ਹਰਮਨ ਦੇ ਕੋਲ ਪੁੱਜਿਆ, ਕੁੱਝ ਸੁਆਲ ਜੁਆਬ ਕੀਤੇ, ਨਵੀਂ ਮਿਲੀ ਸਫ਼ਲਤਾ ਦੀ ਵਧਾਈ ਦਿੱਤੀ। ਠੰਡ ਦਾ ਮੌਸਮ ਸੀ, ਮੇਰੇ ਨਾਂਹ ਕਹਿਣ ਪਿੱਛੋਂ ਹਰਮਨ ਨੇ ਠੰਡੇ ਜੂਸ ਦਾ ਆਰਡਰ ਦਿੱਤਾ ਖੁਦ ਵਾਸਤੇ, ਮੈਂ ਸੋਚਣ ਲੱਗਾ ਸਫ਼ਲਤਾ ਤੋਂ ਬਾਅਦ ਬੰਦੇ ਦੇ ਰਹਿਣ ਸਹਿਣ ਫ਼ਰਕ ਆ ਜਾਂਦਾ ਐ, ਜਾਂ ਪਹਿਲਾਂ ਤੋਂ ਹੀ ਬੰਦਾ ਅਜਿਹਾ ਹੁੰਦਾ ਐ। ਹਰਮਨ ਦੇ ਨਾਲ ਗੱਲਬਾਤ ਕਰਦਿਆਂ ਗੱਲ ਨਿਕਲੀ ਕਿ ਜੇਕਰ ਉਹ ਗਾਇਕੀ ਦੇ ਖੇਤਰ 'ਚ ਸਫ਼ਲ ਨਾ ਹੁੰਦਾ ਤਾਂ ਕਿਤੇ ਮੈਡੀਕਲ ਦੀ ਦੁਕਾਨ ਖੋਲ੍ਹ ਲੈਂਦਾ, ਪ੍ਰੰਤੂ ਰੱਬ ਨੇ ਪ੍ਰਗਟ ਅਤੇ ਹਰਮਨ ਦੀ ਮਿਹਨਤ ਦਾ ਫਲ ਪਾਇਆ।

ਹਰਜੀਤ ਹਰਮਨ ਦੀ ਇੰਟਰਵਿਊ ਦੈਨਿਕ ਜਾਗਰਣ ਦੇ ਵਿੱਚ ਪ੍ਰਕਾਸ਼ਿਤ ਹੋਈ, ਅਤੇ ਹਰਮਨ ਦੇ ਅਖ਼ਬਾਰ ਭੇਜਣ ਦੇ ਲਈ ਆਪਣਾ ਨਾਭੇ ਵਾਲਾ ਪਤਾ ਦਿੱਤਾ, ਪ੍ਰੰਤੂ ਮੈਂ ਠਹਿਰਿਆ ਆਲਸੀ ਬੰਦਾ, ਆਪਣਾ ਕਿੱਥੇ ਅਖ਼ਬਾਰ ਭੇਜਣਾ ਸੀ, ਕਿਉਂਕਿ ਜਦੋਂ ਸਫ਼ਲਤਾ ਆਉਂਦੀ ਐ, ਤਾਂ ਨਾਲ ਬਹੁਤ ਸਾਰੇ ਸੱਜਣ ਮਿੱਤਰਾਂ ਦੀ ਭੀੜ੍ਹ ਵੀ ਲਿਆਉਂਦੀ ਐ, ਅਤੇ ਭੀੜ੍ਹ 'ਚ ਬੰਦੇ ਕਦੋਂ ਯਾਦ ਰਹਿੰਦੇ ਨੇ। ਇਸ ਇੰਟਰਵਿਊ ਦਾ ਇੱਕ ਫਾਇਦਾ ਹੋਇਆ, ਇਸ ਇੰਟਰਵਿਊ ਦੇ ਪ੍ਰਕਾਸ਼ਿਤ ਹੋਣ ਮਗਰੋਂ ਨੈਪਟਿਊਨ ਮੈਗਜ਼ੀਨ ਦੇ ਸੰਪਾਦਕ ਰਵਿੰਦਰ ਜੀ ਦੈਨਿਕ ਜਾਗਰਣ ਆਫ਼ਿਸ ਆਏ, 'ਤੇ ਮੈਨੂੰ ਮਿਲੇ। ਕਹਿੰਦੇ ਕਾਕਾ ਤੂੰ ਕਿੱਥੋਂ ਦਾ ਐ, ਮੈਂ ਦੱਸਿਆ ਕਿ ਮੈਂ ਤਾਂ ਫਲਾਣੇ ਪਿੰਡ ਦਾ ਆਂ, ਉਹ ਕਹਿੰਦੇ ਤਾਇਉਂ ਸਾਡੀ ਮੈਡਮ ਕਹਿੰਦੀ ਸੀ, ਇਹ ਮੁੰਡਾ ਵੇਖਿਆ ਲੱਗਦਾ ਐ, ਦਰਅਸਲ ਉਨ੍ਹਾਂ ਦਿਨਾਂ 'ਚ ਜਾਗਰਣ ਵੱਲੋਂ ਪਾਠਕ ਨੂੰ ਪੁਰਸਕਾਰ ਦਿੰਦਿਆਂ ਦੀ ਫੋਟੋ ਵੀ ਅਖ਼ਬਾਰ ਪ੍ਰਕਾਸ਼ਿਤ ਹੋਈ ਸੀ, ਜੋ ਉਹਨਾਂ ਦੀ ਮੈਡਮ ਨੇ ਵੇਖੀ, ਜੋ ਮੇਰੇ ਪੰਜਾਬੀ ਦੇ ਸਕੂਲ ਟੀਚਰ ਸਨ। ਇਸ ਮੁਲਾਕਾਤ ਤੋਂ ਬਾਅਦ ਰਵਿੰਦਰ ਜੀ ਨੇ ਆਪਣੀ ਮੈਗਜੀਨ ਦਾ ਪਹਿਲਾ ਅੰਕ ਮੇਰੇ ਹਰਜੀਤ ਹਰਮਨ ਵਾਲੇ ਲੇਖ ਨਾਲ ਪ੍ਰਕਾਸ਼ਿਤ ਕੀਤਾ, ਉਸਦੇ ਬਾਅਦ ਕਦੇ ਵੀ ਨੈਪਟਿਊਨ ਦੇ ਲਈ ਨਈ ਲਿਖਿਆ, ਪਰ ਦੋਸਤੀ ਮਿੱਤਰਤਾ ਐ, ਕਹਿੰਦੇ ਨੇ ਜੋ ਚੀਜ਼ਾਂ ਸਾਡੇ ਕੋਲ ਹੁੰਦੀਆਂ, ਅਸੀਂ ਉਹਨਾਂ ਨੂੰ ਵੇਖ ਹੀ ਨਈ ਪਾਉਂਦੇ। ਐਵੇਂ ਹਿਰਨ ਵਾਂਗੂੰ ਕਸਤੂਰੀ ਲੱਭਦਿਆਂ ਮਰ ਜਾਣੈ ਆਂ। 

Tuesday, June 5, 2012

ਧੋਬੀ ਬਾਜਾਰ 'ਚ ਰੌਣਕ ਲੱਗਦੀ ਹੁਣ ਵਾਂਗ ਸਤਾਰਾਂ ਦੇ

ਮੇਰੇ ਸ਼ਹਿਰ ਬਠਿੰਡੇ ਦੀ ਇੱਕ ਛੋਟੀ ਜਿਹੀ ਸ਼ਿਨਾਖ਼ਤ

ਕਿਲ੍ਹਾ ਮੁਬਾਰਕ ਵਰ੍ਹਿਆਂ ਤੋਂ ਸ਼ਾਨ ਬਠਿੰਡੇ ਦੀ
ਮਾਲ ਰੋਡ ਬਣ ਗਿਆ ਹੁਣ ਜਾਨ ਬਠਿੰਡੇ ਦੀ
 ਸ਼ਾਮ ਢਲੇ ਹੁਣ ਘੁੰਮਦੇ ਗੱਭਰੂ, ਵੇਖੇ ਵਿੱਚ ਬਾਜਾਰਾਂ ਦੇ
ਧੋਬੀ ਬਾਜਾਰ 'ਚ ਰੌਣਕ ਲੱਗਦੀ ਹੁਣ ਵਾਂਗ ਸਤਾਰਾਂ ਦੇ

ਹੋਰ ਫੈਲ ਗਿਆ ਸ਼ਹਿਰ ਬਠਿੰਡਾ ਵਿੱਚ ਮੀਲਾਂ ਦੇ
ਹੁਣ ਥਰਮਲ ਨੇੜੇ ਹੁੰਦੀ ਬੋਟਿੰਗ ਵਿੱਚ ਝੀਲਾਂ ਦੇ
ਲੈਣ ਨਜ਼ਾਰੇ ਲੋਕੀ ਆਉਂਦੇ ਚੜ੍ਹਕੇ ਵਿੱਚ ਬੱਸਾਂ ਕਾਰਾਂ ਦੇ
ਧੋਬੀ ਬਾਜ਼ਾਰ 'ਚ ਰੌਣਕ ਲੱਗਦੀ ਹੁਣ ਵਾਂਗ ਸਤਾਰਾਂ ਦੇ

ਉੱਥੇ ਗਿੱਲ ਤਿਵਾੜ੍ਹੀ ਯਾਰ ਟਿਵਾਣਾ ਵੱਸਦਾ ਐ
ਲਿਖਿਆ ਹਰ ਦਿਲ ਇਨ੍ਹਾਂ ਦਾ ਗਾਣਾ ਵੱਸਦਾ ਐ
ਕੀਤਾ ਕਦ ਉੱਚਾ ਸ਼ਹਿਰ ਮੇਰੇ ਦਾ ਸਦਕੇ ਕਲਾਕਾਰਾਂ ਦੇ
ਧੋਬੀ ਬਾਜ਼ਾਰ 'ਚ ਰੌਣਕ ਲੱਗਦੀ ਹੁਣ ਵਾਂਗ ਸਤਾਰਾਂ ਦੇ

ਰੌਸ਼ਨ ਕੀਤਾ ਨਾਂਅ *ਅਵਨੀਤ ਜਿਹੀਆਂ ਧੀਆਂ ਨੇ
ਹੋਰ ਖੇਤਰਾਂ ਵਿੱਚ ਵੀ ਮਾਰੀਆਂ ਮੱਲਾਂ ਕਈਆਂ ਨੇ
ਫੁੱਲਿਆ ਸ਼ਹਿਰ ਸਮਾਉਂਦਾ ਨਈ ਵਿੱਚ ਜਸ਼ਨ ਬਹਾਰਾਂ ਦੇ
ਧੋਬੀ ਬਾਜ਼ਾਰ 'ਚ ਰੌਣਕ ਲੱਗਦੀ ਹੁਣ ਵਾਂਗ ਸਤਾਰਾਂ ਦੇ

*ਅਵਨੀਤ ਕੌਰ ਬਰਾੜ ਨਿਸ਼ਾਨੇਬਾਜ਼ ਕੁੜ੍ਹੀ..... 

ਫੇਸਬੁੱਕ ਦੇ ਚੱਕਰ ‘ਚ

ਬਾਪੂ ਕਹਿੰਦਾ ਖੇਤ ਨਈ ਆਉਂਦਾ
ਮੈਂ ਆਖਿਆ, ਤੂੰ ਨਈ ਨੈੱਟ ਲਵਾਉਂਦਾ
ਕਹਿਣ ਪਿੱਛੋਂ ਕੇਰਾਂ ਸਾਹ ਠਹਿਰ ਗਿਆ
ਪਰ ਸੁਣਦਿਆਂ ਬਾਪੂ ਸ਼ਹਿਰ ਗਿਆ
ਇੱਕ ਕੀਲੀ ਉੱਥੋਂ ਲੈ ਆਇਆ
ਡੇਕਸਟਾਪ ਫੇਰ ਘਰੋਂ ਚੁਕਾਇਆ 
ਆਪਾਂ ਜਾ ਡੇਰਾ ਖੇਤ ‘ਚ ਲਾਇਆ
ਫੇਸਬੁੱਕ ਵਿੱਚ ਏਨਾ ਖੁੱਭ ਗਏ,
ਨਾ ਘਰ ਦਾ ਚੇਤਾ ਆਇਆ
ਗੁੱਸੇ ਦੇ ਵਿੱਚ ਮਾਂ ਖੇਤ ਨੂੰ ਆਈ 
ਕਹਿੰਦੀ ਘਰ ਦਿਲੋਂ  ਭੁੱਲਾਇਆ
ਚੱਕ ਥੱਕ ਨਈ ਹੁੰਦੀ ਮੈਥੋਂ
ਮੈਂ ਬਹਿ ਮਾਂ ਨੂੰ ਸਮਝਾਇਆ
ਕਹਿੰਦੀ ਤੂੰ ਵੀ ਲੈ ਲੈ,
 ਜੋ ਨਾਜ਼ਰ ਦਾ ਮੁੰਡਾ ਲਿਆਇਆ
ਮੈਨੂੰ ਸਮਝ ਸੀ ਆਈ,
ਬੇਬੇ ਗੱਲ ਲੈਪਟਾਪ ਦੀ ਕਰਦੀ ਐ
ਮੈਂ ਆਖਿਆ ਬੇਬੇ ਮਹਿੰਗਾ ਐ
ਬਾਪੂ ਵਿਖਾਉਣਾ ਸਾਨੂੰ ਠੇਂਗਾ ਐ 
ਕਹਿੰਦੀ ਪੁੱਤਰ ਤੋਂ ਸਭ ਕੁਰਬਾਨ
ਬਾਪੂ ਦੀ ਜੇਬ ਨੂੰ ਹੋਇਆ ਨੁਕਸਾਨ
ਡੇਸਕਟਾਪ ਨੂੰ ਭੁੱਲੇ, ਨਸੀਬ ਖੁੱਲ੍ਹੇ 
ਮੋੜ੍ਹਾਂ ਨੱਕਾ, ਨਾਲੇ ਸਟੇਟਸ ਅਪਡੇਟ ਕਰਾਂ
ਕਦ ਹੋਣਾ ਆਨ ਲਾਈਨ ਤੇਰੀ ਵੇਟ ਕਰਾਂ
ਹੁਣ ਛੱਡਕੇ ਹੋਰ ਕਿਸੇ ਨਾਲ ਟਾਂਕਾ ਜੋੜ੍ਹੀ ਨਾ
ਹੀਰਕਿਆਂ ਵਾਲੇ ਹੈਪੀ ਦਾ ਮਨ ਦਾ ਤੋੜ੍ਹੀ ਨਾ

Monday, June 4, 2012

ਇੱਕ ਕੁੜ੍ਹੀ ਪੰਜਾਬੀ ਦੀ ਬਹਾਨੇ ਕੁੱਝ ਹੋਰ ਵੀ ਗੱਲਾਂ

ਬੀਤੇ ਐਤਵਾਰ ਘਰ ਸਾਂ, ਕਿਤੇ ਨਈ ਗਿਆ। ਮੇਰੇ ਘਰ ਵਿੱਚ ਕੋਈ ਨਹੀਂ ਸੀ ਮੇਰੇ ਬਿਨ੍ਹਾਂ। ਇਸ ਵੇਲੇ ਦਿਮਾਗ ‘ਤੇ ਬਰੇਕ ਲਗਾਉਣ ਦੇ ਲਈ ਟੀ ਵੀ ਆਨ ਕੀਤਾ, 'ਤੇ ਪੰਜਾਬੀ ਚੈਨਲਾਂ ਵੱਲ ਤੁਰਿਆ। ਇਸ ‘ਤੇ ਇੱਕ ਪੰਜਾਬੀ ਫਿਲਮ ਚੱਲ ਰਹੀ ਸੀ ਇੱਕ ਕੁੜ੍ਹੀ ਪੰਜਾਬ ਦੀ, ਜੋ ਅਸਲ ਵਿੱਚ ਬਹੁਤ ਵਧੀਆ ਫ਼ਿਲਮ ਸੀ, ਯਾਰਾਂ ਨਾਲ ਬਹਾਰਾਂ ਵਰਗੀ। ਬੱਸ ਇੱਥੇ ਨਾਮੀਂ ਸਿਤਾਰੇ ਨਹੀਂ ਸਨ, ਬਲਕਿ ਅਦਾਕਾਰੀ ਦੇ ਨਵੇਂ ਚਿਹਰੇ ਸਨ, ਪ੍ਰੰਤੂ ਨਿਰਾਸ਼ ਨਈ ਕੀਤਾ ਇਨ੍ਹਾਂ ਚਿਹਰਿਆਂ ਨੇ, ਕਿਉਂਕਿ ਮਨਮੋਹਨ ਸਿੰਘ ਵਰਗਾ ਡਾਇਰੈਕਟਰ ਕਿਸੇ ਤੋਂ ਵੀ ਕੰਮ ਕੱਢਵਾ ਸਕਦਾ ਐ, ਅਤੇ ਇਹ ਉਸਨੇ ਕਰਕੇ ਵਿਖਾਇਆ ਐ ਹਰ ਵਾਰ।

