ਮੇਰੀ ਜ਼ੁਬਾਨ My Tongue

ਅੱਖਰਾਂ ਵਿੱਚ ਸਮੁੰਦਰ ਰੱਖਾਂ, ਮੈਂ ਇਕਬਾਲ ਪੰਜਾਬੀ ਦਾ। ਝੱਖੜਾਂ ਦੇ ਵਿੱਚ ਰੱਖ ਦਿੱਤਾ ਏ, ਦੀਵਾ ਬਾਲ ਪੰਜਾਬੀ ਦਾ। ਜਿਹੜੇ ਆਖਣ ਪੰਜਾਬੀ ਵਿੱਚ ਵਸੁਅਤ (ਸਮਰੱਥ) ਨਹੀਂ, ਤਹਿਜ਼ੀਬ ਨਹੀਂ, ਪੜ੍ਹਕੇ ਵੇਖਣ ਵਾਰਿਸ, ਬੁੱਲ੍ਹਾ, ਬਾਹੂ, ਲਾਲ ਪੰਜਾਬੀ ਦਾ।

Wednesday, December 30, 2009

ਮੁੜ ਮੁੜ ਚੇਤੇ ਆਵੇ

ਓ ਮਾਂ ਦੀ ਲੋਰੀ, ਬਾਪੂ ਦੀ ਘੂਰੀ
ਦੁੱਧ ਦਾ ਛੰਨਾ, ਗੁੜ੍ਹ ਦੀ ਚੂਰੀ
ਮੁੜ-ਮੁੜ ਚੇਤੇ ਆਵੇ

ਓ ਪਿੰਡ ਦਾ ਸੱਥ, ਯਾਰਾਂ ਦੀ ਟਾਣੀ
ਜੇਠ ਹਾੜ੍ਹ ਮਹੀਨਾ, ਬੰਬੀ ਦਾ ਪਾਣੀ
ਮੁੜ ਮੁੜ ਚੇਤੇ ਆਵੇ

ਓ ਰੁੱਖ ਦੀ ਛਾਂ, ਸਿਖਰ ਦੁਪਹਿਰਾ
ਪਿੰਡ ਦੀ ਫਿਰਨੀ, ਠੀਕਰੀ ਪਹਿਰਾ
ਮੁੜ ਮੁੜ ਚੇਤੇ ਆਵੇ

ਕੱਬਡੀ ਦਾ ਮੈਦਾਨ, ਪੈਹਲਾਂ ਪਾਉਂਦੇ ਜਵਾਨ
ਹਾੜੀ ਦਾ ਜੋਰ, ਲੋਹੜਿਆਂ ਦੀ ਥਕਾਨ
ਮੁੜ ਮੁੜ ਚੇਤੇ ਆਵੇ