Saturday, July 11, 2015

ਮੇਰੇ ਦਰਦ

ਮੇਰੇ ਦਰਦ @ ਕੁਲਵੰਤ ਹੈਪੀ

ਮੇਰੇ ਦਰਦ ਨੂੰ ਕਲਮ, ਕਲਮ ਨੂੰ ਜਦ ਮੁਕੰਮਲ ਬਾਜ਼ਾਰ ਮਿਲ ਜਾਵੇਗਾ
21ਵੀਂ ਸਦੀ ਨੂੰ ਮੇਰੇ ਵਿੱਚੋਂ ਵੀ ਸ਼ਿਵ ਜਿਹਾ ਕੋਈ ਫਨਕਾਰ ਮਿਲ ਜਾਵੇਗਾ

ਪਹਿਲੀ ਨਜ਼ਰੇ ਲੱਗਦਾ ਹਾਂ ਮੈਂ ਬੇਫ਼ਿਕਰ ਮਨਮੌਜੀ ਬੇਪਰਵਾਹ ਜਿਹਾ
ਕੁੱਝ ਦਿਨ ਠਹਿਰ ਮੇਰੇ ਨਾਲ ਇੱਥੇ ਵੀ ਕੋਈ ਦੁਨਿਆਦਾਰ ਮਿਲ ਜਾਵੇਗਾ

ਹਾਲੇ ਹਾਂ ਮੈਂ ਅਣਘੜਤ ਪੱਥਰ ਜਿਹਾ ਹਾਂ, ਜਿਸ ਦਿਨ ਤਰਾਸਿਆ ਗਿਆ,
ਉਸ ਦਿਨ ਮੇਰੇ 'ਚੋਂ ਵੀ ਤੈਨੂੰ ਕੋਈ ਪਾਤਰ ਪਾਸ਼ ਜਗਤਾਰ ਮਿਲ ਜਾਵੇਗਾ

ਰੁਮਾਨੀ ਸੁਭਾਅ ਮੇਰਾ, ਲਿਖਦਾ ਹਾਂ ਗੀਤ ਮੁਹੱਬਤ ਦੇ, ਜੇ ਕਦੇ ਭੀੜ ਪਈ
ਮੇਰੇ ਅੰਦਰ ਵੀ ਇਨਕਲਾਬੀ ਭਗਤ ਸਿੰਘ ਜਿਹਾ ਸਰਦਾਰ ਮਿਲ ਜਾਵੇਗਾ

ਹਾਲੇ ਇੱਕ ਤਰਫ਼ ਬਿਆਨ ਮੇਰਾ ਮੇਰੇ ਉੱਤੇ ਉੱਠਣ ਦਿਓ ਕੁੱਝ ਉਂਗਲਾਂ ਨੂੰ
ਯਕੀਨ ਮੰਨਿਓ ਮੇਰੇ ਵਿੱਚ ਵੀ ਕੋਈ ਨਾ ਕੋਈ ਗੁਨਾਹਗਾਰ ਮਿਲ ਜਾਵੇਗਾ

ਬਸ ਕਿਧਰੇ ਮਿਲ ਜਾਵੇ ਕੋਈ ਢੁਕਵੀਂ ਮਿੱਠੀ ਜਿਹੀ ਆਵਾਜ਼ ਮੇਰੇ ਗੀਤਾਂ ਨੂੰ
ਫੇਰ ਆਮ ਜਿਹੇ ਇਸ ਮੁੰਡੇ ਵਿੱਚ ਵੀ ਕੋਈ ਨਾਮੀ ਗੀਤਕਾਰ ਮਿਲ ਜਾਵੇਗਾ

#punjab84  

ਧੰਨਵਾਦ ਸਹਿਤ- ਕੁਲਵੰਤ ਹੈੱਪੀ
Share |

Friday, July 10, 2015

ਇਹ ਜੋ ਗਮ ਨੇ ਮੇਰੇ

 ਇਹ ਤਾਂ ਮੇਰੇ ਸਾਹਾਂ ਜਿਹੇ
ਜਨਮਾਂ ਤੋਂ ਮੇਰੇ ਨਾਲ ਰਹੇ
ਇਹ ਜੋ ਗਮ ਨੇ ਮੇਰੇ
ਇਹ ਹਮਦਮ ਨੇ ਮੇਰੇ

ਇਹ ਮੌਸਮ ਰੁੱਤ ਜਿਹੇ
ਇਹ ਧੀਆਂ ਪੁੱਤ ਜਿਹੇ
ਇਹ ਕੁਝ ਸ਼ੋਰ ਸ਼ਰਾਬੇ
ਕੁਝ ਚੰਦਰੇ ਚੁੱਪ ਜਿਹੇ
ਇਹ ਜੋ ਗਮ ਨੇ ਮੇਰੇ
ਇਹ ਹਮਦਮ ਨੇ ਮੇਰੇ