ਹਰਭਜਨ ਮਾਨ ਨੂੰ ਵੀ ਅਦਾਕਾਰੀ ਦੇ ਦਰ ਉੱਤੇ ਲਿਆਉਣ ਵਾਲਾ ਮਨਮੋਹਨ ਸਿੰਘ ਹੀ ਸੀ। ਮਨਮੋਹਨ ਸਿੰਘ ਦੇ ਸਿਰ ਪੰਜਾਬੀ ਸਿਨੇਮੇ ਨੂੰ ਮੁੜ੍ਹ ਤੋਂ ਜੀਵਤ ਕਰਨ ਦਾ ਸਿਹਰਾ ਜਾਂਦਾ ਐ। ਮੈਨੂੰ ਯਾਦ ਐ, ਜਦੋਂ ਮਨਮੋਹਨ ਸਿੰਘ ਦੀ ਪਹਿਲੀ ਪੰਜਾਬੀ ਨਿਰਦੇਸ਼ਿਤ ਫਿਲਮ ਜੀ ਆਇਆ ਨੂੰ ਵੇਖਣ ਦੇ ਲਈ ਮੈਂ ਆਪਣੇ ਤਾਏ ਦੇ ਮੁੰਡੇ ਨਾਲ ਬੱਸ ਸਟੈਂਡ ਤੋਂ ਸਿੱਧਾ ਸਿਨੇਮਾ ਹਾਲ ਪੁੱਜਿਆ ਸੀ। ਫਿਲਮ ਨੂੰ ਵੇਖਣ ਤੋਂ ਬਾਅਦ ਲੱਗਿਆ ਕਿ ਪੰਜਾਬੀ ਸਿਨੇਮਾ ਮੁੜ੍ਹ ਰਾਹ ‘ਤੇ ਆਉਣ ਵਾਲਾ ਐ। ਹੋਇਆ ਵੀ ਕੁੱਝ ਇੰਝ ਮਨਮੋਹਨ ਸਿੰਘ ਦੀ ਦੂਜੀ ਨਿਰਦੇਸ਼ਿਤ ਫਿਲਮ ਅਸਾਂ ਨੂੰ ਮਾਨ ਵਤਨਾਂ ਦਾ ਨੂੰ ਵੀ ਭਰਵਾਂ ਹੁੰਗਾਰਾ ਮਿਲਿਆ, ਅਤੇ ਯਾਰਾਂ ਨਾਲ ਬਹਾਰਾਂ ਕਰਕੇ ਤਾਂ ਮਨਮੋਹਨ ਸਿੰਘ ਨੇ ਪੰਜਾਬੀ ਸਿਨੇਮੇ ਦੀ ਨੁਹਾਰ ਹੀ ਬਦਲ ਦਿੱਤੀ। ਇੱਕ ਕੁੜ੍ਹੀ ਪੰਜਾਬੀ ਦੀ ਤੱਕ, ਤਾਂ ਪੰਜਾਬੀ ਸਿਨੇਮਾ ਆਪਣੇ ਪੱਬਾਂ ਭਾਰ ਹੋ ਚੁੱਕਿਆ ਸੀ। ਹੁਣ ਕਲਾਕਾਰ ਅਦਾਕਾਰੀ ਦੇ ਵੱਲ ਅਤੇ ਕਲਾਕਾਰ ਨਿਰਮਾਤਾ ਬਣਨ ਨਿਕਲ ਪਏ। ਇਸ ਦੌਰਾਨ ਕਈ ਚਿਹਰੇ ਪੰਜਾਬੀ ਸਿਨੇਮੇ ਨੂੰ ਮਿਲੇ, ਜਿਹਨਾਂ ਦੇ ਵਿੱਚ ਇੱਕ ਨਾਂਅ ਅਰਮਿੰਦਰ ਗਿੱਲ ਦਾ ਵੀ ਐ।

ਇੱਕ ਕੁੜ੍ਹੀ ਪੰਜਾਬ ਦੀ ਦਾ ਵਿਸ਼ਾ ਭਲੇ ਹੀ ਨਾਇਕਾ ਮੁੱਖੀ ਸੀ, ਪ੍ਰੰਤੂ ਮਨਮੋਹਨ ਸਿੰਘ ਨੇ ਅਮਰਿੰਦਰ ਗਿੱਲ ਦੇ ਕਿਰਦਾਰ ਨਾਲ ਰਤਾ ਭਰ ਵੀ ਬੇਈਮਾਨੀ ਨਈ ਕੀਤੀ, ਉਸਨੂੰ ਪੂਰਾ ਪੂਰਾ ਮੌਕਾ ਦਿੱਤਾ ਅਤੇ ਅਮਰਿੰਦਰ ਗਿੱਲ ਨੇ ਵੀ ਮਨਮੋਹਨ ਸਿੰਘ ਦਾ ਵਿਸ਼ਵਾਸ ਨਈ ਤੋੜ੍ਹਿਆ। ਇਹ ਕਾਰਣ ਰਿਹਾ ਹੋਣਾ ਐ ਕਿ ਜੋ ਅਮਰਿੰਦਰ ਗਿੱਲ ਨੂੰ ਜਿੰਮੀ ਸ਼ੇਰਗਿੱਲ ਦੇ ਨਾਲ ਮੁੰਡੇ ਯੂਕੇ ਦੇ ਵਿੱਚ ਕੰਮ ਕਰਨ ਦਾ ਮੌਕਾ ਮਿਲਿਆ ‘ਤੇ ਇਸ ਮੌਕੇ ਨੇ ਅਮਰਿੰਦਰ ਗਿੱਲ ਨੂੰ ਟੌਹਰ ਮਿੱਤਰਾਂ ਦੀ ਤੱਕ ਪਹੁੰਚਾ ਦਿੱਤਾ।

ਪੰਜਾਬੀ ਸਿਨੇਮੇ ਦਾ ਅੰਤ ਤਾਂ ਵਰਿੰਦਰ ਦੇ ਜਾਣ ਨਾਲ ਹੋ ਗਿਆ ਸੀ, ਪ੍ਰੰਤੂ ਫੇਰ ਵੀ ਗੁਰਦਾਸ ਮਾਨ, ਗੱਗੂ ਗਿੱਲ ਅਤੇ ਯੋਗਰਾਜ ਨੇ ਇਸ ਨੂੰ ਬਚਾਉਣ ਦਾ ਪੂਰਾ ਪੂਰਾ ਯਤਨ ਕੀਤਾ। ਇੱਕ ਕੁੜ੍ਹੀ ਪੰਜਾਬ ਦੀ ਦੇ ਵਿੱਚ ਗੱਗੂ ਗਿੱਲ ਦਾ ਇੱਕ ਨਵਾਂ ਰੂਪ ਵੇਖਣ ਨੂੰ ਮਿਲਦਾ ਐ। ਗੱਗੂ ਗਿੱਲ ਨੂੰ ਵੇਖਦਿਆਂ ਪੁਰਾਣੇ ਦਿਨ ਯਾਦ ਆ ਗਏ, ਜਦੋਂ ਗੱਗੂ ਗਿੱਲ ਨੂੰ ਆਖ਼ਰੀ ਵਾਰ ਵੇਖਿਆ ਸੀ, ਫਿਲਮ ਟੱਰਕ ਡਰਾਈਵਰ ਦੇ ਵਿੱਚ। ਇਸ ਫਿਲਮ ਦੇ ਵਿੱਚ ਪੰਜਾਬੀ ਅਦਾਕਾਰਾ ਪ੍ਰੀਤੀ ਸਪਰੂ ਨੂੰ ਵੀ ਲਿਆ ਗਿਆ ਸੀ। ਦੂਜੀ ਪਾਰੀ ਦੀ ਸ਼ੁਰੂਆਤ ‘ਚ ਮਨਮੋਹਨ ਸਿੰਘ ਵਰਗੇ ਨਿਰਮਾਤਾ ਨਿਰਦੇਸ਼ਕਾਂ  ਨੇ ਪੰਜਾਬੀ ਫਿਲਮ ਜਗਤ ਦੇ ਅਨਮੋਲ ਹੀਰਿਆਂ ਦੀ ਪ੍ਰਤਿਭਾ ਨੂੰ ਸਨਮਾਨ ਦਿੱਤਾ, ਇਹ ਵੀ ਸਲਾਹੁਣ ਵਾਲੀ ਗੱਲ ਐ।

ਇੱਕ ਵਰਿੰਦਰ ਦੇ ਜਾਣ ਨਾਲ ਸੁੰਨਾ ਜਿਹਾ ਹੋ ਗਿਆ ਸੀ, ਪੰਜਾਬੀ ਸਿਨੇਮਾ, ਉਹ ਬੰਦਾ ਈ ਬਕਮਾਲ ਸੀ। ਪ੍ਰੀਤੀ ਸਪਰੂ ਦੇ ਨਾਲ ਤਾਂ ਐਵੇਂ ਜੱਚਦਾ, ਜਿਵੇਂ ਗੁੱਤ ਨਾਲ ਪਰਾਂਦਾ। ਮੇਹਰ ਮਿੱਤਰ ਦੇ ਨਾਲ ਵੀ ਵਰਿੰਦਰ ਖੂਬ ਜੰਮਦਾ ਸੀ, ਕਦੇ ਕਦੇ ਤਾਂ ਇੰਝ ਲੱਗਦਾ ਐ ਜਿਵੇਂ ਪ੍ਰੀਤੀ, ਵਰਿੰਦਰ ਅਤੇ ਮੇਹਰ ਮਿੱਤਰ ਇੱਕ ਦੂਜੇ ਦੇ ਪੂਰਕ ਹੋਣ। ਪ੍ਰੀਤੀ ਸਪਰੂ ਜਿਹੀ ਅਦਾਕਾਰਾ ਤਾਂ ਪੰਜਾਬੀ ਸਿਨੇਮਾ ਨੂੰ ਹਾਲੇ ਵੀ ਨਈ ਮਿਲੀ, ਪ੍ਰੰਤੂ ਇੱਕ ਕੁੜ੍ਹੀ ਪੰਜਾਬ ਦੀ ਨਾਇਕਾ ਜਸਵਿੰਦਰ ਚੀਮਾ ਵਰਗੀਆਂ ਨਵੀਆਂ ਪੈੜ੍ਹਾਂ ਪੰਜਾਬੀ ਸਿਨੇ ਜਗਤ ਨੂੰ ਬਹੁਤ ਅੱਗੇ ਤੱਕ ਲੈਕੇ ਜਾਣ ਦੀਆਂ ਉਮੀਦਾਂ ਜਗਾਉਂਦੀਆਂ ਨੇ।
 

ਇਕ ਖ਼ਤ ਇਮਰੋਜ਼ ਦੇ ਨਾਂ ......

ਇਹ ਰਚਨਾ ਪ੍ਰਸਿੱਧ ਕਵਿਤਰੀ ਹਰਕਿਰਤ ਹਕੀਰ ਦੀ ਹੈ। 

ਹੁਣੇ-ਹੁਣੇ ਕੋਈ ਪੱਤਾ ਫੁਟਿਆ ਹੈ
ਤੇਰੇ ਖ਼ਤ ਦੀਆਂ ਸਤਰਾਂ ਨਾਲ
ਕੁਝ ਕਬਰਾਂ ਦੇ ਸ਼ੀਸ਼ੇ ਅਪਣੇ ਆਪ ਟੁਟ ਗਏ ਨੇ
ਅਤੇ ਓਹ ਗੁਲਾਬ ਜਿਹੜਾ
ਮੇਰੀ ਕਿਤਾਬ ਵਿਚ ਸਿਲਿਆ ਜਿਹਾ ਪਿਆ ਸੀ
ਕਬਰ ਦੇ ਮੂਡ ਖਿੜ ਪਿਆ ਹੈ
ਖਿੜਿਆ ਤੇ ਓਦਣ ਵੀ ਸੀ
ਜਿਦਣ ਤੇਰੇ ਹੱਥਾਂ ਨੇ ਓਸ ਕਿਤਾਬ ਨੂੰ
ਪਹਿਲੀ ਵਰਾਂ ਛੁਇਆ ਸੀ ...

ਕੀ ਹੋਇਆ ...
ਜੇ ਤੇਰੇ ਹੱਥ ਸੁਨਹਰੀ ਧੁਪ ਹੈ
ਮੈਂ ਵੀ ਮਿੱਟੀ ਦੇ ਭਾਂਡੇ ਵਿਚ
ਕੁਝ ਕਿਰਨਾ ਸਾਂਭ ਲਈਆਂ ਨੇ
ਹਨੇਰੇ ਤੋਂ ਬਹਾਦ ਇਕ ਸੂਰਜ ਉਗਦਾ ਹੈ ਜਿਸ਼ਮ ਵਿਚ
ਫਿਰ ਮੁਕਦੀ ਨਹੀਂ ਸਵੇਰ ਕਦੇ ਵੀ
ਜ਼ਿੰਦਗੀ ਦੇ ਕਿਰ ਗਏ ਰੰਗ
ਮੂੜ-ਮੂੜ ਪਿਘਲ ਉਠਦੇ ਨੇ
ਮੇਰੇ ਆਲੇ-ਦੁਆਲੇ
ਤੇ ਮੈਂ ....
ਹਕੀਰ ਤੋਂ ਹੀਰ ਹੋ ਜਾਨੀ ਹਾਂ ...

ਤੇਰੇ ਏਹਸਾਸ ਹੁਣ...
ਮੇਰੇ ਸਾਹ ਜੋਗੇ ਹੋ ਗਏ ਨੇ
ਘੁਲਦੀ ਰਹੰਦੀ ਹੈ ਖੁਸ਼ਬੂ ਹਵਾਵਾਂ ਵਿਚ
ਜੋ ਚੁਣ ਲੈਂਦੀ ਹੈ ਸਾਰੀ ਪੀੜ ਜਿਸ਼ਮ ਦੀ
ਤੇ ਮੈਂ ਰੂਹ ਤੋਂ ਵੀ ਹਲਕੀ ਹੋ ਜਾਂਦੀ ਹਾਂ
ਜੇਕਰ ਤੂੰ ਸ਼ਬਦਾਂ ਦੀ ਦੇਹ ਧਾਰੀ ਨਾ ਆਉਂਦਾ
ਮੇਰੇ ਸਾਹਮਣੇ
ਮੈਂ ਜ਼ਿੰਦਗੀ ਭਰ ਪਾਣੀ ਵਿਚ
ਕਿੱਲਾਂ ਠੋਕਦੀ ਰਹਿਣਾ ਸੀ
ਤੇ ਓਹ ਸਾਰੇ ਏਹਸਾਸ ਮੁਰਦਾ ਹੋ ਜਾਣੇ ਸੀ
ਜੋ ਹੁਣ...
ਮੇਰੀ ਨਜ਼ਮਾਂ ਦਾ ਘੁੰਡ ਚੂਕ
ਹੌਲੀ -ਹੌਲੀ ਮੁਸਕਾਣ ਲਗ ਪਏ ਨੇ ....

ਸਾਫ ਸੁਥਰੀ ਗਾਇਕੀ ਦਾ ਮਾਲਕ ਬਲਕਾਰ ਸਿੱਧੂ

ਨੋਟ -ਇਹ ਲਿਖ਼ਤ ਚਾਰ ਕੁ ਸਾਲ ਪੁਰਾਣੀ ਐ, ਪ੍ਰੰਤੂ ਸਦਾਬਾਹਰ ਅਤੇ ਜਾਣਕਾਰੀ ਪੂਰਨ ਹੋਣ ਕਾਰਣ ਮੁੜ੍ਹ ਤੋਂ ਆਪਣੇ ਇਸ ਬਲੌਗ 'ਤੇ ਪ੍ਰਕਾਸ਼ਿਤ ਕਰ ਰਿਹਾ ਹਾਂ।

ਜਿਲ੍ਹਾ ਬਠਿੰਡਾ ਤੋਂ ਕੁੱਝ ਕਿਲੋਮੀਟਰ ਦੂਰ ਪੈਂਦੇ ਪਿੰਡ ਪੂਹਲਾ ਵਿਖੇ ਸਰਦਾਰ ਰੂਪ ਸਿੰਘ ਸਿੱਧੂ ਦੇ ਘਰ ਮਾਤਾ ਚਰਨਜੀਤ ਸਿੱਧੂ ਦੀ ਕੁੱਖੋਂ ਜਨਮ ਲੈਣ ਵਾਲੇ ਬਲਕਾਰ ਸਿੱਧੂ ਨੇ ਅੱਜ ਆਪਣੀ ਆਵਾਜ਼ ਦੇ ਦਮ 'ਤੇ ਦੇਸ਼ ਵਿਦੇਸ਼ ਵਿੱਚ ਆਪਣੀ ਅਨੋਖੀ ਪਹਿਚਾਣ ਹੀ ਨਹੀਂ ਬਣਾਈ ਬਲਕਿ ਪੰਜਾਬੀ ਮਾਂ ਬੋਲੀ ਨੂੰ ਹਰਮਨ ਪਿਆਰੀ ਵੀ ਬਣਾਇਆ ਹੈ.

ਪੰਜਾਬੀ ਗਾਇਕੀ ਦੇ ਪਿੜ੍ਹ ਵਿੱਚ ਬਲਕਾਰ ਸਿੱਧੂ ਨੇ 'ਦਿਨ ਪੇਪਰਾਂ ਦੇ' ਸੋਲੋ ਕੈਸਿਟ ਦੇ ਰਾਹੀਂ ਪ੍ਰਵੇਸ਼ ਕੀਤਾ. ਐਨਾ ਹੀ ਨਹੀਂ ਪੰਜਾਬੀ ਮਾਂ ਬੋਲੀ ਦੇ ਇਸ ਮਿੱਠ ਬੋਲੜੇ ਗਾਇਕ ਨੂੰ ਪੜ੍ਹਦੇ ਸਮੇਂ ਵੀ ਤਿੰਨ ਵਾਰ ਯੂਨੀਵਰਸਿਟੀ ਪੱਧਰ ਦੇ ਮੁਕਾਬਲਿਆਂ ਵਿੱਚ ਗੋਲਡ ਮੈਡਲ ਦੇ ਨਾਲ ਸਮਾਨਿਤ ਕੀਤਾ ਗਿਆ ਹੈ.

ਇਸਦੇ ਇਲਾਵਾ 'ਕਦੋਂ ਹੋਣਗੇ ਵਿਛੜਿਆਂ ਦੇ ਮੇਲੇ' 'ਕੱਲੇ ਕੱਲੇ ਹੋਈਏ' 'ਚੋਰਾਂ ਤੋਂ ਡਰਦੀ' ਆਦਿ ਚਰਚਿਤ ਗੀਤਾਂ ਨੇ ਬਲਕਾਰ ਸਿੱਧੂ ਨੂੰ ਪੰਜਾਬੀ ਗਾਇਕੀ ਦੇ ਪਿੜ੍ਹ ਵਿੱਚ ਸਥਾਪਤ ਹੋਣ ਵਿੱਚ ਮਦਦ ਕੀਤੀ, ਪਰੰਤੂ ਇਸ ਨੌਜਵਾਨ ਗਾਇਕ ਦੀ ਮਿਹਨਤ ਲਗਨ ਅਤੇ ਦ੍ਰਿੜ ਇਰਾਦੇ ਨੇ ਇਸਨੂੰ ਉਸ ਮੁਕਾਮ ਉੱਤੇ ਪਹੁੰਚਾ ਦਿੱਤਾ, ਜਿਸਦਾ ਬਲਕਾਰ ਸਿੱਧੂ ਹੱਕਦਾਰ ਸੀ.

