Sunday, November 15, 2009

ਲੁੱਟਿਆ ਸਾਨੂੰ

ਲੁੱਟਿਆ ਸਾਨੂੰ ਉਹਨਾਂ ਨੇ ਮੀਤ ਬਣਕੇ
ਜੋ ਬੁੱਲ੍ਹਾਂ 'ਤੇ ਰਹਿ ਸਾਡੇ ਗੀਤ ਬਣਕੇ
ਓ ਤੁਰ ਗਏ, ਅਸੀਂ ਖਲੋਏ ਅਤੀਤ ਬਣਕੇ
ਤੱਤੀ ਧੁੱਪ 'ਚ ਸੜ੍ਹਦਿਆਂ ਛੱਡ ਗਏ ਹੈਪੀ,
ਆਏ ਸੀ ਜੋ ਠੰਡੀ ਹਵਾ ਸ਼ੀਤ ਬਣਕੇ
---------------------------------
ਤੂੰ ਸੱਜਣਾ ਉਸ ਚੰਦ ਵਰਗਾ ਐ
ਜਿਸਨੂੰ ਚਾਹਕੇ ਵੀ ਪਾਇਆ ਜਾ ਸਕਦਾ ਨਹੀਂ
ਤੇਰੇ ਚੇਤਾ ਅਭੁੱਲ ਯਾਦ ਜਿਹਾ,
ਲੱਖ ਕੋਸ਼ਿਸ਼ਾਂ ਬਾਅਦ ਵੀ ਭੁੱਲਾਇਆ ਜਾ ਸਕਦਾ ਨਹੀਂ
ਅੱਖਰ ਬਣ ਘੁਣ ਗਿਆ ਮੱਥੇ ਵਿੱਚ
ਜਿਸ ਨੂੰ ਮਰੇ ਬਿਨ੍ਹ ਮਿਟਾਇਆ ਜਾ ਸਕਦਾ ਨਹੀਂ
--------------------------------
ਰੁੱਤ ਬਿਰਹੋਂ ਦੀ ਆਈ ਲੈਕੇ ਹੰਝੂ ਹੌਂਕੇ ਦੁੱਖ ਸੌਗਾਤਾਂ
ਚਿੱਟੇ ਦਿਨ ਵੀ ਬਣ ਚੱਲੇ ਹੁਣ ਕਾਲੀਆਂ ਰਾਤਾਂ
ਹੋ ਗਈਆਂ, ਜੋ ਹੋਣੀਆਂ ਸਨ ਪਿਆਰ ਦੀਆਂ ਬਾਤਾਂ
ਹੁਣ ਵੇਲਾ ਆ ਗਿਆ, ਕਰੂੰ ਮੈਂ ਮੌਤ ਨਾਲ ਮੁਲਾਕਾਤਾਂ