ਇਹ ਹਮਸਫ਼ਰ ਮੇਰੇ ਜਿੰਦਗੀ ਦੀ ਰਾਹੇ
ਇਹ ਕਾਟਾਂ ਨੇ 'ਤੇ ਇਹ ਹੀ ਨੇ ਜੁਲਾਹੇ
ਇਹ ਹੀ ਮੰਜਿਲ ਦੇ ਰਾਹ ਇਹ ਹੀਨੇ ਦੁਰਾਹੇ
ਇਹ ਜੋ ਗਮ ਨੇ ਮੇਰੇ
ਇਹ ਹਮਦਮ ਨੇ ਮੇਰੇ

ਇਹ ਹੀ ਦੁਸ਼ਮਣ ਸ਼ਰੀਕ ਇਹ ਹੀ ਮੀਤ ਨੇ ਮੇਰੇ
ਇਹ ਹੀ ਵੈਣ 'ਤੇ ਇਹ ਹੀ ਵਸਲ ਦੇ ਗੀਤ ਨੇ ਮੇਰੇ
ਇਹ ਹੀ ਗਰਮ 'ਤੇ ਇਹ ਮੌਸਮ ਠੰਡੇ ਸ਼ੀਤ ਨੇ ਮੇਰੇ
ਇਹ ਜੋ ਗਮ ਨੇ ਮੇਰੇ
ਇਹ ਹਮਦਮ ਨੇ ਮੇਰੇ 

ਧੰਨਵਾਦ ਸਹਿਤ- ਕੁਲਵੰਤ ਹੈੱਪੀ
Share |

Monday, May 11, 2015

ਮੈਨੂੰ ਤੂੰ ਹਾਲੇ ਤੱਕ"SINGLE" ਕਿਉਂ ?

ਓਹ ਕਹਿੰਦੀ ਮੈਨੂੰ ਤੂੰ ਹਾਲੇ ਤੱਕ"SINGLE" ਕਿਉਂ ?
ਮੈਂ ਕਿਹਾ ਕੋਈ ਮਿਲਦੀ ਸੱਚੀ "ਹੀਰ" ਹੈਣੀ.....

ਕਹਿੰਦੀ ਕੀ ਗੱਲ ਕਦੇ ਤੂੰ ਕੋਈ"ਸ਼ਿਕਾਰ" ਨੀ ਕੀਤਾ ?
ਮੈਂ ਕਿਹਾ ਛੱਡਿਆ ਕਦੇ ਮੈਂ ਇਸ਼ਕ ਦਾ ਤੀਰ ਹੈਣੀ......

ਕਹਿੰਦੀ ਕਿਉਂ ? ਇੰਨਾ "ਸੋਹਣਾ" ਤਾਂ ਤੂੰ ਹੈਗਾ ਏ,
ਮੈਂ ਕਿਹਾ ਪਰ ਮੇਰੀ ਚੰਗੀ ਤਕਦੀਰ ਹੈਣੀ.....

ਕਹਿੰਦੀ ਮੈਂ ਸੋਚਿਆ ਤੈਨੂੰ ਕੁੜ੍ਹੀਆਂ ਪੂਜਦੀਆਂ ਹੋਣੀਆਂ,
ਮੈਂ ਕਿਹਾ ਐੱਡਾ ਵੀ ਮੈਂ ਕੋਈ ਫਕੀਰ ਹੈਣੀ.....

ਕਹਿੰਦੀ ਜੇ ਮੈਂ ਹੋਵਾਂ ਤਾਂ ਤੈਨੂੰ"ਦਿਲ" 'ਚ ਵਸਾਕੇ ਰੱਖਾਂ,
ਮੈਂ ਕਿਹਾ ਇੰਨੀ ਸੋਹਣੀ ਵੀ ਮੈਂ ਤਸਵੀਰ ਹੈਣੀ.....

ਕਹਿੰਦੀ ਮੈਂ ਯਾਰੀ ਲਾਵਾਂ ਤਾਂ ਮੈਨੂੰ "AISH" ਕਰਾਏਂਗਾ ?
ਮੈਂ ਕਿਹਾ ਐੱਡਾ ਵੀ ਮੈਂ ਕੋਈ "ਵਜੀਰ" ਹੈਣੀ.....

ਕਹਿੰਦੀ "SERIOUS" ਨਾ ਸਹੀ "TIME" ਈ ਟਪਾਲੈ,
ਮੈਂ ਕਿਹਾ ਜਿਸਮਾਂ ਨਾਲ ਖੇਡਣ ਆਲਾ ਮੇਰਾ ਜ਼ਮੀਰ ਹੈਣੀ......

ਕਹਿੰਦੀ ਜਾ ਫੇਰ ਦਫਾ ਹੋ ਤੇਰੇ ਵਰਗੇ ਮੈਨੂੰ ਹੋਰ ਬਥੇਰੇ,
ਮੈਂ ਕਿਹਾ ਪਰ "Saade" ਵਰਗਾ ਕੋਈ ਸੱਚਾ ਦਿਲਗੀਰ ਹੈਣੀ......!!"