ਬਲਕਾਰ ਸਿੱਧੂ ਨੇ 'ਤੂੰ ਮੇਰੀ ਖੰਡ ਮਿਸ਼ਰੀ' 'ਮਾਝੇ ਦੀਏ ਮੋਮਬੱਤੀਏ' 'ਚਰਖੇ' 'ਲੌਂਗ ਤਵੀਤੜੀਆਂ' 'ਦੋ ਗੱਲਾਂ' 'ਮਹਿੰਦੀ' 'ਫੁਲਕਾਰੀ' ਅਤੇ 'ਚੁਬਾਰੇ ਵਾਲੀ ਬਾਰੀ' ਆਦਿ ਲਗਾਤਾਰ ਸੱਭਿਆਚਾਰਕ ਸੁਪਰਹਿੱਟ ਪੰਜਾਬੀ ਕੈਸਿਟਾਂ ਦੇਕੇ ਸਫ਼ਲਤਾ ਦੀ ਸਿਖ਼ਰ ਨੂੰ ਛੋਹਿਆ ਹੈ.

ਪੰਜਾਬੀ ਪ੍ਰਸਿੱਧ ਢਾਡੀ ਕਵੀਸ਼ਰ ਗੁਰਬਖ਼ਸ ਸਿੰਘ ਅਲਬੇਲਾ ਤੋਂ ਗਾਇਕੀ ਦੀਆਂ ਬਰੀਕੀਆਂ ਸਿੱਖਣ ਵਾਲੇ ਬਲਕਾਰ ਸਿੱਧੂ ਨੇ ਸਫ਼ਲਤਾ ਦੀਆਂ ਪੌੜੀਆਂ ਚੜ੍ਹਨ ਦੇ ਲਈ ਨੰਗੇਜ਼ ਅਤੇ ਘਟੀਆ ਗੀਤਾਂ ਦਾ ਸਹਾਰਾ ਨਾ ਲੈਂਦੇ ਹੋਏ ਹਮੇਸ਼ਾ ਲੋਕਾਂ ਦੀ ਨਬਜ਼ ਨੂੰ ਫੜ੍ਹਦਿਆਂ ਸੱਭਿਆਚਾਰਕ ਗੀਤਾਂ ਨਾਲ ਸੱਜੀਆਂ ਹੋਈ ਕੈਸਿਟਾਂ ਹੀ ਲੋਕਾਂ ਦੀ ਝੋਲੀ ਵਿੱਚ ਪਾਈਆਂ ਹਨ.

ਮਾਲਵੇ ਦੇ ਇਸ ਜੰਮਪਲ ਗਾਇਕ ਨੇ ਹੁਣ ਤੱਕ ਬਾਬੂ ਸਿੰਘ ਮਾਨ, ਦਵਿੰਦਰ ਖੰਨੇਵਾਲਾ, ਅਲਬੇਲ ਬਰਾੜ, ਮਨਪ੍ਰੀਤ ਟਿਵਾਣਾ, ਕ੍ਰਿਪਾਲ ਮਾਅਣਾ, ਜਨਕ ਸ਼ਰਮੀਲਾ, ਜਸਵੀਰ ਭੱਠਲ ਵਰਗੇ ਪ੍ਰਸਿੱਧ ਗੀਤਕਾਰਾਂ ਦੇ ਗੀਤਾਂ ਨੂੰ ਆਵਾਜ਼ ਦਿੱਤੀ ਹੈ. ਇਸ ਹਰਮਨ ਪਿਆਰੇ ਗਾਇਕ ਬਲਕਾਰ ਸਿੱਧੂ ਦੀ ਸਫ਼ਲਤਮ ਗਾਇਕੀ ਦੇ ਵਾਂਗ ਨਿੱਜੀ ਜ਼ਿੰਦਗੀ ਵੀ ਝਗੜੇ ਝੇੜਿਆਂ ਤੋਂ ਦੂਰ ਜੀਵਨਸਾਥੀ ਦਲਜਿੰਦਰ ਪ੍ਰੀਤ, ਦੋ ਪੁੱਤਰੀਆਂ ਸਰਬਜੀਤ, ਕਸਮਜੋਤ ਅਤੇ ਆਪਣੇ ਪੁੱਤਰ ਕੁੰਵਰ ਬਲਕਾਰ ਸਿੱਧੂ ਦੇ ਨਾਲ ਗੁਜਾਰ ਰਹੇ ਹਨ.  

Tuesday, May 29, 2012

ਫੇਸਬੁੱਕ ਨੂੰ ਲੈਕੇ ਕੀ ਕਹਿੰਦੇ ਨੇ ਸਾਡੇ ਗਾਇਕ

ਮਾਰਕ ਜੈਕਬਰਗ, ਜੋ ਫੇਸਬੁੱਕ ਦਾ ਮਾਲਕ ਹੈ, ਜਿਸਦਾ ਨਾਂਅ ਇਤਿਹਾਸ ਦੇ ਪੰਨਿਆਂ ਦੇ ਵਿੱਚ ਮਹਾਨ ਬਿਜ਼ਨਸਮੈਨ ਦੇ ਰੂਪ ਵਿੱਚ ਦਰਜ ਹੋ ਗਿਆ। ਉਮਰ ਕਿੰਨੀ ਕੁ ਐ, ਮੇਰੇ ਤੋਂ ਕਰੀਬਨ ਉਹ ਪੰਜ ਮਹੀਨੇ ਵੱਡਾ ਐ, ਉਸਦਾ ਜਨਮ 14 ਮਈ 1984 ਨੂੰ ਹੋਇਆ। ਬਿਜ਼ਨਸ ਸ਼ੁਰੂ ਕੀਤਿਆਂ ਵੀ ਕੋਈ ਜਿਆਦਾ ਵੇਲਾ ਨਈ ਹੋਇਆ ਐ। ਇਸ ਦੀ ਸਫ਼ਲਤਾ ਉਨ੍ਹਾਂ ਲੋਕਾਂ ਦੇ ਲਈ ਮੂੰਹ ਤੋੜ ਜੁਆਬ ਐ, ਜੋ ਕਹਿੰਦੇ ਨੇ ਕਿ ਬਿਜਨਸ ਖੜ੍ਹਾ ਕਰਨ 'ਚ ਇੱਕ ਪੀੜ੍ਹੀ ਨਿਕਲ ਜਾਂਦੀ ਐ। ਫੇਸਬੁੱਕ ਦੀ ਸ਼ੁਰੂਆਤ ਗੂਗਲ ਦੀ ਵੇਬਸਾਈਟ ਓਰਕੁਟ ਦੇ ਨਾਲ ਹੋਈ, ਕਰੀਬਨ 4 ਫਰਵਰੀ 2004, ਫੇਸਬੁੱਕ ਓਰਕੁਟ ਤੋਂ ਛੇ ਸੱਤ ਦਿਨ ਛੋਟੀ ਐ ਉਮਰ 'ਚ, ਪ੍ਰੰਤੂ ਲੋਕਪ੍ਰਿਅਤਾ 'ਚ ਬਹੁਤ ਵੱਡੀ।

ਜਦੋਂ ਉਸ ਰੱਬ ਦੀ ਕ੍ਰਿਪਾ ਵਰ੍ਹਦੀ ਐ, ਤਾਂ ਦੁਨੀਆ ਆਪ ਮੁਹਾਰੇ ਕਸੀਦੇ ਕੱਢਣੇ ਸ਼ੁਰੂ ਕਰ ਦਿੰਦੀ ਐ। ਮਾਰਕ ਜੈਕਬਰਗ ਨੂੰ ਪੰਜਾਬੀ ਨਈ ਆਉਂਦੀ, ਜੇਕਰ ਕਿੱਧਰੇ ਉਸਨੂੰ ਥੋੜ੍ਹੀ ਮੋਟੀ ਵੀ ਪੰਜਾਬੀ ਦੀ ਸਮਝ ਹੁੰਦੀ ਤਾਂ ਉਹ ਆਪਣੇ ਪ੍ਰਮੋਸ਼ਨ ਦੇ ਲਈ ਪੰਜਾਬੀ ਗੀਤਕਾਰਾਂ 'ਤੇ ਗਾਇਕਾਂ ਦਾ ਸਨਮਾਨ ਵੀ ਕਰਦਾ, ਕਿਉਂਕਿ ਫੇਸਬੁੱਕ ਨੂੰ ਲੋਅਪ੍ਰਿਆ ਬਣਾਉਣ ਦੇ ਲਈ ਪੰਜਾਬੀ ਸੰਗੀਤ ਦਾ ਵਧੇਰਾ ਵੱਡਾ ਹੱਥ ਆਏ।

ਕਮਲ ਹੀਰ ਆਖਦਾ ਐ, ਭੋਰਾ ਨਈ ਉਦਾਸੀ ਵੇਖੀ ਸੋਹਣੇ ਮੁੱਖ 'ਤੇ ਮੈਂ, ਰਾਤੀਂ ਉਹਦੀ ਫੋਟੋ ਵੇਖੀ ਫੇਸਬੁੱਕ 'ਤੇ ਮੈਂ। ਉੱਥੇ ਕੁੜ੍ਹੀ ਨੂੰ ਚਿਤਾਵਨੀ ਦਿੰਦਿਆਂ ਮਾਲਵੇ ਦਾ ਨੌਜਵਾਨ ਗਾਇਕ ਗੁਰਵਿੰਦਰ ਬਰਾੜ ਕਹਿੰਦਾ ਐ, ਫੇਸਬੁੱਕ 'ਤੇ ਫੇਕ ਫੋਟੋਆਂ ਪਾਉਣ ਵਾਲੀਏ ਨੀ, ਜਾ ਅਸੀਂ ਨੀ ਤੈਨੂੰ ਚਾਹੁੰਣਾ ਐ, ਸਭ ਨੂੰ ਚਾਹੁਣ ਵਾਲੀ ਨੀ। ਗੁਰਵਿੰਦਰ ਬਰਾੜ ਜਿੱਥੇ ਠੁਕਰਾ ਰਿਹਾ ਐ, ਉੱਥੇ ਹੀ ਤੇਰੀਆਂ ਯਾਦਾਂ ਦੇ ਨਾਲ ਪੰਜਾਬੀ ਗਾਇਕੀ ਦੇ ਪਿੜ੍ਹ ਵਿੱਚ ਕਦਮ ਰੱਖਣ ਵਾਲਾ ਬਿੱਲ ਸਿੰਘ ਬੋਲੀਆਂ ਟੱਪਿਆਂ ਦੇ ਰਾਹੀਂ ਫੇਸਬੁੱਕ 'ਤੇ ਕੁੜ੍ਹੀ ਤੋਂ ਪੂਰੀ ਡਿਟੇਲ ਮੰਗ ਰਿਹਾ ਐ। ਜਦੋਂਕਿ ਯੰਗ ਸੂਰਮਾ ਤੇ ਕੁਲਦੀਪ ਧਾਲੀਵਾਲ ਗਾ ਰਹੇ ਨੇ ਕਿ ਤੇਰੇ ਤੋਂ ਦੂਰ ਹੋ ਜਾਣਾ, ਜਦੋਂ ਉੱਤੇ ਫੇਸਬੁੱਕ 'ਤੇ ਮਸ਼ਹੂਰ ਹੋ ਜਾਣਾ। ਚੁਸਕੀਆਂ ਲੈਣ ਦਾ ਸ਼ੌਕੀਨ ਭਗਵੰਤ ਮਾਨ ਚੁਸਕੀ ਲੈਂਦਿਆਂ ਕੁੱਝ ਇੰਝ ਗਾ ਰਿਹਾ ਐ, ਫਿਰਦੇ ਨੇ ਲੈਪਟੋਪ ਚੱਕੀ ਮਿੱਤਰੋ, 21ਵੀਂ ਸਦੀ ਤਰੱਕੀ ਮਿੱਤਰੋ, ਵਾਲ ਰੰਗਵਾਕੇ, ਟੈਟੂ ਘੁਣ ਵਾਕੇ, ਮੁੰਡੇ ਦਾ ਧਿਆਨ ਫੈਂਕੀ ਲੁੱਕ 'ਤੇ, ਚੜ੍ਹਦੀ ਜੁਆਨੀ ਫਿਰੇ ਹਾਣ ਭਾਲ ਦੀ ਫੇਸਬੁੱਕ 'ਤੇ।

ਭਗਵੰਤ ਮਾਨ ਦੀ ਗੱਲ 'ਤੇ ਫੁੱਲ ਚੜ੍ਹਾਉਂਦਿਆਂ ਨੌਜਵਾਨ ਗਾਇਕ ਦਿਓਲ ਦਿਲਜਾਨ ਆਪਣੇ ਅਹਿਸਾਸਾਂ ਨੂੰ ਇੰਝ ਫੋਲਦਾ ਐ, ਫੇਸਬੁੱਕ 'ਤੇ ਤੱਕਿਆ ਸੀ ਤੇਰਾ ਫੇਸ ਰਿਕਾਣੇ ਨੀ, ਉਸੇ ਦਿਨ ਤੋਂ ਹੋ ਗਏ ਆਂ ਤੇਰੇ ਦੀਵਾਨੇ ਨੀ, ਬਣ ਬੈਠਾ ਮੈਂ ਪੁਜਾਰੀ ਤੇਰੇ ਦਿਲ ਦੇ ਮੰਦਰ ਦਾ, ਤੂੰ ਵਿੱਚ ਕਨੇਡਾ ਰਹਿਣੀ ਐ, ਮੈਂ ਜੱਟ ਜਲੰਧਰ ਦਾ।

ਸ਼ਾਇਕ ਪੂਰੇ ਮਾਮਲੇ ਦਾ ਜਾਇਜਾ ਲੈਣ ਮਗਰੋਂ ਬਲਵੀਰ ਉੱਪਲ ਨੇ ਇਹ ਗਾਉਣਾ ਵਧੇਰੇ ਮੁਨਾਸਿਬ ਸਮਝਿਆ, ਇੰਟਰਨੈੱਟ 'ਤੇ ਨਵੇਂ ਫਰੈਂਡ ਬਨਾਉਂਦੇ ਰਹਿੰਦੇ ਨੇ, 24 ਘੰਟੇ ਵੇਹਲੇ ਇਸ਼ਕ ਲੜਾਉਂਦੇ ਰਹਿੰਦੇ ਨੇ, ਫੇਸਬੁੱਕ ਨੇ ਕਮਲੇ ਕਰਤਾ ਮੁੰਡੇ ਕੁੜ੍ਹੀਆਂ ਨੂੰ, ਵੈਬਕੈਮ ਨੇ ਸੈਂਟੀ ਕਰਤਾ ਮੁੰਡੇ ਕੁੜ੍ਹੀਆਂ ਨੂੰ।

ਇਹਨਾਂ ਗੀਤਾਂ ਦੇ ਨਾਲ ਪੰਜਾਬੀ ਗਾਇਕਾਂ ਦੀਆਂ ਕੈਸਿਟਾਂ ਚੱਲੀਆਂ ਕਿ ਨਈ ਇਹ ਤਾਂ ਪਤਾ ਨਈ, ਪ੍ਰੰਤੂ ਇਹਨਾਂ ਗੀਤਾਂ ਦੀ ਬਦੌਲਤ ਮੇਰਾ ਹਮਉਮਰ ਮਾਰਕ ਜੈਕਬਰਗ ਅੱਜ ਸਭ ਤੋਂ ਜਿਆਦਾ ਪੈਸੇ ਵਾਲਿਆਂ ਦੀ ਸ਼੍ਰੈਣੀ ਵਿੱਚ ਸ਼ਾਮਿਲ ਐ, ਤੇ ਗੀਤਾਂ ਦੇ ਰਾਹੀਂ ਹੋਏ ਪ੍ਰਚਾਰ ਕਰਕੇ ਨੌਜਵਾਨ ਮੁੰਡੇ ਕੁੜ੍ਹੀਆਂ ਈ ਨਈ, ਸਗੋਂ ਸਕੂਲੀ ਪੜ੍ਹਦੇ ਬੱਚੇ ਵੀ ਆਉਣ ਲੱਗੇ ਨੇ।

ਦੁਨੀਆਂ ਵਿੱਚ ਮਾੜੇ ਚੰਗੇ ਦੋ ਤਰ੍ਹਾਂ ਦੇ ਬੰਦੇ ਹੁੰਦੇ ਨੇ, ਇੱਥੇ ਵੀ ਕੁੱਝ ਇਸ ਤਰ੍ਹਾਂ ਈ ਐ। ਇਹ ਵੀ ਇੱਕ ਦੁਨੀਆ ਐ। ਜਰਾ ਬਚ ਕੇ ਫੇਸਬੁੱਕ ਤੋਂ।

