ਧੋਬੀ ਬਾਜਾਰ 'ਚ ਰੌਣਕ ਲੱਗਦੀ ਹੁਣ ਵਾਂਗ ਸਤਾਰਾਂ ਦੇ

ਮੇਰੇ ਸ਼ਹਿਰ ਬਠਿੰਡੇ ਦੀ ਇੱਕ ਛੋਟੀ ਜਿਹੀ ਸ਼ਿਨਾਖ਼ਤ

ਕਿਲ੍ਹਾ ਮੁਬਾਰਕ ਵਰ੍ਹਿਆਂ ਤੋਂ ਸ਼ਾਨ ਬਠਿੰਡੇ ਦੀ
ਮਾਲ ਰੋਡ ਬਣ ਗਿਆ ਹੁਣ ਜਾਨ ਬਠਿੰਡੇ ਦੀ
 ਸ਼ਾਮ ਢਲੇ ਹੁਣ ਘੁੰਮਦੇ ਗੱਭਰੂ, ਵੇਖੇ ਵਿੱਚ ਬਾਜਾਰਾਂ ਦੇ
ਧੋਬੀ ਬਾਜਾਰ 'ਚ ਰੌਣਕ ਲੱਗਦੀ ਹੁਣ ਵਾਂਗ ਸਤਾਰਾਂ ਦੇ

ਹੋਰ ਫੈਲ ਗਿਆ ਸ਼ਹਿਰ ਬਠਿੰਡਾ ਵਿੱਚ ਮੀਲਾਂ ਦੇ
ਹੁਣ ਥਰਮਲ ਨੇੜੇ ਹੁੰਦੀ ਬੋਟਿੰਗ ਵਿੱਚ ਝੀਲਾਂ ਦੇ
ਲੈਣ ਨਜ਼ਾਰੇ ਲੋਕੀ ਆਉਂਦੇ ਚੜ੍ਹਕੇ ਵਿੱਚ ਬੱਸਾਂ ਕਾਰਾਂ ਦੇ
ਧੋਬੀ ਬਾਜ਼ਾਰ 'ਚ ਰੌਣਕ ਲੱਗਦੀ ਹੁਣ ਵਾਂਗ ਸਤਾਰਾਂ ਦੇ

ਉੱਥੇ ਗਿੱਲ ਤਿਵਾੜ੍ਹੀ ਯਾਰ ਟਿਵਾਣਾ ਵੱਸਦਾ ਐ
ਲਿਖਿਆ ਹਰ ਦਿਲ ਇਨ੍ਹਾਂ ਦਾ ਗਾਣਾ ਵੱਸਦਾ ਐ
ਕੀਤਾ ਕਦ ਉੱਚਾ ਸ਼ਹਿਰ ਮੇਰੇ ਦਾ ਸਦਕੇ ਕਲਾਕਾਰਾਂ ਦੇ
ਧੋਬੀ ਬਾਜ਼ਾਰ 'ਚ ਰੌਣਕ ਲੱਗਦੀ ਹੁਣ ਵਾਂਗ ਸਤਾਰਾਂ ਦੇ

ਰੌਸ਼ਨ ਕੀਤਾ ਨਾਂਅ *ਅਵਨੀਤ ਜਿਹੀਆਂ ਧੀਆਂ ਨੇ
ਹੋਰ ਖੇਤਰਾਂ ਵਿੱਚ ਵੀ ਮਾਰੀਆਂ ਮੱਲਾਂ ਕਈਆਂ ਨੇ
ਫੁੱਲਿਆ ਸ਼ਹਿਰ ਸਮਾਉਂਦਾ ਨਈ ਵਿੱਚ ਜਸ਼ਨ ਬਹਾਰਾਂ ਦੇ
ਧੋਬੀ ਬਾਜ਼ਾਰ 'ਚ ਰੌਣਕ ਲੱਗਦੀ ਹੁਣ ਵਾਂਗ ਸਤਾਰਾਂ ਦੇ

*ਅਵਨੀਤ ਕੌਰ ਬਰਾੜ ਨਿਸ਼ਾਨੇਬਾਜ਼ ਕੁੜ੍ਹੀ.....