Monday, May 28, 2012

ਲਾਭ ਹੀਰੇ ਦੇ ਗੀਤ 'ਤੇ ਮੈਂ

ਟੋਬੇ ਦੇ ਕਿਨਾਰੇ ਬੈਠਾ, ਮੱਝਾਂ ਦੇ ਬਾਹਰ ਨਿਕਲਣ ਦਾ ਇੰਤਜ਼ਾਰ ਕਰ ਰਿਹਾ ਸੀ ਕਿ ਅਚਾਨਕ ਸਾਹਮਣਿਉਂ ਗੁਰੂਦੁਆਰੇ ਵਾਲੀ ਗਲੀ 'ਚੋਂ ਇੱਕ ਟਰੈਕਟਰ ਨਿਕਲਿਆ, ਜਿਸ ਉੱਤੇ ਇੱਕ ਗੀਤ ਵੱਜ ਰਿਹਾ ਸੀ, ਜਿਸਦੇ ਬੋਲ ਸਨ, ਦੰਦ ਜੁੜ੍ਹ ਗਏ ਲੋਕਾਂ ਦੇ, ਕੁੜ੍ਹੀ ਹਿੱਕ ਥਾਪੜ ਕੇ ਕਹਿ ਗਈ। ਟਰੈਕਟਰ ਹਵਾ ਦੇ ਫ਼ਰਾਟੇ ਵਾਂਗੂ ਛੂ ਕਰਦਾ ਕੋਲੋਂ ਨਿਕਲ ਗਿਆ, ਪ੍ਰੰਤੂ ਉਸ ਗੀਤ ਦੇ ਬੋਲ ਮੇਰੇ ਕੰਨਾਂ ਦੀ ਲੀਹੇ ਸਿੱਧੇ ਜੇਹਨ 'ਚ ਉਤਰ ਗਏ।

ਮੱਝਾਂ ਬਾਹਰ ਨਿਕਲ ਆਈਆਂ, 'ਤੇ ਆਪਾਂ ਘਰ ਨੂੰ ਟੁਰ ਪਏ। ਮੈਂ ਕਦੇ ਵੀ ਚੁੱਪ ਚਾਪ ਨਈ ਤੁਰਦਾ, ਉਹ ਲੋਕ ਗੁਆਹ ਨੇ, ਜੋ ਮੇਰੇ ਆਲੇ ਦੁਆਲੇ ਰਹਿ ਨੇ। ਮੈਂ ਉਪਰਲੀ ਇੱਕ ਲਾਈਨ ਨੂੰ ਗੁਣ ਗੁਣਾਉਂਦਾ ਘਰ ਪੁੱਜਿਆ। ਸ਼ਾਮ ਢਲੇ ਜਦੋਂ ਮੇਰੇ ਗੁਆਂਢੇ ਰਹਿੰਦਾ ਚਾਚਾ ਘਰ ਆਇਆ, 'ਤੇ ਮੈਂ ਉਸਨੂੰ ਪੁੱਛਿਆ ਇਹ ਗੀਤ ਕਿਸਦਾ ਐ, ਦੰਦ ਜੁੜ੍ਹ ਗਏ ਲੋਕਾਂ ਦੇ। ਉਸਨੇ ਹੱਸਦਿਆਂ ਜੁਆਬ ਦਿੱਤਾ, ਇਹ ਗੀਤ ਪੁੱਤਰਾ ਲਾਭ ਹੀਰੇ ਦਾ, ਕੰਨਾਂ ਦੇ ਕੀੜੇ ਕੱਢ ਦਿੰਦਾ ਐ। ਹਿੱਕ ਦੇ ਜ਼ੋਰ ਨਾਲ ਗਾਉਂਦਾ ਐ।

ਮੈਨੂੰ ਹੁਣ ਪਤਾ ਲੱਗਿਆ ਕਿ ਚਾਚਾ ਜੋ ਗੀਤ ਰੋਜ਼ ਗਾਉਂਦਾ ਐ ਨਾ ਵੇ ਸੱਜਣਾ ਨਾ ਉਹ ਵੀ ਲਾਭ ਹੀਰੇ ਦਾ ਐ। ਇਹ ਸਮਾਂ ਲਾਭ ਹੀਰੇ ਦਾ ਸੀ। ਇਸ ਵੇਲੇ ਲਾਭ ਹੀਰੇ ਨੇ ਜੋ ਵੀ ਗਾਇਆ, ਲੋਕਾਂ ਨੇ ਖਿੜ੍ਹੇ ਮੱਥੇ ਪ੍ਰਵਾਨ ਕੀਤਾ, ਲਾਭ ਹੀਰੇ ਦੀਆਂ ਕੈਸਿਟਾਂ ਨੂੰ ਪ੍ਰਮੋਸ਼ਨ ਦੀ ਲੋੜ੍ਹ ਨਈ ਸੀ। ਉਹਨਾਂ ਦਿਨਾਂ 'ਚ ਦੂਰਦਰਸ਼ਨ ਹੁੰਦਾ ਸੀ, ਉਸ ਉੱਤੇ ਕੁੱਝ ਪ੍ਰੋਗ੍ਰਾਮ ਆਉਂਦੇ, ਜਿਨ੍ਹਾਂ 'ਚ ਪੰਜਾਬੀ ਗੀਤ ਵੱਜਦੇ, ਕਲਾਕਾਰਾਂ ਨੂੰ ਟੀਵੀ 'ਤੇ ਆਉਣ ਦੇ ਲਈ ਲਾਈਨ 'ਚ ਲੱਗਣਾ ਪੈਂਦਾ ਸੀ।

ਉਨ੍ਹਾਂ ਦਿਨਾਂ 'ਚ ਪ੍ਰਮੋਸ਼ਨ ਦੇ ਲਈ ਗਾਇਕ ਆਪਣੀ ਅਗਲੀ ਕੈਸਿਟ ਦਾ ਕੋਈ ਵਧੀਆ ਜਿਹਾ ਗੀਤ ਅਖ਼ਾੜਿਆਂ 'ਚ ਗਾ ਛੱਡੇ, ਜੇਕਰ ਲੋਕਾਂ ਨੂੰ ਚੰਗਾ ਲੱਗਦਾ ਤਾਂ ਕੈਸਿਟ ਆਉਂਦਿਆਂ ਵਿੱਕ ਜਾਂਦੀ। ਕੈਸਿਟ ਆਉਣ ਦੇ ਬਾਅਦ 'ਚ ਰਹਿੰਦਾ ਖੂੰਦਾ ਪ੍ਰਮੋਸ਼ਨ ਟਰੈਕਟਰਾਂ ਦੇ ਵੱਜਦੇ ਗੀਤ ਕਰ ਦਿੰਦੇ।

ਲਾਭ ਹੀਰੇ ਦੇ ਗੀਤ ਜੰਗਾਂ ਦੇ ਟਰੈਕਟਰ 'ਤੇ ਵਧੇਰੇ ਵੱਜਦੇ। ਲੱਗ ਗਈ ਪੜ੍ਹਨ ਪਟਿਆਲੇ, ਖੜ੍ਹੀ ਟੇਸ਼ਨ 'ਤੇ ਰਹਿ ਗਈ, ਝਾਂਕਣੀ 'ਚ ਪੈ ਗਿਆ ਫ਼ਰਕ ਜਿਹੇ ਗੀਤ ਜੰਗਾਂ ਦੀ ਮੋਟਰਾਂ ਠੀਕ ਕਰਨ ਵਾਲੀ ਦੁਕਾਨ 'ਚ ਆਮ ਸੁਣਨ ਨੂੰ ਮਿਲ ਜਾਂਦੇ।  ਜੰਗਾਂ ਦੇ ਮੁੰਡੇ ਹੀਰੇ ਦੇ ਜ਼ਬਰਦਸਤ ਫੈਨ ਸਨ। ਲਾਭ ਹੀਰੇ ਦੀ ਕੋਈ ਨਾ ਕੋਈ ਕੈਸਿਟ ਚੱਲਦੇ ਫਿਰਦੇ ਕਿਸੇ ਨਾ ਕਿਸੇ ਟਰੈਕਟਰ ਦੇ ਟੂਲ ਬਕਸੇ 'ਚ ਆਮ ਮਿਲ ਜਾਂਦੀ।

'ਸ਼ਹਿਰ ਦੇ ਮੁੰਡਿਆਂ ਨੇ ਤੇਰਾ ਨਾਂਅ ਰੱਖਿਆ ਮਨਮੋਹਣੀ' ਇਹ ਲਾਭ ਹੀਰੇ ਦੀ ਸ਼ਿਖਰ ਸੀ। ਹੁਣ ਲਾਭ ਹੀਰਾ ਪਿੰਡਾਂ 'ਚੋਂ ਨਿਕਲ ਸ਼ਹਿਰ ਦੇ ਸਰੋਤਿਆਂ ਨੂੰ ਕੀਲਣ ਲੱਗ ਪਿਆ ਸੀ, ਪ੍ਰੰਤੂ ਅਫ਼ਸੋਸ ਦੀ ਗੱਲ ਇਹ ਹੋਈ ਕਿ ਇਸਦੇ ਬਾਅਦ ਲਾਭ ਹੀਰੇ ਦੀ ਲੋਕਪ੍ਰਿਅਤਾ ਘੱਟਣ ਲੱਗੀ। ਹੁਣ ਉਸਦੀਆਂ ਕੈਸਿਟਾਂ ਨੂੰ ਸੁਣਨ ਵਾਲੇ ਸੀਮਿਤ ਹੋਣ ਲੱਗੇ, ਹੁਣ ਉਹ ਗੱਲ ਨਈ ਰਹਿ ਗਈ ਸੀ, ਜੋ ਪਹਿਲਾਂ ਹੋਇਆ ਕਰਦੀ ਸੀ।

ਮੈਨੂੰ ਯਾਦ ਐ, ਲਾਭ ਹੀਰੇ ਦਾ ਨਾਂਅ ਸੁਣਦਿਆਂ ਲੋਕ ਮੀਲਾਂ ਦੂਰ ਉਸਦਾ ਅਖਾੜਾ ਸੁਣਨ ਤੁਰ ਜਾਂਦੇ, ਉਹ ਹਿੱਕ ਦੇ ਜੋਰ 'ਤੇ ਗਾਉਣ ਵਾਲਾ ਗਾਇਕ ਸੀ। ਉਸ ਦੀ ਲੋਕਪ੍ਰਿਅਤਾ ਚਮਕੀਲੇ ਜਿਹੀ ਸੀ। ਮੈਂ ਲਾਭ ਹੀਰੇ ਦਾ ਇੱਕ ਅਖ਼ਾੜਾ ਵੇਖਿਆ ਪਿੰਡ ਆਲੀਕੇ, ਜੋ ਮੇਰੇ ਪਿੰਡ ਤੋਂ ਥੋੜ੍ਹੀ ਦੂਰ ਸੀ। ਲਾਭ ਹੀਰੇ ਨੂੰ ਸੁਣਨ ਦਾ ਕੁਰੇਜ ਬਹੁਤ ਸੀ। ਫਿਰ ਪੈਸੇ 'ਤੇ ਪਬਲਸਿਟੀ ਦਾ ਵੇਲਾ ਆਇਆ, ਟੀਵੀ ਉੱਤੇ ਆਉਣ ਵਾਲੇ ਕਲਾਕਾਰਾਂ ਦੀ ਆਪਣੀ ਪਹਿਚਾਣ ਬਣਨ ਲੱਗੀ! ਮਾਲਵੇ ਦੇ ਕਲਾਕਾਰ ਥੋੜ੍ਹਾ ਜਿਹਾ ਇਸ ਦਾ ਸਹਾਰਾ ਘੱਟ ਲੈਂਦੇ ਸਨ, ਜਿਸ ਕਾਰਣ ਉਨ੍ਹਾਂ ਨੂੰ ਹਰਜਾਨਾ ਵੀ ਭੁਗਤਣਾ ਪਿਆ। ਲਾਭ ਹੀਰੇ ਨੇ ਇਸ ਤੋਂ ਬਾਅਦ ਉੱਠਣ ਦੀ ਕੋਸ਼ਿਸ਼ ਕੀਤੀ, ਮਗਰ ਸਮਾਂ ਬੜੀ ਤੇਜੀ ਦੇ ਨਾਲ ਬਦਲਿਆ। ਦੂਰਦਰਸ਼ਨ ਤੋਂ ਇਲਾਵਾ ਕਈ ਹੋਰ ਚੈਨਲ ਆ ਗਏ। ਕੱਲ੍ਹ ਉੱਠੇ ਮੁੰਡੇ ਪੈਸੇ ਦੇਕੇ ਚੈਨਲ ਵਾਲਿਆਂ ਨੂੰ, ਪੂਰਾ ਪੂਰਾ ਦਿਨ ਆਪਣੇ  ਗੀਤ ਵਜਾਉਣ ਲੱਗੇ, ਦੇਬੀ ਮਖਸੂਸਪੁਰੀ ਕਹਿੰਦਾ ਐ, ਕਲਾਕਾਰ ਤਾਂ ਉਹੀ ਐ ਜੋ ਟੀਵੀ ਆਉਂਦਾ ਐ।

ਜੋ ਜੋ ਹਨੀ ਸਿੰਘ ਹੋਰੇ ਇਹਨਾਂ ਚੈਨਲਾਂ ਦੀ ਪੈਦਾਇਸ਼ ਨੇ। ਪੰਜਾਬੀ ਗਾਇਕੀ ਦੇ ਵਿੱਚ ਨਿਘਾਰ ਆਉਣ ਲੱਗ ਪਿਆ, ਭਾਵੇਂ ਸਾਨੂੰ ਇਸ ਦੌਰਾਨ ਕਈ ਚੰਗੇ ਗਾਇਕ ਵੀ ਮਿਲੇ। ਮਗਰ ਅਫ਼ਸੋਸ ਲਾਭ ਹੀਰੇ, ਦਵਿੰਦਰ ਕੋਹਿਨੂਰ ਜਿਹੇ ਹੀਰੇ ਕਿਤੇ ਪਿੱਛੇ ਖੋਹ ਆਏ, ਜੋ ਬੇਹੱਦ ਅਨਮੋਲ ਸਨ। ਲਾਭ ਹੀਰਾ ਬਹੁਤ ਜਦਲ ਆਪਣੀ ਨਵੀਂ ਐਲਬਮ ਕਰਨ ਜਾ ਰਿਹਾ ਹੈ, ਉਮੀਦ ਐ ਉਹ ਕੁੱਝ ਨਵਾਂ ਪੇਸ਼ ਕਰੇ, ਅਤੇ ਆਪਣੀ ਖੋਹੀ ਹੋਈ ਚਮਕ ਨੂੰ ਫਿਰ ਤੋਂ ਮੁੜ੍ਹ ਹਾਸਿਲ ਕਰੇ।

ਲਾਭ ਹੀਰੇ ਦੇ ਗੀਤਾਂ 'ਚ ਸੱਚਾਈ ਸੀ। ਉਹ ਹਿੱਕ ਠੋਕ ਕੇ ਗਾਉਂਦਾ ਸੀ। ਉਸਦੇ ਗੀਤਾਂ 'ਚ ਨਵਾਂਪਨ ਸੀ, ਪਰ ਪੇਂਡੂ ਕਲਚਰ ਦੇ ਲੋਕਾਂ ਲਈ, ਪੁਰਾਣੇ ਲੋਕਾਂ ਦੇ ਲਈ। ਉਸਨੂੰ ਸ਼ਹਿਰੀ ਅਤੇ ਪਿੰਡਾਂ ਦੇ ਨਵੇਂ ਸਰੋਤਿਆਂ ਨੂੰ ਮੋਹਣ ਦੇ ਲਈ ਸ਼ਹਿਰ ਦੇ ਮੁੰਡਿਆਂ ਦੇ ਨਾਂਅ ਰੱਖਿਆ ਮਨਮੋਹਨੀ, ਜਿਹੀ ਇੱਕ ਹੋਰ ਕੋਸ਼ਿਸ਼ ਕਰਨੀ ਪਵੇਗੀ।

ਬਠਿੰਡਾ ਗਾਇਕਾਂ ਦੀ ਮੰਡੀ ਹੋਇਆ ਕਰਦਾ ਸੀ। ਲਾਭ ਹੀਰੇ ਦੇ ਹਰ ਉਮਰ ਗਾਇਕ ਜਿਆਦਾਤਰ ਬਠਿੰਡੇ ਦੇ ਸਨ, ਪਰ ਲਾਭ ਹੀਰਾ ਹੀ ਕੇਵਲ ਮਾਨਸਾ ਜਿਲ੍ਹੇ ਦੀ ਅਗੁਵਾਈ ਕਰਨ ਵਾਲਾ ਸੀ, ਲਾਭ ਹੀਰੇ ਦਾ ਜਨਮ ਬੁਢਲਾਡਾ ਮੰਡਲ 'ਚ ਆਉਂਦੇ ਪਿੰਡ ਅਚਾਨਕ 'ਚ ਹੋਇਆ। ਉਸ ਨੂੰ ਚਾਹੁੰਣ ਵਾਲਿਆਂ ਦੀ ਅੱਜ ਵੀ ਕਮੀ ਨਈ, ਪ੍ਰੰਤੂ ਕਮੀਆਂ ਉੱਤੇ ਮਾਤ ਪਾਉਂਦੇ ਹੋਏ ਲਾਭ ਹੀਰੇ ਨੂੰ ਮੁੜ੍ਹ ਪਰਤਣ ਦੀ ਜ਼ਰੂਰਤ ਐ।

ਭਾਵੇਂ ਲਾਭ ਹੀਰਾ ਮੇਰਾ ਬਹੁਤਾ ਪਸੰਦੀਦਾ ਨਈ ਰਹਿਆ, ਪ੍ਰੰਤੂ ਉਸਦਾ ਗੀਤ ਇੱਕ ਮਿਆਨ 'ਚ ਕਿੱਦਾਂ ਦੋ ਤਲਵਾਰਾਂ ਰੱਖੇਗਾ, ਨੇ ਹਮੇਸ਼ਾ ਮਾਰਗ ਦਰਸ਼ਨ ਕੀਤਾ, ਇਸ ਗੀਤ ਦਾ ਅਰਥ ਕੁੱਝ ਹੋਵੇ, ਪ੍ਰੰਤੂ ਮੈਨੂੰ ਇੱਕ ਸਮਝ ਆਉਂਦਾ ਸੀ, ਕਿ ਝੂਠ 'ਤੇ ਸੱਚ ਇੱਕ ਮਿਆਨ 'ਚ ਕਦੇ ਨਈ ਆ ਸਕਦੇ। ਜਿਸ ਗੱਲ ਨੇ ਮੈਨੂੰ ਥੋੜ੍ਹਾ ਜਿਹਾ ਲੋਕਾਂ ਦੀ ਨਿਗਾਹ 'ਚ ਅਕੜ੍ਹੂ ਬਣਾ ਦਿੱਤਾ, ਇਸ ਗੱਲ ਦਾ ਮੈਨੂੰ ਕੋਈ ਗਿਲਾ ਨਈ।

ਲਾਭ ਹੀਰੇ ਨੇ ਜੋ ਗੀਤ ਕੱਬਡੀ 'ਤੇ ਗਾਇਆ 'ਸਿੰਗ ਫੱਸ ਗਏ ਕੁੰਡੀਆਂ ਦੇ ਬਹਿ ਜਾ ਗੋਡੀ ਲਾਕੇ' ਉਹ ਸੁਪਰਬ ਸੀ। ਬਾਅਦ 'ਚ ਭਾਵੇਂ ਕੱਬਡੀ 'ਤੇ ਕਈ ਗੀਤ ਆਏ, ਪ੍ਰੰਤੂ ਲਾਭ ਹੀਰੇ ਵਾਲੀ ਗੱਲ ਕਿਸੇ ਤੋਂ ਨਈ ਬਣੀ। ਇਸ ਗੀਤ ਨੂੰ ਮੱਖਣ ਬਰਾੜ ਨੇ ਲਿਖਿਆ ਸੀ।

Sunday, May 27, 2012

ਗੋਰੇ ਚੱਕਵਾਲੇ ਦੇ ਗੀਤ 'ਤੇ ਮੈਂ

ਗੋਰੇ ਚੱਕਵਾਲੇ ਦੇ ਅਖਾੜੇ ਪਿੱਛੋਂ ਪਿੰਡ ਦੇ ਵਿੱਚ ਗੋਰੇ ਦੇ ਗੀਤਾਂ ਦਾ ਵੱਜਣਾ ਆਮ ਹੋ ਗਿਆ। ਮੇਰੇ ਘਰ ਉਨ੍ਹੀਂ ਦਿਨੀਂ ਡੈਕ ਨਈ ਸੀ, ਮੇਰੇ ਡੈਡੀ ਨੇ ਲਿਆਂਦੀਆਂ ਤਾਂ ਕਈ ਵਾਰ, ਪ੍ਰੰਤੂ ਆਪਣਾ ਬੰਦੇ ਕਮਾਲ ਦੇ ਖਰਾਬ ਕਰਨ 'ਚ ਮਾਹਿਰ, ਬੇਲਟੈਕ ਦਾ ਟੀਵੀ ਸੀ, ਜਿਸ ਨੇ ਵੀ ਮਰੀਜਾਂ ਵਰਗੀ ਜਿੰਦਗੀ ਗੁਜਾਰੀ ਮੇਰੀ ਕਲਾਕਾਰੀ ਕਰਕੇ।

ਤੇਰੇ ਪਿੱਛੇ ਬਦਨਾਮ ਹੋ ਕੇ ਵੇਖਣਾ, ਇਹ ਗੀਤ ਤਾਂ ਐਨਾ ਵੱਜਿਆ ਕਿ ਜਿਹਦਾ ਕੋਈ ਅੰਤ ਨਈ ਸੀ। ਗੋਰੇ ਦਾ ਤੇਜ਼ ਲੈਅ 'ਚ ਗਾਉਣਾ ਬਕਮਾਲ ਹੈ, ਅਤੇ ਸਲੋ ਮੋਸ਼ਨ ਉਸ ਤੋਂ ਵੀ ਅੱਗੇ ਲੈ ਜਾਂਦਾ ਐ ਗੋਰੇ ਨੂੰ। ਉਨ੍ਹਾਂ ਦਿਨਾਂ 'ਚ ਗੋਰੇ ਦੀ ਕੈਸਿਟ ਆਈ, ਦੋ ਦਿਨ ਰੁੱਸਕੇ ਨਈ ਬੋਲੀ, ਜੋ ਸੁਪਰ ਡੁਪਰ ਹਿੱਟ ਹੋਈ, ਪ੍ਰੰਤੂ ਗੁਰਨਾਮ, ਜੋ ਮੇਰਾ ਦੋਸਤ ਸੀ, ਕੈਸਿਟ ਘਰ ਲਿਆਕੇ ਮੋੜ੍ਹ ਆਇਆ, ਕਹਿੰਦਾ ਏਹ ਦਾ ਕਵਰ ਚੰਗਾ ਨਈ। ਜਦੋਂ ਇਹ ਕੈਸਿਟ ਪੂਰੇ ਪੰਜਾਬ ਭਰ 'ਚ ਵੱਜੀ ਤਾਂ ਮੈਂ ਉਸਨੂੰ ਆਖਿਆ, ਕਾਕਾ ਕਵਰ 'ਤੇ ਨਈ ਜਾਈ ਦਾ।

ਇਸ ਤੋਂ ਬਾਅਦ ਆਇਆ ਗੋਰੇ ਦਾ ਅਖਾੜਾ ਦਾ ਹੋਰ ਵੀ ਵਧੀਆ ਸੀ, ਜੋ ਉਸਨੇ ਆਪਣੀ ਸਹਿ ਗਾਇਕਾ ਸੋਨੂੰ ਦੇ ਨਾਲ ਸੂਟ ਕੀਤਾ। ਇਸਦੇ ਵਿਚਲੇ ਕਈ ਗੀਤ ਸੁਪਰ ਕੁਆਲਿਟੀ ਦੇ ਸਨ। ਇਹ ਵੀ ਸਮਾਂ ਹੀ ਹੁੰਦਾ ਐ, ਜਦੋਂ ਸਭ ਕੁੱਝ ਬਕਮਾਲ ਬਣਦਾ ਐ। ਹੁਣ ਮੈਨੂੰ ਖੁਸ਼ੀ ਮਹਿਸੂਸ ਹੋ ਰਹੀ ਸੀ ਕਿ ਮੇਰੀ ਪਸੰਦ ਹਰਦਿਲ ਦੀ ਪਸੰਦ ਬਣ ਰਹੀ ਐ। ਆਪਾਂ ਗੋਰੇ ਦੇ ਪੱਕੇ ਫੈਨ ਸੀ, ਜਿਸ ਕਰਕੇ ਯਾਰ ਵੀ ਮੈਨੂੰ ਗੋਰਾ ਚੱਕਵਾਲਾ ਹੀ ਕਹਿੰਦੇ, ਜਦੋਂ ਕਿ ਗੋਰੇ ਦੇ ਨਾਲ ਦੂਜੀ ਮੁਲਾਕਾਤ ਸਾਲਾਂ ਮਗਰੋਂ ਹੋਈ, ਜਦੋਂ ਮੈਂ ਪੱਤਰਕਾਰੀ ਦੀ ਦੁਨੀਆ 'ਚ ਆਇਆ।

ਦੁਪਹਿਰ ਦਾ ਵੇਲਾ। ਬੱਸ ਸਟੈਂਡ ਦੇ ਪਿੱਛੇ ਗੋਰੇ ਦਾ ਦਫ਼ਤਰ। ਉਸਦੇ ਉੱਤੇ ਇੱਕ ਬੋਰਡ ਲੱਗਿਆ ਹੋਇਆ ਸੀ, ਜੋ ਅੱਜ ਵੀ ਮੌਜੂਦ ਐ, ਜਿਸ 'ਤੇ ਉਸਦੇ ਘਰ ਦੇ ਟੈਲੀਫੋਨ ਦਾ ਨੰਬਰ ਲਿਖਿਆ ਹੋਇਆ ਸੀ। ਮੈਂ ਉਸ ਦੁਪਹਿਰ ਆਪਣੇ ਦਫ਼ਤਰ 'ਚੋਂ ਗੋਰੇ ਦੇ ਘਰ ਫੋਨ ਲਾਇਆ, 'ਤੇ ਕਿਹਾ ਮੈਂ ਗੋਰੇ ਬਈ ਦਾ ਫੈਨ ਬੋਲਦਾ ਹਾਂ, ਕੀ ਉਹਨਾਂ ਨਾਲ ਗੱਲ ਹੋ ਸਕਦੀ ਐ।

ਅੱਗੋਂ ਆਵਾਜ਼ ਆਈ ਮੈਂ ਗੋਰਾ ਹੀ ਬੋਲਦਾ ਹਾਂ, ਮੈਨੂੰ ਲੱਗਿਆ ਸ਼ਾਇਦ ਕੋਈ ਝੂਠ ਬੋਲ ਰਿਹਾ ਹੈ। ਮੈਂ ਕੁੱਝ ਦਿਨ ਪਹਿਲਾਂ ਗੋਰੇ ਦੀ ਇੰਟਰਵਿਊ ਪੜ੍ਹੀ ਸੀ, ਇੱਕ ਮੈਗਜ਼ੀਨ 'ਚ, 'ਤੇ ਮੈਂ ਪਰ੍ਖ਼ਣ ਦੇ ਲਈ ਪੁੱਛ ਲਿਆ, ਪੰਛੀ 'ਤੇ ਪਰਦੇਸੀ ਗੀਤ ਕਿਹੜੀ ਕੈਸਿਟ ਹੈ ਭਾਅ ਜੀ, ਤਾਂ ਉਨ੍ਹਾਂ ਨੇ ਕਿਹਾ ਕਿ ਇਹ ਮੇਰਾ ਸ਼ੁਰੂਆਤੀ ਗੀਤ ਹੈ, ਇਹ ਰਿਕਾਰਡ ਨਈ ਹੋਇਆ, ਇਹ ਸੱਤਵੀਂ ਜਮਾਤ 'ਚ ਲਿਖਿਆ ਸੀ, ਹੁਣ ਮਨ ਨੂੰ ਤਸੱਲੀ ਹੋਈ, ਸੱਚਮੁੱਚ ਗੋਰਾ ਜੀ ਬੋਲ ਰਹੇ ਨੇ।

ਗੋਰੇ ਦੇ ਦਰਸ਼ਨ ਕਰਨੇ ਸ਼ਾਇਦ ਮੇਰੇ ਲਈ ਔਖੇ ਨਈ ਸਨ, ਕਿਉਂਕਿ ਭੂਆ ਦੀ ਕੁੜੀ ਦੇ ਸਹੁਰੇ ਹੋਣ ਕਾਰਣ ਅਤੇ ਮੇਰੀ ਮਾਸੀ ਦੇ ਮੁੰਡੇ ਬਲਵੀਰ ਚੰਦ ਸ਼ਰਮਾ ਦੇ ਅਜੀਤ ਅਖਬਾਰ 'ਚ ਹੋਣ ਕਰਕੇ, ਉਹ ਕਲਾਕਾਰਾਂ ਦੇ ਬਾਰੇ 'ਚ ਵਧੇਰਾ ਲਿਖਦਾ, ਉਸਦੀ ਬਲਕਾਰ ਸਿੱਧੂ ਦੇ ਨਾਲ ਚੰਗੀ ਯਾਰੀ ਸੀ, 'ਤੇ ਗੋਰੇ ਚੱਕਵਾਲੇ ਦਾ ਚੰਗਾ ਵਾਕਫ਼ ਸੀ, ਕਿਉਂਕਿ ਗੋਰਾ ਚੱਕਵਾਲਾ ਵੀ ਪੰਡਤ ਭਰਾ ਸੀ, ਪ੍ਰੰਤੂ ਮੈਂ ਉਸਨੂੰ ਆਪਣੇ ਆਪ ਮਿਲਣਾ ਚਾਹੁੰਦਾ ਸੀ।

ਗੋਰੇ ਦੇ ਗੀਤ ਜਿੰਦਗੀ ਦਾ ਉਹ ਹਿੱਸਾ ਨੇ, ਜਿਸਦੇ ਬਿਨ੍ਹਾਂ ਜਿੰਦਗੀ ਅਧੂਰੀ ਜਿਹੀ ਐ। ਮੈਨੂੰ ਅੱਜ ਵੀ ਯਾਦ ਐ, ਜਦੋਂ ਮੇਰੀ ਘਰ ਦੀ ਬੈਠਕ 'ਚ ਉਸਦਾ ਗੀਤ ਵੱਜਦਾ ਰੱਬ ਲੰਮੀਆਂ ਉਮਰਾਂ ਬ੍ਖ਼ਸੇ ਤੇਰੇ ਜਿਹੀਆਂ ਮਾਸ਼ੂਕਾਂ ਨੂੰ, 'ਤੇ ਮੈਂ ਕਲਪਨਾਵਾਂ ਦੇ ਸਮੁੰਦਰਾਂ 'ਚ ਕਿਧਰੇ ਖੋਹ ਜਾਂਦਾ। ਇਹ ਗੋਰੇ ਦੇ ਹੀ ਗੀਤ ਸਨ, ਜਿਹਨਾਂ ਨੇ ਰੂਹਾਨੀ ਇਸ਼ਕ ਤੋਂ ਜਾਣੂ ਕਰਵਾਇਆ।

ਮੈਨੂੰ ਮਹਿਬੂਬ ਨੂੰ ਦੁਆ ਦੇਣ ਵਾਲੇ ਗੀਤ ਹਮੇਸ਼ਾ ਚੰਗੇ ਲੱਗੇ, ਚਾਹੇ ਉਹ ਰਾਜ ਬਰਾੜ "ਮੇਰੇ ਗੀਤਾਂ ਦੀ ਰਾਣੀ" ਨੇ ਗਾਏ, ਗੋਰੇ ਨੇ "ਰੱਬ ਲੰਮੀਆਂ ਉਮਰਾਂ ਬ੍ਖ਼ਸੇ ਤੇਰੇ ਜਿਹੀਆਂ ਮਾਸ਼ੂਕਾਂ ਨੂੰ"ਗਾਏ, ਗੁਰਵਿੰਦਰ ਬਰਾੜ ਨੇ "ਜਿਹੜੇ ਘਰ ਜਾਵੇਗੀ ਨੀ ਭਾਗ ਖੁੱਲ੍ਹ ਜਾਣਗੇ" ਗਾਏ ਜਾਂ ਫੇਰ ਕਿਸੇ ਹੋਰ ਪੰਜਾਬੀ ਗਾਇਕ ਨੇ। ਜਦੋਂ ਕੋਈ ਗੀਤਕਾਰ ਇਸ ਤਰ੍ਹਾਂ ਦਾ ਗੀਤ ਰੱਚਦਾ ਐ, ਤਾਂ ਲੱਗਦਾ ਐ, ਉਹ ਸਿਰਫ਼ ਮੇਰੇ ਲਈ, ਜਾਂ ਮੇਰੇ ਵਰਗਿਆਂ ਦੇ ਲਈ ਲਿਖ ਰਿਹਾ ਐ।

ਗਲੀਆਂ ਉਦਾਸ ਹੋ ਗਈਆਂ ਤੋਂ ਗਾਇਕੀ ਦਾ ਸਫ਼ਰ ਤੈਅ ਕਰਨ ਵਾਲੇ ਗੋਰੇ ਚੱਕ ਵਾਲੇ ਦਾ ਪਹਿਲਾ ਗੀਤ ਮੈਂ ਮੇਰੀ ਭੂਆ ਦੇ ਘਰ ਸੁਣਿਆ, ਜਦੋਂ ਉਸਦੀ ਤੇਰਾ ਦਿਲ ਮਰਜੀ ਦਾ ਮਾਲਿਕ ਰਿਲੀਜ਼ ਹੋਈ, ਇਹ ਕੈਸਿਟ ਲੈਕੇ ਮੇਰੀ ਭੂਆ ਦਾ ਮੁੰਡਾ ਅਪਣੇ ਘਰ ਆਇਆ, ਅਸੀਂ ਟੀਵੀ 'ਤੇ ਕੁੱਝ ਵੇਖ ਰਹੇ ਸੀ, ਉਹ ਕਹਿ ਰਿਹਾ ਸੀ, ਰਾਜਿੰਦਰਾ ਕਾਲਜ 'ਚ ਪੜ੍ਹਦੇ ਮੁੰਡੇ ਦੀ ਇੱਕ ਵਧੀਆ ਐਲਬਮ ਆਈ ਐ। ਉਦੋਂ ਮੈਨੂੰ ਗੋਰੇ ਦਾ ਨਾਂਅ ਨਈ ਪਤਾ ਸੀ, ਉਸ ਵੇਲੇ ਮੈਂ ਅਕਸ਼ੈ ਕੁਮਾਰ ਦੇ ਗੀਤਾਂ ਦਾ ਦੀਵਾਨਾ ਸੀ, ਗੋਰੇ ਗੋਰੇ ਮੁਖੜੇ ਪੇ ਕਾਲਾ ਚਸ਼ਮਾ, ਤੂੰ ਚੀਜ਼ ਬੜੀ ਐ ਮਸਤ ਮਸਤ।

ਗੋਰੇ ਦੇ ਅਖਾੜੇ ਤੋਂ ਬਾਅਦ ਗੋਰੇ ਦੇ ਗੀਤਾਂ ਨੇ ਪੰਜਾਬੀ ਸੰਗੀਤ ਵੱਲ ਅਜਿਹਾ ਮੋੜ੍ਹਿਆ, ਹਿੰਦੀ ਸੁਣਨ ਦੀ ਆਦਤ ਹੀ ਮਰ ਗਈ। ਗੋਰੇ ਦੇ ਬਾਰੇ ਸਾਡੇ ਪਿੰਡ ਬੜੀਆਂ ਅਫ਼ਵਾਹਾਂ ਸਨ, ਉਹ ਕੋਠੇ 'ਤੇ ਰਿਵਾਲਵਰ ਲੈਕੇ ਬਹਿੰਦਾ, ਉਹ ਪਿੰਡ ਦਾ ਬਦਮਾਸ਼ ਐ, ਉਸਦੇ ਕੋਲ ਸਾਡੇ ਪਿੰਡੋਂ ਇੱਕ ਮੁੰਡਾ ਗਾਇਕੀ ਸਿਖਣ ਗਿਆ, ਪ੍ਰੰਤੂ ਜਲਦ ਭੱਜ ਆਇਆ, ਉਹ ਅਨਪੜ੍ਹ ਸੀ, ਅਤੇ ਸਾਡੇ ਪਿੰਡ ਮਜ਼ਦੂਰੀ ਕਰਦਾ ਸੀ, ਘਰਦਿਆਂ ਨੇ ਭੇਜ ਦਿੱਤਾ ਸ਼ਾਇਦ ਗਾਇਕ ਬਣ ਜਾਵੇ। ਪਰ ਜਦੋਂ ਮੇਰੀ ਮੁਲਾਕਾਤ ਗੋਰੇ ਦੇ ਨਾਲ ਹੋਈ, ਤਾਂ ਉਸਦੇ ਅੰਦਰ ਦਾ ਇਨਸਾਨ ਵੇਖਕੇ ਦਿਲ ਖੁਸ਼ ਹੋਇਆ। ਉਸ ਮੁਲਾਕਾਤ ਨੇ ਦਿਲ 'ਚ ਗੋਰੇ ਦੀ ਹੋਰ ਜਗ੍ਹਾ ਬਣਾ ਦਿੱਤੀ। ਇਸ 'ਤੇ ਹਾਦਸੇ ਵਾਲੀ ਰਾਤ ਮੈਂ ਇੱਕ ਲੇਖ ਵੀ ਲਿਖਿਆ ਹੋਇਆ ਐ।

ਮੈਂ ਪਹਿਲਾਂ ਵੀ ਲਿਖਿਆ ਐ, ਗੋਰੇ ਦੀ ਗੱਲ ਚੱਲਦੀ ਰਹਿਣੀ ਐ। 

ਰਾਜ ਮਲਕਿਆਂ ਵਾਲੇ ਦੇ ਗੀਤ 'ਤੇ ਮੈਂ



Saturday, May 26, 2012

ਰਾਜ ਮਲਕਿਆਂ ਵਾਲੇ ਦੇ ਗੀਤ 'ਤੇ ਮੈਂ

ਹਰ ਸਿੱਕੇ ਦੇ ਦੋ ਪਾਸੇ ਹੁੰਦੇ ਨੇ। ਨਦੀ ਦੇ ਦੋ ਕਿਨਾਰੇ। ਦੁਨੀਆ ਵਿੱਚ ਬੰਦੇ ਚੰਗੇ ਵੀ 'ਤੇ ਮਾੜ੍ਹੇ ਵੀ। ਚੋਣ ਆਪਾਂ ਕਰਨੀ ਹੁੰਦੀ ਐ, ਮੈਨੂੰ ਹਮੇਸ਼ਾ ਇਸ ਗੱਲ ਦੀ ਖੁਸ਼ੀ ਰਹੀ ਕਿ ਮੇਰੀ ਚੋਣ ਕਦੇ ਗਲਤ ਸਿੱਧ ਨਈ ਹੋਈ। ਮੈਨੂੰ ਪੰਜਾਬੀ ਸੰਗੀਤ ਦੇ ਨਾਲ ਪਿਆਰ ਕਰੀਬਨ ਸੋਲ੍ਹਾਂ ਸਤਾਰ੍ਹਾਂ ਸਾਲ ਪਹਿਲਾਂ ਹੋਇਆ, ਜਦੋਂ ਸ਼ਹਿਰ ਛੱਡ ਪਿੰਡ ਗਿਆ। ਉੱਥੇ ਪੰਜਾਬੀ ਗੀਤ ਵੱਜਦੇ ਟਰੈਕਟਰਾਂ 'ਤੇ, ਦੁਕਾਨਾਂ 'ਚ, ਰੇਡੀਓ 'ਤੇ ਅਤੇ ਵਿਆਹਾਂ 'ਚ ਲਾਊਡ ਸਪੀਕਰਾਂ 'ਤੇ। ਚੰਗੇ ਗੀਤ ਆਪ ਮੁਹਾਰੇ ਮੇਰੇ ਮਨ ਦੀਆਂ ਗਹਿਰਾਈਆਂ ਵਿੱਚ ਉਤਰ ਜਾਂਦੇ।

ਪੰਜਾਬੀ ਸੰਗੀਤ ਦੇ ਨਾਲ ਮੇਰੀ ਪੱਕੀ ਯਾਰੀ ਉਸ ਵੇਲੇ ਹੋਈ, ਜਦੋਂ ਸਾਡੇ ਪਿੰਡ ਪੰਜਾਬੀ ਗਾਇਕ ਗੋਰੇ ਚੱਕਵਾਲੇ ਦਾ ਅਖਾੜਾ ਲੱਗਿਆ ਸੀ, ਮੇਰੀ ਭੂਆ ਦੀ ਕੁੜੀ ਦੇ ਵਿਆਹ 'ਚ, ਜੋ ਗੋਰੇ ਚੱਕਵਾਲੇ ਦੇ ਪਿੰਡ ਚੱਕ ਫਤਿਹ ਸਿੰਘ ਵਾਲਾ ਵਿਖੇ ਵਿਆਹੀ ਐ। ਇਸ ਮੁਲਾਕਾਤ ਨੇ ਮੈਨੂੰ ਗੋਰੇ ਚੱਕਵਾਲੇ ਦਾ ਫੈਨ ਬਣਾ ਦਿੱਤਾ।


ਗੋਰੇ ਦੇ ਇਲਾਵਾ ਮੈਨੂੰ ਰਾਜ ਮਲਕਿਆਂ ਵਾਲਾ, ਦੇਬੀ ਮਖਸੂਸਪੁਰੀ ਅਤੇ ਅਮਰਿੰਦਰ ਗਿੱਲ ਚੰਗੇ ਲੱਗਦੇ ਨੇ। ਕਿਸੇ ਨੇ ਠੀਕ ਹੀ ਕਿਹਾ ਹੈ ਕਿ ਬੋਤੀ ਮੁੜ੍ਹ ਘੁੜ੍ਹ ਬੋਹੜ ਥੱਲੇ, ਮੇਰਾ ਕੁੱਝ ਇੰਝ ਹੀ ਹੈ। ਮੈਂ ਦੁਨੀਆ ਭਰ ਦੇ ਗਾਇਕਾਂ ਨੂੰ ਸੁਣ ਲੈਂਦਾ, ਪ੍ਰੰਤੂ ਅੰਤ ਇਹਨਾਂ ਦੇ ਆਕੇ ਫੇਰ ਰੁੱਕ ਜਾਂਦਾ ਹਾਂ।


ਗੋਰੇ ਚੱਕਵਾਲੇ ਦੀ ਗੱਲ ਤਾਂ ਨਾਲ ਨਾਲ ਚੱਲਦੀ ਰਹਿਣੀ ਐ, ਆਪਾਂ ਗੱਲ ਕਰਦੈ ਰਾਜ ਬਰਾੜ ਦੀ। ਪੰਜਾਬੀ ਗਾਇਕੀ ਦਾ ਉਹ ਕਦਵਾਰ ਗਾਇਕ, ਜਿਸਨੇ ਗੀਤਕਾਰੀ ਤੋਂ ਗਾਇਕੀ, ਅਤੇ ਫੇਰ ਅਦਾਕਾਰੀ ਤੱਕ ਦਾ ਸਫ਼ਰ ਤੈਅ ਕੀਤਾ। ਇਸ ਦਾ ਮੈਨੂੰ ਨੱਚਣ ਦਾ ਸਾਈਟਲ ਵਧੇਰੇ ਚੰਗਾ ਲੱਗਦਾ 'ਤੇ ਗਾਉਣ ਦਾ ਤਰੀਕਾ ਵੀ। ਇਸਦੇ ਨੱਚਣ ਦੇ ਸਾਈਟਲ ਨੇ ਕਈ ਵਿਆਹ 'ਚ ਮੇਰੀ ਇੱਜ਼ਤ ਬਚਾਈ।

ਰਾਜ ਮਲਕਿਆਂ ਵਾਲਿਆਂ ਨੂੰ ਸੁਣਦਾ ਸਫ਼ਰ ਭਾਵੇਂ ਸਾਡੇ ਵਾਰੀ ਰੰਗਿਆ ਮੁੱਕਿਆ ਤੋਂ ਹੋਇਆ, ਪ੍ਰੰਤੂ ਉਸਦਾ ਨਾਂਅ ਮੇਰੇ ਕੰਨਾਂ ਵਿੱਚ ਭਿੱਜ ਗਈ ਕੁੜਤੀ ਲਾਲ ਪਸੀਨੇ ਦੇ ਨਾਲ ਪਿਆ, ਜੋ ਹਰਭਜਨ ਮਾਨ ਨੇ ਗਾਇਆ। ਇਹ ਗੀਤ ਵਿਆਹਾਂ ਦੀ ਜਾਨ ਸੀ, ਖਾਸ ਕੁੜ੍ਹੀਆਂ ਦੀ ਤਾਂ। ਸਿਫ਼ਤ ਕਿਸਨੂੰ ਪਸੰਦ ਨਈ ਹੁੰਦੀ। ਹਰਭਜਨ ਦਾ ਇਹ ਗੀਤ ਅਤੇ ਹੰਸ ਰਾਜ ਹੰਸ ਦਾ ਹੋਕਾ, ਤਾਂ ਲੋਕਾਂ ਨੇ ਐਨਾ ਵਜਾਇਆ ਕਿ ਅੱਜ ਦਾ ਕੋਲਾਬਰੀ ਡੀ 'ਤਾਂ ਦੇ ਮੁਕਾਬਲੇ 'ਚ ਕਿਤੇ ਪਿੱਛੇ ਰਹਿ ਜਾਂਦਾ ਐ।

ਰਾਜ ਮਲਕਿਆਂ ਵਾਲੇ ਨੂੰ ਸੁਣਦੀ ਆਦਤ ਬਣਦੀ ਜਾ ਰਹੀ ਸੀ ਕਿ ਉਸਦੀ ਰੀਲ ਮੇਰੇ ਗੀਤਾਂ ਦੀ ਰਾਣੀ ਤਾਂ ਕਮਾਲ ਕਰ ਗਈ, ਇਸ ਰੀਲ ਨੂੰ ਨ ਜਾਣੇ ਮੈਂ ਆਪਣੇ ਘਰ ਦੀ ਝਲਾਣੀ ਵਿੱਚ ਕਿੰਨੇ ਵਾਰ ਸੁਣਿਆ। ਇਹ ਵੀ ਰਾਜ ਬਰਾੜ ਦਾ ਬਹੁਤ ਵੱਡਾ ਐਕਸਪੇਰੀਮੈਂਟ ਸੀ, ਜੋ ਪੂਰੀ ਤਰ੍ਹਾਂ ਸਫ਼ਲ ਹੋਇਆ। ਉਸਦੇ ਤਜਰਬਿਆਂ ਨੇ ਕਦੇ ਮੈਨੂੰ ਉਸ ਤੋਂ ਦੂਰ ਨਈ ਹੋਣ ਦਿੱਤਾ।

ਜੋ ਸਾਨੂੰ ਚੰਗਾ ਲੱਗਦਾ ਐ, ਅਸੀਂ ਦੀ ਖੋਜਬੀਣ ਕਰਨ ਲੱਗ ਪੈਣੇ ਆਂ। ਖੋਜਣ 'ਤੇ ਪਤਾ ਚੱਲਿਆ। ਮਲਕੇ ਪਿੰਡ ਦੇ ਰਾਜਵਿੰਦਰ ਸਿੰਘ ਬਰਾੜ ਨੂੰ ਗੀਤ ਲਿਖਣ ਦਾ ਸ਼ੌਂਕ ਉਸਦੇ ਸੀਰੀ ਜੱਗੀ ਤੋਂ ਲੱਗਿਆ, ਜੋ ਅਨਪੜ੍ਹ ਸੀ, ਜੋ ਬੋਲਦਾ 'ਤੇ ਰਾਜ ਲਿਖਦਾ। ਦਸਵੀਂ ਤੱਕ ਆਉਂਦੇ ਆਉਂਦੇ ਰਾਜ ਨੂੰ ਮਹਿਸੂਸ ਹੋਇਆ ਕਿ ਉਹ ਵੀ ਲਿਖਦਾ ਸਕਦਾ ਐ। ਉਸ ਨੇ ਆਪਣੇ ਪਿੰਡ ਦੇ ਗਾਇਕ ਗੁਰਮੇਲ ਨੂੰ ਆਪਣੇ ਗੀਤ ਵਿਖਾਏ, ਉਸਨੇ ਉਸਨੂੰ ਕਿਹਾ ਕਿ ਇਹ ਚੰਗੇ ਨੇ, ਤੈਨੂੰ ਕੋਸ਼ਿਸ਼ ਕਰਦੇ ਰਹਿਣਾ ਚਾਹੀਦਾ ਐ, ਜੋ ਦਿਲਸ਼ਾਦ ਅਖਤਰ ਦਾ ਸਾਗਿਰਦ ਸੀ।


ਇਸ ਦੇ ਬਾਅਦ ਰਾਜ ਬਰਾੜ ਦੀ ਮੁਲਾਕਾਤ ਜਰਨੈਲ ਘੁਮਾਣ ਦੇ ਨਾਲ ਹੋਈ, ਜਿਸਦੇ ਬਾਅਦ ਗੱਡੀ ਲੀਹ 'ਤੇ ਅਜਿਹੀ ਚੜ੍ਹੀ ਕਿ ਰਾਜ ਬਰਾੜ ਗੀਤਕਾਰ ਬਣਕੇ ਉੱਭਰਿਆ। ਗੀਤਕਾਰੀ 'ਚ ਪੈਰ ਜੰਮਣ ਲੱਗੇ ਸਨ ਕਿ ਉਸਨੇ ਗਾਉਣਾ ਸ਼ੁਰੂ ਕਰ ਦਿੱਤਾ, ਪਹਿਲੀ ਐਲਬਮ ਬੰਤੋ ਨਈ ਚੱਲੀ, 'ਤੇ ਦੂਜੀ ਕੋਸ਼ਿਸ਼ ਨੇ ਕਮਾਲ ਕਰ ਦਿੱਤਾ, ਜੋ ਸਾਡੇ ਵਾਰੀ ਰੰਗ ਮੁੱਕਿਆ ਦੇ ਰੂਪ ਵਿੱਚ ਸੀ।

ਮੈਂ ਰਾਜ ਦੇ ਉਹ ਗੀਤ ਵੀ ਸੁਣੇ, ਜੋ ਸ਼ਾਇਦ ਬਹੁਤ ਘੱਟ ਲੋਕਾਂ ਨੇ ਸੁਣੇ ਹੋਣੇ ਨੇ, ਜਿਵੇਂ ਆਪਣੀ ਜਾਣ ਕੇ, ਜੋ ਅਰਮਿੰਦਰ ਗਿੱਲ ਦੀ ਆਵਾਜ਼ 'ਚ ਰਿਕਾਰਡ ਹੋਇਆ। ਜਦੋਂ ਇਸ ਗੀਤ ਦੀ ਸਿਫ਼ਾਰਿਸ ਇੱਕ ਵਾਰ ਬਠਿੰਡੇ ਦੇ ਸਟੇਡੀਅਮ 'ਚ ਪ੍ਰੋਗ੍ਰਾਮ ਕਰਨ ਦੇ ਲਈ ਆਏ ਅਰਮਿੰਦਰ ਗਿੱਲ ਨੂੰ ਕੀਤੀ, ਉਹ ਝਟਕਾ ਖਾ ਗਿਆ। ਬਈ ਇਹ ਤੂੰ ਕਿਧਰੋਂ ਸੱਪ ਕੱਢ ਲਿਆ, ਕਿਉਂਕਿ ਅਰਮਿੰਦਰ ਦੀ ਪਹਿਚਾਣ ਸਾਨੂੰ ਇਸ਼ਕ ਹੋ ਗਿਆ ਤੋਂ ਬਣੀ ਸੀ। ਅਰਮਿੰਦਰ ਨੇ ਮੇਰੀ ਫਰਮਾਇਸ਼ ਪੂਰੀ ਕੀਤੀ, ਪ੍ਰੰਤੂ ਸੁਣ ਦੇ ਲਈ ਮੈਂ ਸਟੇਡੀਅਮ 'ਚ ਰੁੱਕ ਨਾ ਸਕਿਆ। ਖ਼ਬਰਾਂ ਭੇਜਣ ਦਾ ਜੋ ਟਾਇਮ ਹੋ ਚੱਲਿਆ ਸੀ। ਰਾਜ ਬਰਾੜ ਦੇ ਰੂਪ 'ਚ ਵੀ ਅਤੇ ਰਾਜ ਮਲਕਿਆਂ ਵਾਲੇ ਦੇ ਰੂਪ ਵਿੱਚ ਵੀ ਮੈਨੂੰ ਰਾਜ ਬਹੁਤ ਚੰਗਾ ਲੱਗਦਾ ਐ।


ਜਦੋਂ ਮੈਂ ਪਿੰਡ ਛੱਡ ਸ਼ਹਿਰ ਆਇਆ। ਉਦੋਂ ਤੱਕ ਰਾਜ ਬਰਾੜ ਬੇਹੱਦ ਹਿੱਟ ਗਾਇਕ ਬਣ ਚੁੱਕਿਆ ਸੀ। ਉਹ ਟੀਮ ਮਿਊਜ਼ਿਕ ਦੀ ਸਥਾਪਨਾ ਕਰ ਕਈ ਕੈਸਿਟਾਂ ਵੀ ਰਿਲੀਜ਼ ਕਰ ਚੁੱਕਿਆ ਸੀ। ਰਾਜ ਬਰਾੜ ਨੂੰ ਮਿਲਣ ਦੀ ਚਾਹਤ ਲੈਕੇ ਮੈਂ ਉਸਦੇ ਬਠਿੰਡੇ ਵਾਲੇ ਦਫ਼ਤਰ ਗਿਆ, ਪ੍ਰੰਤੂ ਉਹ ਬੰਦ ਮਿਲਿਆ। ਉਸਦੇ ਮੈਨੇਜਰ ਦਾ ਨੰਬਰ ਮਿਲਿਆ, ਪ੍ਰੰਤੂ ਰਾਜ ਦੇ ਨਾਲ ਕਦੇ ਗੱਲ ਨਾਲ ਹੋਈ, ਪ੍ਰੰਤੂ ਉਸਦੇ ਗੀਤ ਹਮੇਸ਼ਾ ਮੇਰੇ ਕੰਨਾਂ 'ਚ ਵੱਜਦੇ ਰਹਿ। ਅੱਜ ਵੀ ਜਦੋਂ ਨਾਈਟ ਵਾਕ 'ਤੇ ਜਾਂਦਾ ਹਾਂ, ਤੇ ਰਾਜ ਬਰਾੜ ਦੇ ਗੀਤ ਪੁੱਤ ਵਰਗਾ ਫੋਰਡ ਟਰੈਕਟਰ, ਕੀ ਚੰਗਾ ਹੁੰਦਾ ਕੰਨਾਂ 'ਚ ਵੱਜਦੇ ਨੇ, ਭਲੇ ਹੀ ਚੰਗੀਗੜ੍ਹ ਦੇ ਨਜਾਰੇ ਨਈ ਸੁਣਿਆ, ਉਹ ਉਸਦੇ ਉਹਨਾਂ ਗੀਤਾਂ 'ਚ ਸ਼ਾਮਿਲ ਹੈ, ਜੋ ਮੁਕਾਬਲੇ ਦੇ ਮੈਦਾਨ ਨੂੰ ਖੁਦ ਨੂੰ ਸੁਰੱਖਿਅਤ ਰੱਖਣ ਦੇ ਲਈ ਜਰੂਰੀ ਹੈ।

ਦਿਨ ਭਰ ਦੀਆਂ ਖ਼ਬਰਾਂ ਲਿਖਣ ਤੋਂ ਬਾਅਦ ਜਦ ਸ਼ਾਮ ਨੂੰ ਘਰ ਪੁੱਜਦਾ 'ਤੇ ਚਾਚੇ ਦੇ ਘਰ ਟੀਵੀ ਚੱਲਦਾ ਹੁੰਦਾ, ਚਾਚੇ ਦੀ ਆਵਾਜ ਆਉਂਦੀ, ਸੁਣ ਲੈ ਤੇਰਾ ਗੀਤ ਵੱਜ ਰਿਹਾ ਐ, ਰੋਜ਼ ਸ਼ਾਮ ਨੂੰ ਰਾਜ ਬਰਾੜ ਦਾ ਗੀਤ ਪਹਿਲਾਂ ਵਾਲੀ ਗੱਲ ਨਾ ਰਹਿ ਬਦਲ ਗਈਆਂ ਸਰਕਾਰਾਂ ਨੂੰ ਸੁਣ ਮਿਲਦਾ, ਥਕਾਵਟ ਲਹਿ ਜਾਂਦੀ।

ਅੱਜ ਰਾਜ ਦੇ ਗੀਤਾਂ ਨਾਲ ਸਾਂਝ ਪਿਆ ਕੀ ਵਰ੍ਹੇ ਬੀਤ ਚੱਲੇ ਨੇ, ਰਾਜ ਮਲਕਿਆਂ ਵਾਲਾ ਗੀਤਕਾਰ ਤੋਂ ਗਾਇਕ ਅਤੇ ਫੇਰ ਅਦਾਕਾਰ ਤੱਕ ਦਾ ਸਫ਼ਰ ਤੈਅ ਕਰ ਚੁੱਕਿਆ ਹੈ, ਅਤੇ ਆਪਣੇ ਪਿੰਡ ਤੋਂ ਦੂਰ ਆਪਣੇ ਸੁਫ਼ਨਿਆਂ ਦੇ ਸ਼ਹਿਰ ਚੰਡੀਗੜ੍ਹ ਰਹਿਣ ਲੱਗ ਪਿਆ। ਰਾਜ ਬਰਾੜ ਭਾਵੇਂ ਅੱਜ ਕਈ ਦਿਲਾਂ ਦੀ ਧੜਕਣ ਅਤੇ ਕਈਆਂ ਦਾ ਆਈਕਨ ਬਣ ਗਿਆ, ਪ੍ਰੰਤੂ ਉਸਦੀ ਮਾਂ ਨੂੰ ਇਹ ਦੱਸਦਿਆਂ ਸੰਗ ਆਉਂਦੀ ਐ ਕਿ ਉਸਦਾ ਮੁੰਡਾ ਕੀ ਕਰਦਾ ਐ।

ਪੰਜਾਬੀ ਸੰਗੀਤ ਨੂੰ ਬੱਬੂ ਮਾਨਾਂ ਦੀ ਲੋੜ ਐ, ਨਚਾਰਾਂ ਦੀ ਨਈ

ਜਦੋਂ ਪੰਜਾਬੀ ਗੀਤਾਂ ਦੇ ਨਾਲ ਮੇਰੇ ਪਿਆਰ ਦੀ ਸ਼ੁਰੂਆਤ ਹੋਈ, ਤਾਂ ਉਸ ਸਮੇਂ ਦੇ ਨੇੜੇ ਤੇੜੇ ਹੀ। ਇੱਕ ਗਾਇਕ ਦਾ ਜਨਮ ਹੋਇਆ 'ਪਿੰਡ ਪਹਿਰਾ ਲੱਗਦਾ' ਦੇ ਨਾਲ। ਜੀ ਹਾਂ, ਬੱਬੂ ਮਾਨ ਦਾ। ਸ਼ਾਇਦ ਉਦੋਂ ਬੱਬੂ ਮਾਨ ਦੀ ਉਮਰ ਕੋਈ ਜਿਆਦਾ ਨਹੀਂ ਸੀ, ਅੱਜ ਦੇ ਜੋ ਜੋ ਹਨੀ ਸਿੰਘ ਜਿੰਨੀ ਹੋਵੇਗੀ।
ਦੋਵਾਂ 'ਚ ਸਮਾਨਤਾ ਬੱਸ ਏਨੀ ਕੁ ਹੈ ਕਿ ਦੋਵੇਂ ਨੂੰ ਸਫ਼ਲਤਾ ਇੱਕਦਮ ਮਿਲੀ, ਪ੍ਰੰਤੂ ਫ਼ਰਕ ਬੜੇ ਨੇ। ਇੱਕ ਨੇ ਸਫ਼ਲਤਾ ਮਿਲਦਿਆਂ ਹੀ ਆਪਣੀ ਗਾਇਕੀ ਦੇ ਰਾਹੀਂ ਦੁਨੀਆਵੀਂ ਬੁਰਾਈਆਂ 'ਤੇ ਤਿੱਖੇ ਵਾਰ ਕਰਨੇ ਸ਼ੁਰੂ ਕਰ ਦਿੱਤੇ, ਤੇ ਦੂਜੇ ਨੇ ਪੰਜਾਬੀ ਸੰਗੀਤ ਦੇ ਅੰਦਰ ਨੰਗੇਜ਼ ਭਰਨਾ ਸ਼ੁਰੂ ਕਰ ਦਿੱਤਾ।
ਸਫ਼ਲਤਾ ਦੋਵਾਂ ਦੇ ਹਿੱਸੇ ਆਈ ਹੈ, ਪ੍ਰੰਤੂ ਇੱਕ ਦੀ ਸਫ਼ਲਤਾ ਤੱਤੇ ਤਵੇ ਤੇ ਪਾਣੀ ਦੀ ਸ਼ਿਟ ਵਰਗੀ ਹੈ, 'ਤੇ ਦੂਜੇ ਦੀ ਸਫ਼ਲਤਾ ਤੂਤ ਦੇ ਮੋਸ਼ੇ ਵਰਗੀ ਮਜਬੂਤ। ਜਦੋਂ ਬੱਬੂ ਮਾਨ ਪਿੰਡ ਪਹਿਰ ਲੱਗਦਾ ਅਤੇ ਨੀਂਦਰਾਂ ਨਈ ਆਉਂਦੀਆਂ ਦੇ ਨਾਲ ਪੰਜਾਬੀ ਗਾਇਕੀ ਦੇ ਪਿੜ ਵਿੱਚ ਉਤਰਿਆ ਸੀ, ਸਾਇਦ ਉਦੋਂ ਕਿਸੇ ਨੂੰ ਅੰਦਾਜਾ ਵੀ ਨਈ ਸੀ ਕਿ ਇਹ ਨੌਜਵਾਨ ਪੰਜਾਬੀ ਗਾਇਕੀ ਦੇ ਰਾਹਾਂ 'ਚ ਆਪਣੇ ਪੈਂੜਾਂ ਦੇ ਅਮਿੱਟ ਨਿਸ਼ਾਨ ਛੱਡੇਗਾ।

ਬੱਬੂ ਦੀ ਸਫ਼ਲਤਾ ਦੇ ਨਾਲ ਤਮਾਮ ਅਫ਼ਵਾਹਾਂ ਫੈਲੀਆਂ, ਜਿਵੇਂ ਬੱਬੂ ਮਾਨ, ਬਾਬੂ ਸਿੰਘ ਮਾਨ ਦਾ ਪੁੱਤਰ ਹੈ। ਜਿਸਦੇ ਲਿਖੇ ਗੀਤ ਹਰਭਜਨ ਮਾਨ ਦੀ ਜੁਬਾਨੋਂ ਹਰ ਕਿਸੇ ਨੇ ਸੁਣੇ, ਪ੍ਰੰਤੂ ਇਹ ਸੱਚ ਨਈ ਕਿ ਬੱਬੂ,  ਬਾਬੂ ਸਿੰਘ ਮਾਨ ਦਾ ਪੁੱਤਰ ਹੈ, ਉਸਦਾ ਪੁੱਤਰ ਅਮਤੋਜ ਮਾਨ ਹੈ, ਜੋ ਫਿਲਮ ਹਵਾਏਂ ਅਤੇ ਕਾਫਿਲਾ ਦੇ ਵਿੱਚ ਨਜ਼ਰ ਆਇਆ। 
ਬਾਬੂ ਸਿੰਘ ਮਾਨ ਨੂੰ ਮਾਨ ਮਰਾੜ੍ਹਾਂ ਵਾਲਾ ਵੀ ਕਹਿੰਦੇ ਨੇ, ਕਿਉਂਕਿ ਬਾਬੂ ਸਿੰਘ ਮਾਨ ਦਾ ਜਨਮ ਫਰੀਦਕੋਟ ਦੇ ਮਰਾੜ੍ਹ ਪਿੰਡ 'ਚ ਹੋਇਆ ਸੀ। ਜਾਣਕਾਰੀ ਮੁਤਾਬਿਕ ਉਹਨਾਂ ਦਾ ਪਹਿਲਾ ਗੀਤ ਦੁੱਧ ਕਾੜ੍ਹਕੇ ਜਾਗ ਨਾ ਲਾਵਾਂ, ਤੇਰੀਆਂ ਉਡੀਕਾਂ ਹਾਣੀਆ, ਇੱਕ ਪ੍ਰੱਤਿਕਾ ਦੇ ਵਿੱਚ ਪ੍ਰਕਾਸ਼ਿਤ ਹੋਇਆ ਸੀ, ਜਦੋਂਕਿ ਉਹਨਾਂ ਦਾ ਪਹਿਲਾ ਗੀਤ ਗੁਰਪਾਲ ਸਿੰਘ ਪਾਲ ਨੇ ਗਾਇਆ। ਇਸ ਤੋਂ ਬਾਅਦ ਤੋਂ ਬਾਬੂ ਸਿੰਘ ਮਾਨ ਨੂੰ ਗਾਉਣ ਵਾਲਿਆਂ ਦੀ ਕੋਈ ਗਿਣਤੀ ਨਈ। ਬਾਬੂ ਸਿੰਘ ਮਾਨ ਨੂੰ ਜੇਕਰ ਇੰਗਲਿਸ਼ ਦੇ ਵਿੱਚ ਲਿਖੀਏ ਤਾਂ ਬੱਬੂ ਮਾਨ ਵੀ ਪੜ੍ਹ ਸਕਦੇ ਹਾਂ, ਪ੍ਰੰਤੂ ਦੋਵਾਂ ਦੀ ਲੇਖਣੀ 'ਚ ਜ਼ਮੀਨ ਆਸਮਾਨ ਦਾ ਅੰਤਰ ਹੈ।

ਬੱਬੂ ਸਿੰਘ ਮਾਨ ਪੁਰਾਣੇ ਲਿਹਾਜੇ 'ਚ ਕੁੱਝ ਪਿਆਰ ਕੜੱਤਣ ਦੀਆਂ ਗੱਲਾਂ ਲਿਖਦੇ ਨੇ, ਜਦਕਿ ਬੱਬੂ ਮਾਨ ਪੰਜਾਬੀ ਹਿੰਦੀ ਇੰਗਲਿਸ਼ ਸ਼ਬਦਾਂ ਦੇ ਵਿੱਚ ਵਰਤਮਾਨ ਦੀਆਂ ਘਟਨਾਵਾਂ ਨੂੰ ਜੋੜ੍ਹਦਿਆਂ ਨਿਰੀ ਅੱਗ ਲਿਖਦਾ ਹੈ, ਜਿਵੇਂ ਅਸੀਂ ਕੱਚੇ ਰੰਗ ਜਿਹੇ, ਉੱਚੀਆਂ ਇਮਾਰਤਾਂ।

ਬੱਬੂ ਮਾਨ ਨੇ ਪਿਛਲੇ ਬਾਰ੍ਹਾਂ ਤੇਰ੍ਹਾਂ ਵਰਿਆਂ ਦੇ ਵਿੱਚ ਆਪਣੇ ਸਤਰ ਨੂੰ ਹਮੇਸ਼ਾ ਉੱਪਰ ਵੱਲਿਆ ਚੁੱਕਿਆ। ਅਜਿਹਾ ਕਰਨ ਵਿੱਚ ਬਹੁਤ ਘੱਟ ਗਾਇਕ ਸਫ਼ਲ ਹੋਏ। ਅੱਜ ਬੱਬੂ ਮਾਨ ਦੀ ਜੁਬਾਨੋਂ ਨਿਕਲੀ ਛੋਟੀ ਜਿਹੀ ਤੁੱਕ ਵੀ ਲੋਕਾਂ ਨੂੰ ਲੁਭਾ ਜਾਂਦੀ ਐ, ਜਿਵੇਂ ਵੇਚ ਕਿ ਕਿੱਲਾ ਬਾਪੂ ਰੈਲੀ ਕਰਨੀ ਐ। ਬੱਬੂ ਮਾਨ ਇੰਝ ਗਾਉਂਦਾ ਐ, ਜਿਵੇਂ ਕੋਈ ਨਸ਼ੇ 'ਚ ਧੁੱਤ ਬੰਦਾ, ਨਸ਼ਾ ਗਾਇਕੀ ਦਾ ਵੀ ਕੋਈ ਘੱਟ ਨਈ। ਬੱਬੂ ਮਾਨ ਗਾਉਂਦਿਆਂ ਆਪਣੀ ਪੂਰੀ ਜਾਨ ਝੋਂਕ ਦਿੰਦਾ ਹੈ। ਕਿਸੇ ਨੇ ਕਿਹਾ ਹੈ ਕਿ ਜਦੋਂ ਤੁਸੀਂ ਹੰਡਰਡ ਪੈਂਰਸੇਂਟ ਲਗਾਉਂਦੇ ਹੋ, ਤਾਂ ਨਤੀਜਿਆਂ ਤੋਂ ਨਾ ਡਰੋ। ਨਤੀਜੇ ਤਾਂ ਸਹੀ ਆਉਣਗੇ।

ਬੱਬੂ ਮਾਨ ਦੇ ਨਾਲ ਜੋ ਜੋ ਦੀ ਤੁਲਨਾ ਮੈਂ ਕਿਉਂ ਕੀਤੀ। ਇਹ ਦੱਸਣਾ ਵੀ ਤਾਂ ਬਣਦਾ ਐ। ਅੱਜ ਯੂ ਟਿਊਬ 'ਤੇ ਬੱਬੂ ਮਾਨ ਦੇ ਗੀਤ ਸੁਣਦਿਆਂ, ਜੋ ਜੋ ਵਿਰੋਧੀ ਪ੍ਰਤਿਕ੍ਰਿਆਵਾਂ ਨੂੰ ਸੁਣ ਪਹੁੰਚ ਗਿਆ। ਜਿੱਥੇ ਕਰਨ ਜਸਬੀਰ, ਜੋ ਹੁਣ ਜੱਸੀ ਜਸਰਾਜ ਬਣ ਚੁੱਕਿਆ ਹੈ, ਜੋ ਜੋ ਉੱਤੇ ਪੂਰੀ ਤਰ੍ਹਾਂ ਵਰ੍ਹ ਰਿਹਾ ਸੀ। ਉਸਦੀ ਪੂਰੀ ਇੰਵਰਵਿਊ ਸੁਣ ਤੋਂ ਬਾਅਦ ਪਤਾ ਲੱਗਾ ਕਿ ਉਸ ਦੀ ਮੁਲਾਕਾਤ ਜੋ ਜੋ ਨਾਲ ਕਈ ਸਾਲ ਪਹਿਲਾਂ ਹੋਈ ਸੀ ਦਿੱਲੀ ਦੇ ਵਿੱਚ।

ਫਿਰ ਅਚਾਨਕ ਜੋ ਜੋ ਹਨੀ ਸਿੰਘ ਦਾ ਨਾਂਅ ਚਮਕ ਗਿਆ। ਉਸਨੇ ਜੋ ਵੀ ਊਲ ਜੂਲ ਗਿਆ, ਮਿੰਡਰ ਨੇ ਖਿੜ੍ਹੇ ਮੱਥ ਪ੍ਰਵਾਨ ਕੀਤਾ। ਉਸਦੀ ਆਲੋਚਨਾ ਵੀ ਹੋਈ। ਕੁੱਝ ਵਰ੍ਹੇ ਪਹਿਲਾਂ ਪੰਜਾਬੀ ਸੰਗੀਤਕ ਦਰਿਆ ਨਿਤਰਿਆ ਸੀ, ਇਸਦੇ ਆਉਣ 'ਤੇ ਫਿਰ ਪਾਣੀ ਗੰਧਲਾ ਹੋ ਗਿਆ। ਦਲਜੀਤ ਦੁਸਾਂਝ ਅਤੇ ਗਿੱਪੀ ਗਰੇਵਾਲ, ਨੂੰ ਪਤਾ ਨਈ ਕਿਹੜੇ ਤਵੀਤ ਪਿਲਾਏ ਨੇ, ਹਨੀ ਬਿਨ੍ਹਾਂ ਗਾਉਂਦੇ ਨਈ, ਜਦੋਂਕਿ ਇਹਨਾਂ ਨੂੰ ਸਫ਼ਲਤਾ ਬਹੁਤ ਪਹਿਲਾਂ ਮਿਲ ਗਈ ਸੀ। ਇੱਕ ਨੂੰ ਅਲੱੜ੍ਹ ਕੁਆਰੀਆਂ ਅਤੇ ਦੂਜੇ ਨੂੰ ਫੁਲਕਾਰੀ ਦੇ ਨਾਲ।

ਜਾਂਦੇ ਜਾਂਦੇ ਐਨਾ ਹੀ ਕਹਿਣਾ ਐ ਮਿੱਤਰੋ, ਪੰਜਾਬੀ ਗਾਇਕੀ ਨੂੰ ਬੱਬੂ ਮਾਨ ਜਿਹੇ ਉੱਚੀ ਸੋਚ ਦੇ ਬੰਦਿਆਂ ਦੀ ਲੋੜ ਹੈ, ਹਨੀ ਜਿਹੇ ਨਚਾਰਾਂ ਦੀ ਨਈ।

Friday, May 25, 2012

ਪੰਜਾਬੀ ਸਿਨੇ ਜਗਤ ਦਾ ਉਭਰਦਾ ਸਿਤਾਰਾ ਜਸਪ੍ਰੇਮ ਢਿੱਲੋਂ

  • ਆਪਾਂ ਫੇਰ ਮਿਲਾਂਗੇ ਰਿਲੀਜ਼, 'ਤੇ ਦੇਸੀ ਰੋਮੀਜ਼ ਦੀ ਤਿਆਰੀ
  • ਅੱਜਕੱਲ੍ਹ ਫੈਸ਼ਨ ਸ਼ੋਆਂ ਦੇ ਵਿੱਚ ਰੁੱਝੇ ਹੋਏ ਨੇ
  • ਜਲਦ ਹੋਣਗੇ ਹਿੰਦੀ ਫਿਲਮਾਂ 'ਚ ਦਰਸ਼ਨ

ਪੰਜਾਬੀ ਫਿਲਮ ਜਗਤ ਦਾ ਦਾਇਰਾ ਸਮੇਂ ਦੇ ਨਾਲ ਜਿਵੇਂ ਜਿਵੇਂ ਫੈਲਿਆ, ਉਵੇਂ ਉਵੇਂ ਇੱਥੇ ਨਵੇਂ ਚਿਹਰਿਆਂ ਅਤੇ ਹੁਨਰਾਂ ਨੇ ਦਸਤਕ ਦਿੱਤੀ, ਜੋ ਪੰਜਾਬੀ ਸਿਨੇ ਜਗਤ ਦੇ ਲਈ ਖੁਸ਼ੀ ਦੀ ਗੱਲ ਹੈ। ਨਵੇਂ ਚਿਹਰਿਆਂ 'ਚ ਇੱਕ ਚਿਹਰਾ ਹੈ ਜਸਪ੍ਰੇਮ ਢਿੱਲੋਂ ਦਾ। ਜਿਸ ਤੋਂ ਪੰਜਾਬੀ ਸਿਨੇ ਜਗਤ ਨੂੰ ਬਹੁਤ ਉਮੀਦਾਂ ਨੇ। ਮਿਸਟਰ ਪੰਜਾਬ 'ਤੇ ਮਿਸਟਰ ਨਾਰਥ ਦਾ ਖਿਤਾਬ ਪ੍ਰਾਪਤ ਕਰ ਚੁੱਕੇ ਜਸਪ੍ਰੇਮ ਢਿੱਲੋਂ ਨੇ ਐੱਮਬੀਏ ਦੀ ਪੜ੍ਹਾਈ ਕੀਤੀ, ਪ੍ਰੰਤੂ ਅੰਦਰ ਦੇ ਕਲਾਕਾਰ ਨੇ ਉਸਨੂੰ ਉੱਧਰ ਨਾ ਜਾਣ ਦਿੱਤਾ।

ਪਾਰਖੂ ਨਿਗਾਹ ਦੇ ਮਾਲਕ ਇਕਬਾਲ ਢਿੱਲੋਂ ਨੇ ਜਸਪ੍ਰੇਮ ਢਿੱਲੋਂ ਨੂੰ ਆਪਣੀ ਫਿਲਮ ਚੰਨਾ ਸੱਚ ਮੁੱਚੀ ਦੇ ਲਈ ਚੁਣਿਆ, ਜਿਸਦਾ ਨਿਰਦੇਸ਼ਨ ਹਰਿੰਦਰ ਗਿੱਲ ਨੇ ਕੀਤਾ ਸੀ। ਇਸ ਫਿਲਮ ਵਿੱਚ ਉਹਨਾਂ ਦੇ ਨਾਲ ਪੰਜਾਬੀ ਗਾਇਕਾ ਤੋਂ ਅਦਾਕਾਰਾ ਬਣੀ ਮਿਸ ਪੂਜਾ ਅਤੇ ਗੋਲਡੀ ਸੁਮਲ ਸਨ। ਇਹ ਫਿਲਮ ਭਾਵੇਂ ਸਿਨੇਮਾ ਹਾਲ ਦੀ ਖਿੜਕੀ 'ਤੇ ਜਿਆਦਾ ਟਾਈਮ ਨਈ ਟਿਕੀ, ਪ੍ਰੰਤੂ ਜਸਪ੍ਰੇਮ ਦੇ ਕੰਮ ਉੱਤੇ ਕਈ ਨਿਰਮਾਤਾ ਨਿਰਦੇਸ਼ਕਾਂ ਦੀ ਅੱਖ ਟਿਕ ਗਈ। ਇਹ ਕਾਰਣ ਹੈ ਕਿ 24 ਮਈ ਨੂੰ ਰਿਲੀਜ਼ ਹੋਈ ਫਿਲਮ ਆਪਾਂ ਫੇਰ ਮਿਲਾਂਗੇ ਦੇ ਵਿੱਚ ਜਸਪ੍ਰੇਮ ਢਿੱਲੋਂ ਨੂੰ ਇੱਕ ਜੋਰਦਾਰ ਕਿਰਦਾਰ ਮਿਲਿਆ। ਫਿਲਮ ਦੇ ਪ੍ਰੋਮੋ ਅਤੇ ਗੀਤ ਬਹੁਤ ਵਧੀਆ ਹਨ। ਉਮੀਦ ਹੈ ਕਿ ਇਸ ਫਿਲਮ ਨੂੰ ਵਧੀਆ ਰਿਸਪਾਂਸ ਮਿਲੇਗਾ।

ਐਨਾ ਹੀ ਨਈ, ਜਸਪ੍ਰੇਮ ਦੀ ਜੋਰਦਾਰ ਅਦਾਕਾਰੀ ਨੇ ਉਸਨੂੰ 'ਦੇਸੀ ਰੋਮੀਓ' ਦੇ ਵਿੱਚ ਅਹਿਮ ਰੋਲ ਅਦਾ ਕਰਨ ਦਾ ਮੌਕਾ ਪ੍ਰਦਾਨ ਕੀਤਾ, ਜੋ 15 ਜੂਨ ਦੇ ਆਸ ਪਾਸ ਰਿਲੀਜ਼ ਹੋਣ ਵਾਲੀ ਹੈ। ਇਸ ਫਿਲਮ ਵਿੱਚ ਬੱਬੂ ਮਾਨ, ਹਰਜੀਤ ਹਰਮਨ ਅਤੇ ਜਸਪ੍ਰੇਮ ਕਾਲੇਜੀਅਨ ਦਾ ਰੋਲ ਅਦਾ ਕਰ ਰਹੇ ਹਨ। ਇਹ ਫਿਲਮ ਨੌਜਵਾਨਾਂ ਨੂੰ ਬੇਹੱਦ ਪ੍ਰਭਾਵਿਤ ਕਰੇਗੀ। ਇਸ ਫਿਲਮ ਦੇ ਰੋਲ ਬਾਰੇ ਦੱਸਿਆ ਜਸਪ੍ਰੇਮ ਢਿੱਲੋਂ ਕਹਿੰਦੇ ਹਨ ਕਿ ਫਿਲਮ ਦੇ ਵਿੱਚ ਉਹਨਾਂ ਦਾ ਰੋਲ ਬੇਹੱਦ ਅਹਿਮ ਹੈ, ਪ੍ਰੰਤੂ ਉਹ ਆਪਣੇ ਰੋਲ ਦਾ ਭੇਦ ਨਹੀਂ ਖੋਲ ਸਕਦੇ। ਉਹਨਾਂ ਦਾ ਕਹਿਣਾ ਹੈ ਕਿ ਦੇਸੀ ਰੋਮੀਓ ਫਿਲਮ ਪੰਜਾਬੀ ਸਿਨੇ ਜਗਤ ਦੇ ਵਿੱਚ ਆਪਣੀ ਅਮਿੱਟ ਛਾਪ ਛੱਡੇਗੀ।

ਆਪਾਂ ਫੇਰ ਮਿਲਾਂਗੇ ਦੇ ਬਾਰੇ ਵਿੱਚ ਪੁੱਛੇ ਜਾਣ 'ਤੇ ਢਿੱਲੋਂ ਕਹਿੰਦੇ ਹਨ ਕਿ ਅੱਜ ਫਿਲਮ ਰਿਲੀਜ਼ ਹੋਈ ਹੈ ਅਤੇ ਸਾਨੂੰ ਪ੍ਰਤੀਕਿਰਿਆਵਾਂ ਦਾ ਇੰਤਜ਼ਾਰ ਹੈ। ਫਿਲਮ ਦੇ ਪ੍ਰੋਮੋ ਅਤੇ ਗੀਤਾਂ ਨੇ ਪਹਿਲਾਂ ਹੀ ਦਰਸ਼ਕਾਂ ਦਾ ਦਿਲ ਮੋਹ ਲਿਆ ਹੈ। ਉਹਨਾਂ ਨੂੰ ਹਿੰਦੀ ਫਿਲਮਾਂ ਦੀ ਅਭਿਨੇਤਰੀ ਗ੍ਰੇਸੀ ਸਿੰਘ ਨਾਲ ਕੰਮ ਕਰਕੇ ਬੇਹੱਦ ਖੁਸ਼ੀ ਮਹਿਸੂਸ ਹੋਈ। ਅੱਜਕੱਲ੍ਹ ਜਸਪ੍ਰੇਮ ਫੈਸ਼ਨ ਸ਼ੋਆਂ ਦੇ ਵਿੱਚ ਰੁੱਝੇ ਹੋਏ ਹਨ। ਉਹਨਾਂ ਨੇ ਦੱਸਿਆ ਕਿ ਉਹ ਰਾਜਸਥਾਨ ਅਤੇ ਫੇਰ ਗੋਆ ਦੇ ਵਿੱਚ ਫੈਸ਼ਨ ਸ਼ੋਆਂ ਦੇ ਲਈ ਜਾ ਰਹੇ ਹਨ। ਇੱਕ ਸੁਆਲ ਦੇ ਜੁਆਬ 'ਚ ਜਸਪ੍ਰੇਮ ਨੇ ਦੱਸਿਆ ਕਿ ਉਹ ਬਹੁਤ ਜਲਦ ਹਿੰਦੀ ਫਿਲਮ ਵਿੱਚ ਨਜ਼ਰ ਆਉਣਗੇ।

ਅਸੀਂ ਉਮੀਦ ਕਰਦੇ ਹਾਂ, ਚੰਡੀਗੜ੍ਹ ਸ਼ਹਿਰ ਵਿੱਚ ਪਲਿਆ ਮੋਗੇ ਸ਼ਹਿਰ ਨਾਲ ਰਿਸ਼ਤਾ ਰੱਖਣ ਵਾਲਾ ਪੰਜਾਬੀ ਸਿਨੇ ਜਗਤ ਦਾ ਨਵਾਂ ਚਿਹਰਾ ਜਸਪ੍ਰੇਮ ਢਿੱਲੋਂ ਆਪਣੇ ਅਭਿਨੈ ਦੇ ਨਾਲ ਸਫ਼ਲਤਾ ਦੀਆਂ ਬੁਲੰਦੀਆਂ ਨੂੰ ਛੋਹੇ।

Sunday, May 6, 2012

ਵੇ ਫੱਕਰਾ ਕਿੰਝ ਬੀਤੀ...ਕਿੰਝ ਬੀਤੀ ਤੇਰੇ ਨਾਲ ?

ਨੋਟ  : ਪੰਜਾਬੀ ਦੇ ਬੇਹੱਦ ਲੋਕਪ੍ਰਿਆ ਗੀਤਕਾਰ ਜਨਾਬ ਅਮਰਦੀਪ ਗਿੱਲ ਜੀ ਵੱਲੋਂ ਪੰਜਾਬੀ ਬੋਲੀ ਦੇ ਸ਼੍ਰੋਮਣੀ ਕਵੀ ਤੇ ਗੀਤਕਾਰ ਸ਼ਿਵ ਬਟਾਲਵੀ ਨੂੰ ਇੱਕ ਭਾਵਨਾਤਮਕ ਸ਼ਰਧਾਂਜਲੀ ਹੈ। ਇਹ ਰਚਨਾ ਉਹਨਾਂ ਦੇ ਫੇਸਬੁੱਕ ਸਟੇਟਸ ਅੱਪਡੇਟ ਤੋਂ ਲਈ ਗਈ ਹੈ।
Punjabi lyricist Sh. Amardeep Singh Gill 
ਸਾਗਰ ਕੰਢੇ ਤਿਰਹਾਇਆ ਮਰਿਆ ,
ਨੈਣਾਂ ਵਿੱਚ ਝਨਾ ਵੀ ਭਰਿਆ ,
ਮਾਰੂਥਲ ਕਿਉਂ ਚੁੱਕੀ ਫਿਰਦੈਂ ਹੋ ਖੂਹਾਂ ਦਾ ਲਾਲ !
ਵੇ ਫੱਕਰਾ ਕਿੰਝ ਬੀਤੀ...ਕਿੰਝ ਬੀਤੀ ਤੇਰੇ ਨਾਲ ?
ਰੁੱਖਾਂ ਦੇ ਨਾਲ ਲਾਈਆਂ ਸ਼ਰਤਾਂ ਰੁੱਖ ਵੀ ਹਾਰ ਗਏ ,
ਦੁੱਖਾਂ ਦੇ ਨਾਲ ਲਾਈਆਂ ਸ਼ਰਤਾਂ ਦੁੱਖ ਵੀ ਹਾਰ ਗਏ ,
ਵੰਝਲੀ ਵਾਂਗੂ ਛੇਕ ਸੀਨੇ ਵਿੱਚ ਹੂਕ ਏ ਦੱਸਦੀ ਹਾਲ !
ਵੇ ਫੱਕਰਾ ਕਿੰਝ ਬੀਤੀ...ਕਿੰਝ ਬੀਤੀ ਤੇਰੇ ਨਾਲ ?
ਤੂੰ ਤਾਂ ਸੱਪ ਦੀ ਖੁੱਲੀ ਅੱਖ ਵਿੱਚ ਖੜ ਕੇ ਉਮਰ ਗੁਜ਼ਾਰੀ ,
ਕੂੰਜਾਂ ਦੇ ਨਾਲ ਯਾਰੀ ਤੇਰੀ ਮੋਰ ਦੇ ਜਿੱਡੀ ਉਡਾਰੀ ,
ਜੇਠ - ਹਾੜ ਵਿੰਚ ਟਿੱਬਿਆਂ ਉੱਤੇ ਬੈਠਾ ਧੂਣੀ ਬਾਲ !
ਵੇ ਫੱਕਰਾ ਕਿੰਝ ਬੀਤੀ...ਕਿੰਝ ਬੀਤੀ ਤੇਰੇ ਨਾਲ ?
ਤੇਰੇ ਸਫਰ ਦੀ ਪੂਣੀ ਕੱਤੇ ਚੰਨ ਤੇ ਬੁੱਢੀ ਮਾਈ ,
ਬਾਵਰੀਆਂ ਪੌਣਾਂ ਦੀ ਭਟਕਣ ਤੇਰੇ ਹਿੱਸੇ ਆਈ ,
ਪੈਰਾਂ ਹੇਠਾਂ' ਰਾਤ ਹਨੇਰੀ ਸਿਰ ਤਾਰਿਆਂ ਦਾ ਥਾਲ !
ਵੇ ਫੱਕਰਾ ਕਿੰਝ ਬੀਤੀ...ਕਿੰਝ ਬੀਤੀ ਤੇਰੇ ਨਾਲ ?
ਤੂੰ ਤਾਂ ਹਰ ਜਨਮ ਦੇ ਵਿੱਚ ਹੀ ਬਣ ਮੱਕੀ ਦਾ ਦਾਣਾ ,
ਇਸ ਦੁਨੀਆ ਦੀ ਭੱਠੀ ਦੇ ਵਿੱਚ ਰੋਮ ਰੋਮ ਭੁੱਜ ਜਾਣਾ ,
ਹਰ ਜਨਮ ਹੀ ਜੀਣਾ ਏ ਤੂੰ ਅੱਗ ਸੀਨੇ ਵਿੱਚ ਪਾਲ !
ਵੇ ਫੱਕਰਾ ਕਿੰਝ ਬੀਤੀ...ਕਿੰਝ ਬੀਤੀ ਤੇਰੇ ਨਾਲ ?
@ADSG